Қозоғистон Бош вазири ўринбосари – ташқи ишлар вазири Мурат Нуртлеу жаноблари бошчилигидаги делегация Марказий Осиёнинг асосий маънавий ёдгорликларидан бири бўлган Ҳазрати Имом мажмуасини зиёрат қилди. Меҳмонлар, шунингдек, VII асрда ёзилган муқаддас Мусҳафи шариф – Усмон Қуръони қўлёзмаси билан ҳам танишдилар.

Ўзбекистон мусулмонлари идораси Матбуот хизмати

Аҳмадхон домла Низомов

Бувайда тумани бош имом-хатиби

Бугун, 18 август куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Тошкент шаҳрининг Юнусобод туманидаги "Жобир ибн Абдуллоҳ" жоме масжидида жамоат билан жума намозини адо этадилар.

Инша Аллоҳ, жума намозидан аввал қориларимизнинг гўзал қироатлари ва Муфтий шайх ҳазратларининг барчага манфаатли суҳбатларидан баҳраманд бўламиз.

Ўзбекистон мусулмонлари идораси Матбуот хизмати

Шу йил 17 август куни Ўзбекистон мусулмонлари идораси тасарруфидаги масжидлар имом-хатиблари ўртасидаги «Йил имоми – 2023» кўрик-танловининг вилоят босқичи Олтиариқ туманидаги «Полосон» масжидида бўлиб ўтди. Танловнинг шаҳар ва туман босқичида ғолиб бўлган иштирокчилар вилоят босқичида беллашди.

Иштирокчилар ўзлари танлаган билетдаги тафсир, тажвид, фиқҳ, ақоид ва маънавий-маърифий мазмундаги саволларга жавоб берди. Уларнинг чиқишини ҳакамлар ҳайъати баҳолаб борди. Якуний натижаларга кўра;

1-ўрин Марғилон шаҳар «Абдуллоҳ ибн Умар» масжиди имом-хатиби Абдухалил Марасулов;

2-ўрин Учкўприк тумани «Хожа Муҳаммад валий» масжиди имом-хатиби Абдурахмон Мамадалиев;

3-ўрин Бувайда тумани «Пошшопирим» масжиди имом-хатиби Ҳошимжон Эргашев ҳамда Бешариқ тумани «Саркор» масжиди имом-ноиби Абубакр Мансуровларга насиб этди.

Танловда биринчиликни эгаллаган Марғилон шаҳридаги «Абдуллоҳ ибн Умар» масжиди имом-хатиби Абдухалил домла Марасулов «Йил имоми — 2023» кўрик танловининг Республика босқичида иштирок этиш ҳуқуқини қўлга киритди.

Фарғона вилояти вакиллиги
Матбуот хизмати

Мусулмонлар ҳозирда бутун дунё аҳолисининг 25 фоиздан ортиғини ташкил этмоқда ва бу дин дунёдаги иккинчи энг кўп эътиқод қилинадиган дин ҳисобланади.

Глобал мусулмон аҳоли сони ҳисоботига кўра, дунё бўйлаб мусулмонлар сони 2 006 931 770 кишини ташкил қилмоқда. Ҳисоботда мусулмонларнинг ўсиш суръати икки бараварга ошгани маълум қилинган.

Ҳисоботга кўра, Ислом Африка ва Осиё давлатларнинг дини бўлиб, дунёда энг тез ривожланаётган динга айланмоқда.

2017 йил PEW тадқиқот марказининг Дин ва жамоат ҳаёти форумида аҳоли сони бўйича янги маълумотлар эълон қилинган эди. Унга кўра, келгуси 20 йил ичида дунё мусулмонлари сони 35 фоизга ўсиши тахмин қилинган.

Дунё мусулмонлари сони мусулмон бўлмаган аҳолига нисбатан тезроқ ўсиши кутилаётган бўлса-да, кейинги йигирма йил ичида мусулмонлар сони аввалги йигирма йилдагига қараганда секинроқ ўсиши ҳам таъкидланган.

Бугунги кунда 240 миллиондан ортиқ мусулмонга эга Индонезия дунёдаги энг катта мусулмон жамияти ҳисобланади. Кейин Покистон, Ҳиндистон ва Бангладеш. Африка қитъасидан эса Нигерия биринчилардан бўлиб турибди.