Ҳиндистоннинг Тамил Наду штатида юзлаб одамлар ижтимоий адолатсизлик сабаб ўз динларидан воз кечиб, Исломни қабул қилди. Коимбатур шаҳри яқинида жойлашган қишлоқнинг 3000 дан ортиқ аҳолиси мусулмон бўлишга қарор қилган. Уларнинг бу қарорга келишига кучли ёғингарчилик туфайли деворнинг қулаши билан боғлиқ ҳодиса сабаб бўлган, дейди Islamisemya.com сайти. “Биз ислом динига каста адолатсизлиги ва жамиятда мавқега эга бўлмаганлигимиз сабабли қабул қилдик. Биз ҳатто автобусда ҳам бошқа одамлар билан бир қаторда ўтира олмаймиз”, дейди улардан бири.

Ижтимоий тармоқларда Иcҳоқжон домла Бегматов билан боғлиқ гап-сўзлар тарқалди. Домланинг айтган гапларини турлича талқин қилишлар кузатилмоқда. Имом домла жамоатни бирликка чорлаётган бир вақтда бунга қарши кучлар қўлларидан келганича жамоат орасига фитна уруғларини сочишга ҳаракат қилмоқдалар. Aслида Исҳоқжон домла айтган фитначиларнинг аломатлари ҳақидаги гаплар бундан 14 аср олдин хадиси шарифларда Расулимиз алайҳиссалом томонларидан айтилган эди.

Абу Саъид розияллоҳу анҳудан ривоят қилинади: «Али Яманда турганида ёмби тиллони тупроғи билан Расулуллоҳ соллаллоҳу алайҳи ва салламга юборди. Бас, у Зот уни тўрт киши; Уяйна, ал-Ақраъ, Зайд ал-Хойл ва Aлқамалар орасида тақсим қилдилар. Бунда қурайшликлар ғазабландилар ва: «Нажднинг катталарига бериб бизни тарк қиладими?!» дейишди.

Шунда Расулуллоҳ соллаллоҳу алайҳи ва саллам: «Албатта, мен буни уларни улфат қилиш учун қилдим», дедилар. Кейин бир серсоқол, икки ёноғи бўртиб чиққан, кўзлари ичига кирган, пешонаси дўнг ва сочи қирилган киши келиб: «Аллоҳдан қўрқ! Эй Муҳаммад!» деди. «Агар мен осийлик қилсам, Аллоҳга ким итоат қилади?! У зот мени ер аҳлига ишонадию, сизлар менга ишонмайсизларми?!» дедилар. Сўнгра ҳалиги одам орқасига қараб кетди. Қавмдан бири уни қатл қилишга изн сўради. Шунда Расулуллоҳ соллаллоҳу алайҳи ва саллам: «Мана шунинг жинсидан бўлган бир қавмлар чиқади. Улар Аллоҳнинг китобини кўп тиловат қиладилар. Аммо у уларнинг бўғизларидан нари ўтмайди. Улар аҳли Исломни қатл қиладилар ва аҳли бутларни тарк қиладилар. Улар Исломдан худди ўқ камондан чиққандек чиқадилар. Агар уларни топсам, албатта, Од қавмидек қатл қилардим», дедилар». (Бухорий, Муслим ва Термизий ривоят қилганлар).

Имом Бухорий, Муслим ва Термизий ривоят қилишган бошқа ҳадисда, келажакда уни жинсидан ҳаворижлар чиқиши айтилган бу одамнинг исми Зул-хувайсира эканлиги ва у Нажднинг Бану Тамим қабиласидан эканлиги айтилган.

Бошқа ривоятда эса шимини тиззасигача қайириб олган деб тасвирлаганлар.

Демак, қуйидаги аломатлар фитначиларнинг белгисидир.

1) Қуръонни қироат қилурлар, аммо у ҳалқумларидан нари ўтмас.
2) Улар Аллоҳнинг китобига даъват қилурлар, ҳолбуки, ўзларида ундан ҳеч нарса йўқ.
3) Диндан худди ўқ камондан чиққанидек чиқурлар, сўнгра унга қайтмаслар.
4) Аҳли Исломни қатл қиладилар ва аҳли бутларни тарк қиладилар.
5) Улар одамларнинг ва ҳайвонларнинг энг ёмонидир.
6) Улар Нажднинг Буну Тамим қабиласидан бўлган Зулхувайсиранинг авлодларидан чиқадилар.
7) Уларнинг белгиси – сочни қирдириш эканлигидир.

Хулоса ўрнида шуни таъкидлаш жоизки, бундай кимсалар 14 асрдан буён уммат орасидаги бирликка раҳна солиб келмоқдалар. Имом домлаларимизга отилаётган тошлар ҳам аслида жамоатни келишмовчиликлар гирдобига тиқишдан иборатдир. Бунга ўхшаш вазиятларда биз имомларимизнинг сўзларини тўғри ва ўз маъносида тушуниб, ҳиссиётларга берилмасдан, фитначиларнинг ёлғон сўзларига алданмасдан иш кўрмоғимиз даркор. (https://imbt.ga/Axr8aHq41f)

ЎМИ Тошкент шаҳар вакиллиги матбуот хизмати.

Тошкент шаҳар Учтепа тумани “Саид Воққос ота” жоме масжиди имом ноиби Умаржон Aбдуманнонов тумандаги 62-умумтаълим мактаб ўқувчилари давра суҳбати ўтказди. Унда асосан мактабнинг 8-, 9-, 10- синф ўқувчилари қатнашди.
Суҳбат давомида ижтимоий тармоқларнинг ёмон жиҳатларидан сақланиш, ишончли манбалардан фойдаланиш бўйича тавсиялар берилди, илм олишнинг аҳамияти, жаҳолат ва жоҳилликнинг давоси илм ва маърифат экани баён этилди, ўқувчилар кўпроқ китоб ўқишга тарғиб қилинди, мавзуга оид ўқувчиларни қизиқтирган саволларга жавоб берилди.

Ўзбекистон мусулмонлари идораси матбуот хизмати

Жорий йил 24 февраль куни Андижон шаҳар “Уйғур” жоме масжиди имом-хатиби Абдураҳмон домла Артиқов Андижон давлат тиббиёт институтида профессор ўқитувчи ва ёшлар билан учрашув ўтказди.
Маърифий суҳбат давомида Абдураҳмон домла бугунги кунда долзарб муаммолар, илм олишнинг фойдалар ҳақида маъруза қилди, талаба-ёшларнинг қизиқтирган саволларга батафсил жавоб берди.

Ўзбекистон мусулмонлар идораси матбуот хизмати

Юртимизга исломшунос олим, шайх Сулаймон Ғани бошчилигидаги меҳмонлар келишди. Ташриф давомида меҳмонлар “Шайх Муҳаммад Содиқ Муҳаммад Юсуф” мажмуасида бўлиб, Фазилатли шайх Муҳаммад Содиқ Муҳаммад Юсуф раҳимаҳуллоҳ ҳаёт ва илмий мерослари билан яқиндан танишди. Бу ерда меҳмонлар аср намозини жамоат билан адо этгандан сўнг масжид имом хатиби Исмоил Муҳаммад Содиқ учрашди.
Исломшунос олим, шайх Сулаймон Ғани ҳафизаҳуллоҳ бошчилигидаги меҳмонларнинг Ўзбекистон бўйлаб саёҳати давом этмоқда.
Маълумот учун, шайх Сулаймон Ғани 1969 йил 29 август куни жанубий Африкада таваллуд топган. У киши Покистондаги Жамия Исломия Бинорида уч йил, Ал Азҳар университетида Араб тили ва Исломшунослик фанлари бўйича икки йил, Арабистонидаги Мадина университети Ҳадис факультетида 4 йил тафсир ва ҳадис илмини ўрганди.
1998-2001 йилларда Шайх Сулаймон Ғани Лондон университетининг Шарқ санъати ва илми бўлимида ўқиб, исломшунослик магистр даражасини олган. 2010 йилда шайх Сулаймон Ғани Лондонда Аҳмадийя корхонасига раҳбарлик қилган. Ҳозирги кунда Лондондаги маҳаллий масжидлардан бирида имом хатиб вазифасида фаолият олиб бормоқда.

Ўзбекистон мусулмонлари идораси матбуот хизмати