Саидаҳмад домла САЙДАРАЛИЕВ

Ўтган давр мобайнида Қўмитага жисмоний ва юридик шахслардан жами 861 та мурожаат келиб тушган. Шундан, 249 таси Ўзбекистон Республикаси Президентининг Халқ қабулхоналари ва Виртуал қабулхонаси орқали, 158 таси Президент Администрацияси, Олий Мажлис, Вазирлар Маҳкамаси орқали, 66 таси турли ташкилотлардан, 388 таси бевосита фуқаролардан келиб тушган.

Мурожаат йўналишлари қуйидагича:

– диний ташкилотларни давлат рўйхатидан ўтказиш бўйича 521 та;

– диншунослик экспертизаси ўтказиш бўйича – 161 та;

– Ҳаж ва Умра зиёратига доир масалалар бўйича – 24 та;

– диний таълим масаласида – 26 та;

– ноисломий конфессиялар йўналишида - 30 та;

– бошқа масалаларда – 99 та.

Мурожаатлар сонининг ўсиш, пасайиш динамикасига эътибор қаратадиган бўлсак, 2020 йил январь-сентябрь ойлари давомида келиб тушган мурожаатлар сони 660 тани ташкил этган бўлса, жорий йилнинг мос даврига нисбатан ушбу кўрсаткич 861 тани ташкил этиб, 201 тага кўпайганини кўрамиз.

Жорий йилнинг 1-2-3 чораги давомида Қўмита томонидан ойига ўртача 95 та мурожаат рўйхатга олинган. Уларнинг аксарият қисми Тошкент, Андижон, Фарғона, Сурхондарё, Қашқадарё, Самарқанд вилоятларида яшовчи фуқаролардан келиб тушган.

Мурожаатларда кўтарилаётган асосий масалалар.

Қўмитага келиб тушган 861 та мурожаатнинг 521 таси Диний-маърифий ташкилотлар ва диний соҳа ходимлари билан ишлаш бўлими томонидан кўриб чиқилган. Уларда асосан диний ташкилотларни давлат рўйхатидан ўтказиш, янги диний ташкилот қурилишига рухсат олиш масалалари кўтарилган.

Мазкур масалалар юзасидан Ўзбекистон Республикасининг

2021 йил 5 июлда қабул қилинган “Виждон эркинлиги ва диний ташкилотлар тўғрисидаги” Қонунига мувофиқ диний ташкилотлар адлия идоралари томонидан давлат рўйхатидан ўтказилиши, ушбу жараённинг тартиблари ва шартлари ҳақида фуқароларга батафсил маълумот берилган.

Диншунослик экспертизаси бўлими томонидан 161 та мурожаат ўрганиб чиқилган. Уларда асосан фуқароларнинг республика ҳудудига диний мазмундаги адабиётларни олиб кириш, уларни тайёрлаш ва тарқатиш масалалари юзасидан амалдаги қонунчилик талаблари асосида тегишли жавоблар берилган.

Шунингдек, ўтган давр мобайнида Ҳаж ва Умра зиёратлари билан боғлиқ 24 та мурожаат ўрганиб чиқилган. Мурожаатчиларга белгиланган тартибда жавоблар берилган.

Қолаверса, Диний таълим олиш билан боғлиқ 26 та мурожаат ҳамда Ноисломий конфессиялар фаолияти билан боғлиқ 30 та мурожаат тегишли бўлимлар томонидан ўрганиб чиқилган ва ҳар бир мурожаат бўйича фуқароларга маълумот берилган.

Қолган турли масалалар бўйича келган 99 та мурожаат ҳам ўрганиб чиқилиб, Қўмита томонидан мурожаатчиларга асослантирилган жавоб хатлари юборилган.

Шу ўринда, мурожаатларнинг кўриб чиқилиш натижалари ҳақида маълумот бериб ўтсак.

Қўмитага келиб тушган 861 та мурожаатдан 615 тасига ҳуқуқий маълумот берилган, 187 таси ижобий ҳал қилинган, жисмоний ва юридик шахсларнинг мурожаатлари тўғрисидаги Қонуннинг 29-30 моддасига асосан, 4 таси рад этилган, 29 таси бўйича ўрганиш жараёни давом этмоқда.

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Шайх, доктор Нуриддин Итр раҳимаҳуллоҳ дедилар:

«Ҳар бир салоҳият соҳибини, хоссатан, ҳадис илмлари талабаларини компьютерни барча имкониятлари билан мукаммал тўлиқ ўрганишга чақирамиз. Компьютерда бугунги кунда ишлаб чиқилган кўплаб илмий дастурлар орқали, айниқса Расулуллоҳ соллаллоҳу алайҳи васалламнинг ҳадисларини ўрганишда унинг эътибор ва таҳсинга лойиқ кўплаб жиҳатлари бор. Улардан:

1. Керакли маълумот ёки керакли ҳадисни ҳавола ва манбалар орқали топишда осонлик;

2. Кўпгина вақтни тежаш, ҳар бир тадқиқотчи, ҳар бир мусулмон киши учун вақт муҳофазаси ва бажараётгани ишини пухталиги ва сифати муҳимдир.

3. Уй-жой, маконни иқтисод қилиниши. Яъни, қулай дастурлар жой банд этмайди, масофаларни қисқартиради.

4. Турли илмлар ва маданиятлар ўртасидаги алоқаларнинг енгиллиги ва қулайлиги.

Манба: arabic.uz

«Gazeta Polska» газетасида польшалик Евродепутат Ришард Чарнецкининг "Марказий Осиё: Президент Шавкат Мирзиёев даврида Ўзбекистон ислом мероси замонавийлик билан ҳамоҳанг эканини дунёга кўрсатмоқда" номли мақоласи чоп этилди, хабар бермоқда “Дунё” ахборот агентлиги.

Муаллифнинг таъкидлашича, Ўзбекистон пойтахти ва Марказий Осиёдаги энг йирик шаҳар бўлган Тошкент бой тарихий меросга эга. Шаҳар нафақат асосий сиёсий, балки мамлакатнинг саноат, маданий ва илмий маркази ҳамдир. Замонавий Тошкент симбиотик тарзда исломнинг бой замона меросини замонавийлик билан бирлаштиради.

Милоддан аввалги I асрга оид Тошкентнинг пайдо бўлишининг қисқача тарихи келтирилган бўлиб, шаҳар доимо, айниқса Темурийлар сулоласи ҳукмронлиги даврида илм-фан ва савдо маркази бўлганлиги таъкидланади. Унинг маданий мероси айниқса катта таассурот уйғотади.

Бугунги кунда мустақил Ўзбекистоннинг пойтахти исломнинг абадий бадиий меросини ўзида акс эттиради ва бой ўрта аср маданиятига даҳлдордир. Масжидлар ёки бошқа диний объектлар ва мақбаралар бу шаҳарда марказий ўринни эгаллайди ва қизиқарли, жумладан, мамлакат ислом тарихи ҳақида тасаввур беради.

Тошкентдаги ёдгорликлар - Кўкалдош мадрасаси, Ҳазрати Имом мажмуаси, дунёдаги энг қадимий Қуръон нусхаларидан бири – Усмон Қуръони сақланаётган Мўйи муборак мадрасаси, Тилла шайх масжиди, Бароқ Хон мадрасаси, Юнус Хон мақбараси ва бошқалар юксак қадрланади.

Муаллифнинг фикрича, бу нарса уларнинг моҳиятини акс эттиради: поляклар худди христианликни сақлаб қолганидек, мусулмон дини ҳам асосий йўналтирувчи куч бўлиб, ўзбекларнинг этник ва маданий ўзига хослигининг белгиси бўлиб хизмат қилган. 2007 йилда Тошкент тўрт "Ислом маданияти пойтахтлари" дан бири сифатида танланди.

Муаллиф 2016 йилда мамлакат тараққиёти борасидаги янги сиёсатининг бир қисми сифатида Президент Шавкат Мирзиёев туризмни ривожлантиришни ўз ислоҳотларининг асосий унсури сифатида белгилаганини таъкидлайди. Натижада Тошкент ислом мероси ҳозирги кунда маҳаллий ва хорижий сайёҳларнинг анча кенг доирасига кириб бормоқда. Президент Фармони билан Тошкент ва Ўзбекистоннинг бошқа шаҳарларидаги тарихий ва диний обидалар қайта тикланди.
Буларнинг барчаси маданий-маърифий ва диний туризмни ривожлантириш дастурининг ажралмас қисми ҳисобланади.

Бундан ташқари, Ўзбекистон Давлат раҳбарининг ислом меросини тақдим этишга қаратилган ташаббусларидан бири Ислом цивилизацияси марказининг қурилишидир. Унда илгари Ўзбекистон ва хорижда сақланиб қолган қадимий қўлёзмалар, литографик китоблар, тарихий ҳужжатлар ва ҳужжатлар, шунингдек, дин ва таълимга оид замонавий китоб ва нашрлар, ниҳоят, 100 мингдан ортиқ қўлёзмага эга кутубхона дунёдаги энг йирик маълумотлар базаларидан бири иштирок этади.
Ўзбекистон ислом мероси замонавийлик билан ҳамоҳанг эканини 2016 йил декабр ойидан буён дунёга намоён етиб келмоқда.

Ўзбекистон мусулмонлари идораси матбуот хизмати