Мусулмонлар учун муқаддас ҳисобланган Рамазон ойида инсон қадрини улуғлаш, саховат кўрсатиш, меҳр-оқибат каби халқимизга хос фазилатлар янада намоён бўлади. Айниқса бу ойда кўнгли ўксик инсонларга қувонч улашишнинг ажри савоби ниҳоятда кўп.
Шу кунларда барча ҳудудларда ташкил этилаётган саховат тадбирлари Наманган вилоятида ҳам уюшқоқлик билан ташкил этилмоқда. Хусусан, Наманган шаҳридаги "Қадамжо" маҳалласида Маҳалла хайрия жамоат фонди томонидан ифторлик дастурхони ёзилди. Унда нуронийлар ҳамда эҳтиёжманд оилалар вакиллари 150 нафардан ортиғи иштирок этди.
Тадбирда сўзга чиққан Наманган шаҳар бош имом хатиби Мусохон Аббосиддинов бугунги кунда мамлакатимиз диний соҳада кенг кўламли ислоҳотлар амалга оширилаётганлигини таъкидлаб, барчани муборак Рамазон ойи билан қутлади.
Ифторлик сўнггида дуога қўл очган нуронийлар юртга тинчлик-омонлик сўрадилар, бундай ҳур, эмин-эркин замоннинг қадрига етиш, шукрона келтириш лозимлигини таъкидладилар.
Бундай хайрли эҳсон тадбирлари Тошкент шаҳрида ҳам бўлиб этмоқда. Куни кеча Тошкент бош имом-хатиби в.б. Абдуқаҳҳор домла Юнусов Шайхонтоҳур туманидаги "Шайх Зайниддин" жоме масжиди атрофидаги маҳаллаларда яшовчи кам таъминланган, боқувчисини йўқотган, эҳтиёжманд оилалар ҳолидан хабар олиб, уларга ифторлик учун зарур бўлган озиқ-овқат маҳсулотларини тарқатди. Шу билан бирга, Абдуқаҳҳор домла хонадон соҳиблари билан бирга ифторлик қилиб, улар билан дилдан суҳбатлашди.
Бундай эҳсонлардан шод бўлган оилалар, бу хайрли ишларнинг бошида турган барча азиз инсонларнинг ҳақларига хайрли дуолар қилишди.

ЎМИ Матбуот хизмати

Шу кунларда “Вақф” хайрия жамоат фонди барча ҳудудларда саховат тадбирлари ташкил этиб келмоқда.
Вақф фонди Қашқадарё вилояти филиали томонидан, қутлуғ ой муносабати билан моддий кўмакка муҳтож 15 нафар ҳамюртимизга озиқ-овқат маҳсулотлари хайрия қилинди. Шунингдек, 20 нафар ҳақдорларга ифторлик дастурхони ёзилди.
Шу билан бирга Вақф фонди Тошкент вилояти филиали томонидан, қутлуғ ой муносабати билан давлатимиз томонидан берилган йўлланма асосида умра зиёратини бажараётган моддий кўмакка муҳтож 20 нафар ҳамюртимизнинг хонадонларига озиқ-овқат маҳсулотлари “Рамазон туҳфаси” сифатида хайрия қилинди.

ЎМИ Матбуот хизмати

Бухоро шаҳар "Чор Бакр" жоме масжиди имом-хатиби Азизхўжа домла Иноятов

Ўзбекистон мусулмонлари идораси Матбуот хизмати

Тошкент ислом институти ректори, профессор Муҳаммадолим домла Муҳаммадсиддиқов ва институт аёл-қиз устозлари ўртасида очиқ мулоқот бўлиб ўтди. Суҳбат асносида бир қатор масалалар ва таклифлар ўрганиб чиқилди.

 Ректор М.Муҳаммадсиддиқов институтнинг илмий даражасини ошириш борасида олиб борилаётган амалий ишлар тўғрисида маълумот берди. Мана шу жараёнларда аёл-қизлар ҳам четда қолмаслиги, олималар сифатида улар ҳам илмий фаолиятга ўз ҳиссаларини қўшиш кераклигини таъкидлади.

Магистратура, докторантура босқичларини тамомлаш, толибаларни шу таълим босқичларига тарғиб қилиш, мавзуларни танлаш, илмий-тадқиқот ишларини тайёрлаш ва жадаллаштириш чора-тадбирлари борасида ўз тавсия ва фикр-мулоҳазаларини билдирди. Устозалар ҳам илмий иш мавзулари ва тадқиқотдаги муаммолар билан ўртоқлашиб, керакли маслаҳат ва тавсияларни олдилар.

Шунингдек, суҳбатда институт фаолиятини такомиллаштиришда аёл-қизларнинг ўрни, мавжуд муаммолар, талаба қизларнинг истиқболи ҳамда уларнинг жамиятдаги фаолиятларини янада жонлантириш масалалари кўриб чиқилди. Устозлар ҳам ушбу масалаларда ўз фикрларини ва таклифларини билдирдилар. Мулоқот якунида бир қатор масалаларга ечим ва режалар тузилди.

ТИИ Матбуот хизмати