muslim.uz
Шайх Рамазон Бутий роҳимаҳуллоҳ: “Исломий жамиятни қўполлик ва қон тўкиш йўлига таяниб қурилган деб тушунилмайди"
• “Исломий жамиятни қўполлик ва қон тўкиш йўлига таяниб қурилган деб тушунилмайди.
• Чунки ислом аҳкомлари ва унинг одобларини жамиятга тарқатиш қалб ва ақлларда исломий эътиқод илдизларининг мустаҳкам бўлишига манфаъат беради".
Шайх Рамазон Бутий роҳимаҳуллоҳ
Сурхондарёда "Сиз бизга кераксиз“ тадбири ўтказилди
Жорий йилнинг 20 май куни Сурхондарё вилояти Шўрчи туман "Хайдарқул ҳожи бобо" масжидида 92 нафар гапириш ва эшитишда имконияти чекланган ҳамюртларимиз учун “Сиз бизга кераксиз!” шиори остида хайрия тадбири ўтказилди.
Тадбир давомида юртимизда имконияти чекланганлар учун кўрсатилаётган ғамхўрлик, миссионерликдан огоҳ бўлиш ҳақида Ўзбекистон мусулмонлари идораси етакчи мутахассиси М.Абубакирова, "ВАҚФ" фонди Сурхондарë вилояти филиали раҳбари А.Фатуллаев ҳамда Шўрчи туман бош имом-хатиби Асрорхон Хабибуллаевлар нутқ сўзлади.
Тадбир давомида иштирокчилар фикр-мулоҳазаларини баён қилиб, ўзларини қизиқтирган саволларига мутасаддилар томонидан батафсил жавоб олдилар.
Тадбир сўнгида йиғилганлар учун ош дастурхони ёзилди. Шунингдек имконияти чекланган фуқароларга фонд томонидан жами 17 миллион сўмлик озиқ-овқат маҳсулотлари ва совғалар улашилди.
"Вақф" фонди Матбуот хизмати
Дунёга боғланиш – 21 қисм
Нафснинг дардларидан бири – инсоннинг дунёнинг ўткинчи ишларига ва одамлар билан бефойда суҳбат қуришга муҳаббат қўйиш саналади.
Муолажа услуби
Бу хасталикдан қутулиш учун банда доимо Аллоҳ таолони зикр қилиши керак. Инсон Аллоҳни қанча кўп эсласа, бу дунёга бўлган алоқаси шунчалик заифлашади.
Оиша розияллоҳу анҳодан ривоят қилинади: “Расулуллоҳ соллаллоҳу алайҳи васаллам Аллоҳ таолони ҳар он, ҳар дам, ҳар лаҳзада зикр қилар эдилар” (Имом Муслим, Имом Абу Довуд, Имом Термизий ривояти).
Абу Саъид Худрий розияллоҳу анҳудан ривоят қилинади: “Расулуллоҳ соллаллоҳу алайҳи васаллам кўп зикр қилар, фойдасиз ишлардан сақланар, намозни узун ўқир, хутбани қисқа қилардилар” (Имом Насоий, Имом Абу Довуд ривояти).
Охират ғами йўлида юрган киши бу дунёга алоқаси йўқлигини тушуниши лозим. Шунинг учун у дунёни бир четга суриб қўйиши ва дунё унинг қалбини эгаллашига йўл қўймаслиги керак.
Бу ҳақда Абу Ҳурайра розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Киши ўзи учун муҳим бўлмаган нарсаларни тарк қилиши унинг Исломи гўзал эканидандир”, дедилар (Имом Термизий, Имом Ибн Можа ривояти).
Абу Абдураҳмон ас-Суламийнинг
“Нафс иллатлари ва уларнинг муолажаси” китобидан
Даврон НУРМУҲАММАД таржимаси
Вьетнам ислом мамлакатлари билан ҳалол саноати соҳасида алоқаларни ривожлантириш ниятида
Вьетнамнинг Япониядаги элчиси Фам Қуанг Хиеу мамлакат ҳалол саноати соҳасида ислом давлатлари билан алоқаларни ривожлантиришни режалаштираётганини маълум қилди.
Бу ҳақда у 2030 йилгача Вьетнамда ҳалол саноатини ривожлантириш бўйича халқаро ҳамкорликни ошириш режасини амалга ошириш ҳақида сўнгги матбуот интервьюсида айтиб ўтди.
“Ушбу лойиҳа ҳалол саноатини комплекс тарзда қуриш ва ривожлантириш учун халқаро ресурсларни сафарбар қилиш бўйича миллий даражадаги йўналишларни белгилаб берувчи биринчи режа”, - дея қўшимча қилди у.
Вьетнамнинг ушбу режаси иқтисодий дипломатияни амалга ошириш, жаҳон ҳалол бозоридан фойдаланиш ва барқарор иқтисодий ривожланиш учун янги йўл эканини таъкидлаб ўтди.
ЎМИ Матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.