muslim.uz
Қори бувалардан совға олган бахтли қорилар
Аввали катта шоду ҳуррамлик билан бошланган Намангандаги қорилар мусобақаси якуни ҳам ўзига хос байрам кайфияти, кутилмаган туҳфалар ва воқеаларга бой бўлди. Айниқса, юз ёшга қараб кетаётган, дин хизматига умрини бахшида этган қори дадалар мусобақада ғолиб бўлган қори йигитларга совғаларни топшириши мусобақа файзини янада кўтариб юборди.
Шу ўринда қори дадаларга шогирд бўлган қори йигитлар қалбидан бир оташқалб шоирнинг қуйидаги сатрлари ўтган бўлса, ажаб эмас...
Исломда оқарган сочларга боқиб,
Бир мўмин умрини кўряпмиз устоз.
Гоҳо шиддат ила, гоҳо қоқилиб,
Биз ҳам ортингиздан бораяпмиз устоз!
Ўзбекистон мусулмонлари идораси Матбуот хизмати
Ибратли ҳикоя - "Мустаҳкам иймон"
ЎМИ Матбуот хизмати
Online: Қуръон мусобақаси (Facebook)
ONLINE.
НАМАНГАН
ЎМИ Матбуот хизмати
Шаҳрисабзда ўтган мусобақа ғолиблари билан танишинг
Қашқадарё вилояти Шаҳрисабз шаҳрида эркаклар ўртасида ташкил этилган Қуръон мусобақасининг саралаш босқичи натижалари билан танишинг.
Тиловат йўналиши
18-25 ёш
1. Жасур Ўктам ўғли
2. Муҳаммадсодиқ Аҳрор ўғли
3. Ҳалилуллоҳ Ғайрат ўғли
26-40 ёш
1. Акбар Асад ўғли
2. Илҳом Мажид ўғли
3. Мадатуллоҳ Ғайрат ўғли
Ҳифз йўналиши
18-25 ёш
1. Шаҳзодбек Отабек ўғли
2. Ҳабибуллоҳ Рамазон ўғли
3. Зикрилло Отабек ўғли
26-40 ёш
1. Акмал Саидолим ўғли
2. Яҳёхон Мухтор ўғли
3. Муҳаммадлатиф Абдуҳалил ўғли
Ғолиблар ташкилотчилар томонидан диплом ва қимматбаҳо совғалар билан тақдирландилар.
Бизни Muslim.uz портали ва ижтимоий тармоқлардаги саҳифаларимиз орқали кузатинг.
ЎМИ Матбуот хизмати
Хушхабар: “Ҳидоят”да болаларга диний сабоқ берила бошланди
Ўзбекистон мусулмонлари идорасининг диний-маърифий нашри ҳисобланган “Ҳидоят” журналининг 2018 йилнинг 1-сонидан бошлаб “Болалар саҳифаси” рукни остида болалар учун сабоқлар берила бошланди.
Болалар учун сабоқлар улар тушунадиган лотин ёзувида берилмоқда.
Қуйида ушбу саҳифада болажонлар учун берилган биринчи сабоқ билан танишишингиз мумкин.
Биринчи сабоқ: Табаррук каломлар
Ассалому алайкум, азиз нуридийдалар!
Қани энди “Бисмиллаҳир роҳманир роҳим” деб чўкка тушиб ўтиринг-чи! Нега бундай деймиз, унинг маъносини биласизларми? Унинг маъноси: “Меҳрибон ва раҳмли Аллоҳ номи билан бошлайман” демакдир. Ҳар бир мусулмон фарзанди нима иш қилса ҳам, хоҳ дарс ўқисин ё бирор ишни бошлаётган бўлсин, уйга кираётган ёки дастурхонга ўтириб овқатланаётган бўлсин, хоҳ уйқуга ётаётган ёки кийим кияётган бўлсин, албатта, ана шу сўзларни айтиши керак. “Бисмиллоҳ”сиз бошланган иш баракали бўлмайди. Биз мусулмонлар ҳатто “Бисмиллоҳ” айтилмай сўйилган ҳайвоннинг гўштини емаймиз.
Бундан ташқари, сиз билиб олишингиз керак бўлган яна бир калима бор. У бундай айтилади: “Аъузу биллаҳи минаш шайтонир рожийм”. Маъноси: “Аллоҳ даргоҳидан қувилган шайтоннинг ёвузлигидан паноҳ сўрайман” дегани. Қуръондан бир оят ўқисангиз ҳам, албатта, олдин анашу калимани айтиш керак.
Қуръон ўқиш учун таҳорат қилиш зарур. Таҳорат қилиш унчалик қийин иш эмас. Олдин қўлларингизни уч марта ошиғи билан яхшилаб ювасиз, кейин оғизни уч марта сув билан чайқаб, бош ва кўрсаткич бармоқларингиз билан тишларни ишқайсиз, бурунга уч бор сув тортиб қоқасиз. Кейин юзингизни, пешонадан ияк остигача ва икки қулоқ орасини уч марта яхшилаб ювасиз.
Сўнгра икки қўл билакларини тирсаклар билан қўшиб ювасиз, қўлингизни ҳўллаб бошингизга, қулоқларингизга ва бўйнингизга (сурасиз) масҳ қиласиз. Шундан сўнг оёқларни тўпиғи билан қўшиб, панжалар орасига бармоқ тиқиб яхшилаб ювасиз. Бу амалларни қилиш тартибини ота-онангиздан сўрасангиз, сизларга яхшилаб ўргатишади.
Ҳозирча шулар етарли. Хайр, болажонлар!
Аҳмад Муҳаммад
тайёрлади
Сиз ўзингиз ва фарзандингиз учун диний-маърифий йўналишда билимга эга бўлмоқчи бўлсангиз “Ҳидоят” журналини кузатиб боринг.
Ушбу сабоқларни кузатиб бориш ва журналимизга обуна бўлишни истаганлар ўзлари яшаб турган ҳудуддаги масжидга мурожаат қилишлари мумкин.
Маълумот учун, “Ислом нури” газетаси ва “Ҳидоят” журнали Ўзбекистон мусулмонлари идорасининг диний-маърифий нашрлари ҳисобланади. Бир йиллик обуна нархи “Ислом нури” газетаси учун 36 минг сўм ва “Ҳидоят” журнали учун эса 45 минг сўмни ташкил этади.
ЎМИ Матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.