Имом Термизий халқаро илмий-тадқиқот марказида тугалланаётган йил якуни бўйича қилинган ишлар бўйича "Сарҳисоб-2022" ва илмий тадқиқот йўналишида марказ ходимлари томонидан нашр этилган китоблар тақдимотига бағишланган тадбирдан видеолавҳа.

Таълим муассасаси матбуот хизмати

Абу Мусо розияллоҳу анҳудан ривоят қилинган ҳадисда Пай­ғам­баримиз сол­лаллоҳу алайҳи васаллам: “Мусулмон мўйсафид, Қуръонни ёд олиб, унда ҳаддидан ошмаган ва уни тарк қилмаган қори ҳамда одил подшоҳни ҳурмат қилиш Аллоҳ таолони улуғлаш кабидир”, дея марҳамат қилганлар.

Инсон кексайган вақтида эътибор, меҳр-мурувват ва шафқатга муҳтож бўлади. Бундай инсонларга эътиборли бўлиш динимиз таълимотларидан ҳисобланади. Чунки улар­нинг умри меҳнат билан ўтган, энди кексалик боис ишга ярамай, хасталаниб, куч-қувватдан қол­ган­лар. Жа­мият ва она Ватан равнақи учун ҳисса қўшган, ои­ла­ни оёққа турғазган, ўғил-қизлар ўстириб, едириб-ичирган, оилам, болам-чақам деб, елиб-югурганлар ҳам шулар.

Фарғона вилояти бош имом-хатиби Убайдуллоҳ домла Абдуллаев ҳамда вилоят вакиллиги ходимлари Фарғона шаҳридаги "Саховат — кексалар ва ногиронлиги бўлган шахслар учун интернат уйи"га ташриф буюриб, ушбу даргоҳда истиқомат қилаётган кексалар билан мулоқот қилдилар. Убайдуллоҳ домла кекса-нуронийларни ҳурмат қилишнинг фазилати, уларнинг дуолари баракоти жамият, айниқса, ёш авлод учун муҳим эканини таъкидладилар.

Ҳомийлар кўмагида саховат уйига гигиеник-санитарик воситалари ҳадя қилинди.

Даргоҳда яшовчи отахон-онахонлар уламолар ташрифидан мамнун бўлганлари, кўнгиллари кўтарилиб, асосийси, эътибордан четда қолмаганларини изҳор қилиб, юртимиз ва халқимиз ҳақига дуо қилдилар.

Фарғона вилояти вакиллиги Ахборот хизмати

Аввал хабар берганимиздек, Ўзбекистон халқаро ислом академияси ректори Музаффар Комилов Марокаш Қироллигининг Работ шаҳрида Таълим, фан ва маданият масалалари бўйича Ислом ташкилоти (ICESCO) Ижроия Кенгашининг 43-сессиясида иштирок этди.

Тадбирлар давомида Академия ректори ICESCO Бош директори, доктор Салим ал-Малик билан музокара ўтказди. Унда икки томон учун муҳим бўлган қатор масалалар муҳокама этилди. Хусусан, Академия томонидан 2023-йилда Ўзбекистонда “Ислом ва ҳозирги замон” ва “Динлараро мулоқот” мавзуларида халқаро анжуманини ташкилот билан ҳамкорликда ўтказиш ҳақида сўз юритилди. Шу билан бирга Ўзбекистон халқаро ислом академиясининг араб тили ўқитувчилари ва қўлёзмалар билан ишловчи мутахассисларини малакасини ошириш ҳамда 2023-йилда Ўзбекистон халқаро ислом академиясининг иқтидорли талабаларига ИCEСCО махсус стипендияларини ажратиш муҳокама этилди.

Ўз навбатида Салим ал-Малик юқоридаги таклифларни юқори баҳолаб, бугун Ўзбекистонда Президент Шавкат Мирзиёев бошчилигида илм-фанни ривожлантиришга катта эътибор берилаётганини алоҳида таъкидлади. Шунингдек, барча таклифларни қўллаб-қувватлашини билдирди.

Ўзбекистон халқаро ислом академияси

Матбуот хизмати

Ўзбекистон мусулмонлари идораси жамоаси Самарқанд вилояти Ургут туманидаги “Ғузни” масжиди имом-хатиби Абдуқодир домла Нурмуҳаммедовнинг волидаи муҳтарамалари вафоти муносабати билан марҳумнинг яқинлари ва сафдошларига чуқур таъзия билдиради.

Аллоҳ таоло марҳум онахоннинг барча солиҳ амалларини ўзларига ҳамроҳ айлаб, Ўз мағфиратига олсин.

Ҳақ таоло марҳумнинг яқинлари, фарзанду аржумандларига чиройли сабр бериб, бу мусибатларига ажру мукофотлар ато этсин.

Ўзбекистон мусулмонлари идораси жамоаси, уламолари, имом-домлалари ва ўқитувчи-мударрислари номидан марҳум онахоннинг яқинларига, хусусан, Абдуқодир домла Нурмуҳаммедовга ҳамдардлик билдирамиз.

Иннаа лиллааҳи ва иннаа илайҳи рожиъуун.

«Мусибат етганда «Албатта, биз Аллоҳникимиз ва албатта, биз Унга қайтувчимиз», деган сабрлиларга хушхабар беринг».

Ўзбекистон мусулмонлари идораси

Қашқадарё вилояти Шаҳрисабз шаҳридаги "Тўрабой Охун" жоме масжиди имом-хатиби

Шуҳратҳон домла Хофизов