muslim.uz
Уламоларнинг Ургут тумани масжидларидаги илмий суҳбатлари (Фотолавҳа)
Хабар қилганимиздек, кеча, 25 июль куни Ўзбекистон мусулмонлари идораси раиси, муфтий Нуриддин домла ҳазратлари бошчилигидаги таниқли ва воиз уламоларнинг Самарқанд вилоятининг Ургут туманидаги масжидларга ташриф буюришди.
Уламоларимиз пешина намозидан сўнг жамоатга илмий-маърифий суҳбатлар қилиб беришди. Шунингдек, уларда мўмин-мусулмонларнинг диний саволларига батафсил жавоб беришмоқда.
Қуйида уламоларимизнинг бугунги пешин намозига Ургут туманидаги масжидларга ташриф буюриб, жамоатга илмий-маъруза қилгани акс этган фотолавҳалар билан танишишингиз мумкин.
Аллоҳ таоло уламоларимизнинг ташрифларини хайрли ва манфаатли қилсин!
Ўзбекистон мусулмонлари идораси Матбуот хизмати
Ҳаж зиёфатими ёки риё?
Мустақил юртимизда ибодатлар эмин-эркинликда қилинаётган бир вақтда, Исломнинг бешинчи аркони бўлган Ҳаж амалини бажариш учун кетаётган юртдошларимизнинг сафи йилдан-йилга ортиб бормоқда. Аллоҳ ризолиги йўлида қилинаётган ҳар бир ибодатни Ўзи даргоҳида қабул қилсин.
Кейинги вақтларда Ҳажга бориб келувчилар орасида “Ҳаж оши” бериш, эҳсон қилиш, аёллар орасида ҳаждагилар билан биргаликда “гап”да йиғилиш каби ҳолатлар одат тусига кириб бормоқда.
Бир онахон билан гаплашганимда, у киши ҳажга бирга борган аёлларнинг бир-бирлари билан “гап” ўйнаши ҳақида гапириб қолдилар. Бу йиғилишлар эҳсондан ҳам кўпроқ кимўзарга, риёга, манманликка ўхшаб кетишини айтдилар.
Столга энг охирги русумдаги биллур идишлар, турли-туман таомлар, Эрондан келтирилган мевалар қўйилган. Кейинги “гап”ни қиладиганлар эса албатта, бунданда ўтказиб қилишга ҳаракат қилишлари турган гап. Шароити кўтарса, хўп, шароити кўтармаганлар учун кўнгил синиши юз бериши ачинарли ҳолдир.
Келин ҳаждагилар билан учрашишга кетаётган қайнонасига: “Ойижон, ҳамма аёллар “гап”га келишганида тилла асбобларини тақиб келишган эди, нега сиз бор бўлса ҳам, тақмайсиз. Хоҳласангиз, ўзимникини бераман” деди меҳрибонлик қилиб. Қайнонасининг жавоби уни лол қолдирди: “Болам, орамизда тилла асбоби йўқ аёллар ҳам бор. Аёл кишимизда, барибир, зебу-зийнатни яхши кўрамиз. Тиллаларга бурканиб борсам, қайсидир бир аёлнинг кўнглини ўксишига сабаб бўлишдан қўрқаман”.
Ҳажга кетаётган аёллар: “Эҳсон қилиш керакми?” деб, сўраб қолишади. Шариатда бирор ибодатдан кейин эҳсон қилинсин деган кўрсатма йўқ. Ваҳоланки, бу оддий бандалик вазифасини бажариш, холос. Унинг ўрнига ҳаж давомида бирор амални тўкис адо эта олмаган бўлсам, шоядки каффорот бўлса, деб, қарз ҳавола қилмасдан эҳтиёжидан ортиқ маблағни кам таъминланган оилаларга, боқувчисини йўқотган инсонларга бериш яхши амаллардандир.
Бир илмли кишидан “Ҳажи қабул бўлганини қандай билиш мумкин?” деб сўрашибди. У киши: “Ҳажга борган одам ҳаждан келгандан кейин, яхшиликка томон тубдан ўзгариши ва гуноҳлардан ўзини тийиши ҳажи қабул бўлишига яхши гумондир”, деб жавоб берган экан.
Ўзбекистон мусулмонлари идораси мутахассиси
Мунира Абубакирова
Дубайда илк Метаолам йиғилиши ўтказилади
Метаоламга бағишланган илк йирик тадбир 2022 йил сентябрь ойида Дубайда ўтказилади. Унда рақамли оламнинг янги майдонларнинг имкониятини муҳокама қилишга 300 дан ортиқ соҳа мутахассиси жамланиши кутилмоқда. Бу ҳақда валиаҳд шаҳзода ва Дубай ижроия кенгаши раиси Шайх Ҳамдан бин Mуҳaммад ал-Мактум маълум қилди, дея хабар беради The National.
Тадбир 28-29 сентябрь кунлари “Келажак музейи” ва “Emirates Towers” мажмуаси майдонида ўтказилиши режа қилинган. Унда сиёсатчи ва мутахассислардан ташқари 40 дан ортиқ ихтисослашган ташкилотлар қатнашади ҳамда 100 дан ортиқ маҳорат дарси ўтказилади.
Шайх Ҳамдан Метаоламни БАА ва бутун дунёдаги одамлар ҳаёт сифатини яхшилаш учун фойдаланиладиган истиқболли рақамли дунё ва технология деб атади. Валиаҳд Шаҳзода Дубай келажак технологияларини жорий этиш бўйича жаҳонда етакчи бўлишга интилаётганини таъкидлади.
Ушбу тадбирда метаоламни реал дунёга, жумладан, туризм, логистика, чакана савдо, таълим ва соғлиқни сақлаш соҳаларига янада кириб боришга қаратилган ҳисобот, стратегия ва ҳаракатлар режалари тақдим этилади.
Шайх Ҳамдан бин Mуҳаммад ал-Мактум таъкидлашича, Дубай метаолам янги дастурини амалга ошириш доирасида яқин беш йил ичида Дубайда 40 мингта виртуал иш ўрни яратилади.
Дубай ҳудудида метаолам технологияларини ривожлантириш билан шуғулланадиган компаниялар сони беш йил ичида беш баравар кўпайтирилади – бирдан беш минггача. Шайх Ҳамдан метаоламни кейинги йигирма йил ичида одамлар ҳаётининг барча жабҳаларини ўзгартирадиган янги инқилоб деб атади.
Маълумот учун, метаолам — виртуал ҳақиқат, ижтимоий тармоқлар ва бошқа рақамли технологияларни бирлаштирган Интернетнинг келажакдаги версиясининг номи.
ЎМИ Халқаро алоқалар бўлими
Пайғамбар ва подшоҳ бўлган Довуд алайҳиссалом (аудио)
Ўзбекистон мусулмонлари идораси Матбуот хизмати
Муфтий ҳазрат пешин намозига Самарқанддаги “Ургут” марказий масжидига ташриф буюрадилар
Бугун, 26 июль куни Ўзбекистон мусулмонлари идораси раиси, муфтий Нуриддин домла ҳазратлари Самарқанд вилояти Ургут туманидаги “Ургут” марказий жоме масжидига пешин намозига ташриф буюрадилар.
Пешин намозидан сўнг Муфтий ҳазратларининг маърифий суҳбатларидан баҳраманд бўламиз, инша Аллоҳ.
Ташриф тафсилотларини сайт ва ижтимоий тармоқларимиз орқали кузатиб боринг.
Ўзбекистон мусулмонлари идораси Матбуот хизмати