Паломник из юго-восточного Афганистана, ставший сенсацией в социальных сетях, когда весной отправился в паломничество в Мекку на велосипеде, достиг Саудовской Аравии, заявили афганские власти в среду.
Нур Мухаммад выехал из своего дома в селе Лайек Карабахского района провинции Газни в начале мая, планируя преодолеть более 6000 километров, чтобы к июлю добраться до священного города и совершить хадж. Когда он ехал на велосипеде, ему предложили помощь в получении билета на самолет, но 48-летний мужчина отказался, желая сделать все возможное, чтобы добраться до Мекки самостоятельно.
Он и не подозревал, что вскоре, ему понадобится помощь, когда через три недели он застрял в Иране, пытаясь получить иракскую визу в приграничном городе Хорремшехр.
«У меня не было другого выхода. Я связался со знакомым афганским богословом», — сказал он. «Он познакомил меня с афганским бизнесменом, который помог мне остаться в Иране и вернуться обратно в Кабул».
В Кабуле министерство хаджа в срочном порядке оформило его паспорт, всего за несколько дней до отъезда в Саудовскую Аравию. Он вылетел из Кабула во вторник после оформления всех его проездных документов.
По данным islam.ru, Мухаммад готовился к полету через несколько дней после разрушительного землетрясения в восточном Афганистане, в результате которого на прошлой неделе погибло около 1150 человек. Он молился за жертв и сказал, что тоже вспомнит их, когда доберется до Мекки.

Пресс-служба Управления мусульман Узбекистана

Саудия хавфсизлик хизмати чоршанба куни қилган баёнотида айтилишича, ҳажни рухсатсиз бажаришга уринаётган одамлар 2 666 АҚШ доллари миқдоридаги жаримага тортилади.
Ҳокимият расмий вакилининг айтишича, зиёратчилар ҳаж маросимларини бажаришга уринишдан олдин тегишли ташкилотлардан рухсат олишлари керак.
Islam.ru хабарига кўра, Твиттерда эълон қилинган баёнотда бригада генерали Сами бин Муҳаммад Ал-Шувайрҳ зиёратчиларни ҳаж кўрсатмаларига қатъий риоя қилишга чақирди ва хавфсизлик кучлари ҳар қандай қоидабузарликларни олдини олиш учун Маккадаги Ал-Ҳаром масжиди ва бошқа муқаддас жойларга олиб борадиган йўлларнинг хавфсизлигини таъминлаш бўйича ўз вазифаларини қатъий бажаришини таъкидлади.

Ўзбекистон мусулмонлари идораси матбуот хизмати

Доктор Мустафо Хон айтадилар: “Бугунги кунимиздаги муаммо бу, мазҳаб имомлари мазҳабни ўзлари тўқиб чиқаришган деган гумон. Ваҳоланки воқеликда Абу Ҳанифа роҳимаҳуллоҳ ўз имоми Ибн Масъуд розияллоҳу анҳуга эргашади.

Имом Молик Ибн Умар ва Ибн Аббос розияллоҳу анҳумоларга эргашади, Имом Шофеъий ҳам ана шу саҳобаларга эргашади. Саҳобаларни Аллоҳ таоло Муҳаммад Мустафо соллоллоҳу алайҳи васаллам етказган омонат ва рисолатни ўз зиммасига олиш ва етказиш учун танлаб олган”[1].

Бирорта инсон инкор қилмасдан уммат жуда узоқ аср мазҳабни маҳкам тутиб келди.

Бирор-бир мазҳабсиз муҳаддис, муфассир ёки усули олимни тарих зар варақларидан топа олмайсан. Байҳақий, Хатиб Бағдодий, Ибн Ҳажар Асқалоний, Ибн Асокир, Ибн Салоҳ, Суютий, Жассос, Байдовий, Заркаший, Ибн Ҳожиб, Ибн Жавзий, Ибнул Ҳумом, Сарахсий, Баздавий, Бағовий, Ғаззолий, Субкий, Широзий, Имом Нававий ва бошқа етук ислом уламоларининг барчаси албатта бирор мазҳабга мансуб ва бир мазҳабни маҳкам ушлаганини кўрасан.

Яфеъий айтадилар: “Ислом тарихига назар ташлаган инсон албатта, тўрт мазҳаб юзага келгандан кейин неча- неча замон ўтсин имомлар-у саркарда ва султонларнинг бир мазҳабни тутганига гувоҳ бўлади”[2].

Мазҳабни инкор қилувчи дин имомлари унинг устида бўлиб турган нарсани инкор қилувчидир ва унга ижмо боғланган нарсага хилоф қилувчидир. Чунки, тўрт мазҳабдан бирини ушлаш лозим эканига ижмо қилинган.

Деҳлавий айтадилар: "Мазҳабни тутиш керак эканига бутун уммат ижмо қилган, хоссатан, бизнинг бу нафслар шаҳватга мойил бўлиб кетган кунларда".

Юқорида мазҳабни ушлаш нега лозим экани борасида бир қанча сабаблар санаб ўтилди, мазҳаблар энг мукаммал суръатда ташкил топди, энди уни тарк этишга ҳеч қандай асосли сабаб йўқдир.

Аллоҳнинг динида эрмак ва ўйин қилишга йўл қўймаслик учун уламолар мутлоқ ижтиҳод эшикларини ёпганлар.      

Ибн Салоҳ нақл қилиб айтадилар: "Имом Шофеъийнинг асридан кейин мустақил мужтаҳид топилмади дейишади".

Имом Заҳабий айтадилар: "Ҳозирги кунимизда фақат шу тўрт мазҳабгина қолди, лекин шуни ҳам лозим бўлганидек тушунадиган одамлар саноқлигина, мужтаҳид бўлишни қўявер".

Муҳиддин Мусулмонов - Шўрчи туманидаги "Домла Қосим жомеъ масжиди" имом хатиби

Ўзбекистон элчихонаси Ўзбекистон маданий меросини ўрганиш, асраш ва оммалаштириш бўйича Бутунжаҳон жамияти бошқаруви раиси Фирдавс Абдухолиқов ва Малайзия Ислом санъати музейи бош куратори Ҳеба Наэль Баракат ўртасида онлайн музокаралар ташкил этилди, деб хабар бермоқда «Дунё» ахборот агентлиги.

Мулоқот чоғида Ислом цивилизациясининг бой маданияти, санъати ва ҳужжатли меросини халқаро миқёсда оммалаштириш бўйича қўшма лойиҳаларни амалга ошириш масалалари муҳокама қилинди.

Томонлар ўртасида коллекцион нашрлар алмашинуви йўлга қўйилди. Шу нуқтаи назардан, музейда сақланаётган Амир Темур ҳаёти ва ижоди ҳақида кўчирилган нашрларнинг махсус кўргазмаси, Шарифиддин Али Яздийнинг "Зафарнома" китоби миниатюраларининг факсимиллари ва Ўзбекистон маданий меросига бағишланган халқаро медиа-форум ташкил этиш режалари муҳокама қилинди.
Малайзия томони Марказий Осиё билан боғлиқ ва Малайзияда сақланаётган қўлёзма Қуръон битиклари "Дунёнинг 114 та буюк Қуръони" лойиҳасида иштирок этишга ҳамда Имом Ал-Бухорий ҳаёти ва мероси ҳақида бадиий ва ҳужжатли фильмлар яратиш бўйича қўшма лойиҳани ишлаб чиқишга тайёрлигини билдирди.

Малайзия музейи фондида сақланаётган Ўзбекистон моддий ва бадиий маданияти буюмлари ва ашёларини инвентаризация қилиш бўйича қўшма лойиҳани амалга оширишнинг бориши алоҳида муҳокама қилинди.
Натижада "Малайзия Ислом санъати музейи коллекцияларида Ўзбекистоннинг маданий мероси" махсус китоб-альбомини нашр этиш ва уни 22-24 июль кунлари бўлиб ўтадиган Ўзбекистон маданий меросини ўрганиш, асраш ва оммалаштириш бўйича Бутунжаҳон жамиятининг VI Конгресси доирасида тақдим этиш тўғрисида келишувга эришилди.

Ўзбекистон мусулмонлари идораси матбуот хизмати

Айни кунларда ижтимоий тармоқларда “Ҳайит намози ўқилмайдиган бўлди, бу борада Ўзбекистон мусулмонлари идораси Уламолар кенгаши фатвоси эълон қилинди” деган мазмундаги ёлғон хабар(фейк)лар тарқалмоқда. Мазкур хабарлар асоссиз ва ҳақиқатга мос келмайди.

Ушбу фейк хабар бундан бир йил аввал пандемия даврида 2021 йил июль ойида эълон қилинган маълумотни қайта, яъни такроран тарқатилмоқда. Жорий йилда Ўзбекистон мусулмонлари идораси Уламолар кенгаши бундай фатво чиқармаган.

Таъкидлаш керакки, Ўзбекистонда коронавирус инфекцияси билан касалланиш кўрсаткичларида ўзгаришлар бўлаётган бўлса-да, лекин оммавий тадбирларни чеклаш юзасидан Республика махсус комиссиясининг қарори эълон қилингани йўқ.

Маълумот учун, 2022 йил 1 июль куни Президентимиз “Қурбон ҳайитини нишонлаш тўғрисида”ги қарорни имзолади. Унга кўра жорий йилда Қурбон ҳайитининг биринчи куни 9 июль – шанба кунига тўғри келиши тўғрисида Ўзбекистон мусулмонлари идораси Уламолар кенгаши томонидан қабул қилинган қарорни инобатга олиниб, мутасадди ташкилотлар ҳамкорликда Қурбон ҳайити халқимизнинг миллий ва диний анъаналарига мос равишда ўтказилиши учун тегишли чора-тадбирларни амалга ошириши белгиланди.

Қурбон ҳайити намозини ўқиш юзасидан бирор ўзгариш бўладиган бўлса, расмий нашрларда эълон қилинишини билдирамиз. Мўмин-мусулмонлардан асоссиз ва ҳақиқатга тўғри келмайдиган бундай хабарларни тарқатмасликни илтимос қиламиз.

Аҳоли орасида асоссиз ва ёлғон хабар тарқатиш Ислом дини кўрсатмасига кўра, катта гуноҳ, қонунчиликда эса жавобгарликка омил эканини эслатиб ўтамиз.

Ўзбекистон мусулмонлари идораси Матбуот хизмати