www.muslimuz
VAQF fondi rahbariyatining Andijon viloyatidagi so'ngi tashrifi "Imom Muslim" masjidi bo'ldi
Yahyo domla Abdurahmonov va Muzaffar Salomovlarning viloyatdagi so'ngi manzili Qo'rg'ontepa tumanidagi "Imom Muslim" masjidi bo'ldi.
Masjid qavmi bilan dildan suhbat qilgan ustoz Yahyo domla yig'ilganlarga yurtimizda bo'layotgan diniy sohadagi ijobiy o'zgarishlar haqida so'zlab o'tdi.
So'ngra masjiddagi sharoitlarni yanada yaxshilashga hissa qo'shish maqsadida fond hisobidan 10 000 000 so'm miqdorida moddiy yordam taqdim etdi.
Shu bilan VAQF fondi rahbariyatining Andijon viloyatiga safari o'z nihoyasiga yetdi. Xayriyalar ertaga, 2 dekabr kuni Namangan viloyatida davom etadi...
Yahyo domla Abdurahmonov ikki oilaga nogironlik aravachasi xayriya qildi
VAQF fondi rahbari Yahyo Abdurahmonovning Andijon viloyatidagi galdagi tashrifi, nogironligi bor bo'lgan fuqarolar xonadoni bo'ldi.
Dastlab, fond rahbariyati Jalaquduq tumani, So'fi qishlog'ida istiqomat qiluvchi 1-guruh nogironi Farxodbek Madaminov holidan xabar olib, ularga zarur bo'lgan nogironlar aravachasi va oziq-ovqat mahsulotlari xayriya qildi.
So'ngra ustozlar Qo'rg'ontepa tumani, Chimyon qishlog'ida yashovchi 1-guruh nogironi, D.Matyoqubovaning uyiga borib, ularning haqqiga duo qildilar va nogironlik aravachasi bilan oziq-ovqat mahsulotlari taqdim etdi.
VAQF fondi Jalaquduqdagi masjid tamirlanishiga hissa qo'shdi
Fond rahbariyatining Andijon viloyatiga safarining navbatdagi manzili Jalaquduq tumanidagi "Beshtol" masjidi bo'ldi.
Mazkur masjid ayni damda kapital ta'mirlanish jarayonida. Ushbu xayrli ishga hissa qo'shish maqsadida Yahyo domla Abdurahmonov fond nomidan masjid hisobiga 10 000 000 so'm xayriya qildi.
Alloh taolo masjidlar obodligiga hissa qo'shayotganlarga Jannatda qasrlar ato etsin!
VAQF fondi Andijon va Namangan viloyatida xayriya tadbirlari o'tkazishni boshladi
Kecha, 1 dekabr kuni O'zbekiston musulmonlari idorasi raisi o'rinbosari O'tkir Xasanboev, Ta'lim bo'limi boshlig'i S.Sherxonov, VAQF fondi rahbari Yahyo domla Abdurahmonov va o'rinbosari Muzaffar Salomovlar diniy ta'lim muassasalari talabalari bilan uchrashish va yaratilgan sharoitlar bilan tanishish maqsadida Andijon viloyatidagi "Sayyid Muhyiddin maxdum" madrasasiga tashrif buyurdi.
Tashrif davomida fond rahbari Yahyo Abdurahmonov tomonidan iqtidorli talabalarga diniy-ma'rifiy kitoblar jamlanmasi va madrasa moddiy texnik bazasini yanada rivojlantirish uchun 20 000 000 so'm mablag'ni xayriya sifatida topshirdilar.
Tashrif davomida bir nechta xayriya tadbirlari jumladan, masjidlar va xonadonlarga tashrif buyurish rejalashtirilgan.
Чеченистон муфтийси Самарқанддаги қадамжоларни зиёрат қилди
Хабар берганимиздек, Чеченистон республикаси муфтийси Салоҳ ҳожи Межиев бошчилигидаги меҳмонлар юртимизда бўлиб туришибди. Кеча, меҳмонлар Бухорои шарифдаги муборак қадамжоларни зиёрат қилишди.
Бугун, 2 декабрь куни мартабали меҳмонлар зиёратни Самарқанд вилоятида давом эттирди. Дастлаб Чеченистон муфтийси Ўзбекистон мусулмонлари идораси раиси биринчи ўринбосари Ҳомиджон домла Ишматбеков ва вилоят бош имом хатиби Зайниддин домла Эшонқулов ҳамроҳлигида Самарқанд шаҳрида жойлашган "Намозгоҳ" жоме масжидида бомдод намозини адо этишди. Намоздан сўнг Ҳомиджон домла Ишматбеков жамоатга чиройли маъруза қилиб берди. Якунда муфтий Салоҳ ҳожи Межиев хайрли дуолар қилди.
Меҳмонлар зиёратни “Имом Бухорий” мақбарасини зиёрат қилишдан бошлади. Бу ерда Қуръон тиловати қилиниб, марҳумлар ҳақига дуо қилинди.
Ташриф давомида меҳмонлар “Имом Бухорий” халқаро тадқиқот маркази ва Ҳадис илми мактаби фаолияти билан яқиндан танишди.
Шундан сўнг меҳмонлар Ўзбекистон Республикаси Биринчи Президенти Ислом Каримов мақбараси, Ҳазрати Ҳизр ва Шоҳи Зинда мажмуаларини зиёрат қилишди.
Ўзекистон мусулмонлари идораси матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.