Мамлакатимизнинг Япониядаги элчихонаси томонидан Ўзбекистон халқаро ислом академияси магистранти Яҳёхўжа Абдуроҳманов иштирокида "Токио" жоме масжидида ватандошлар учун маънавий-маърифий тадбир ташкил этилди, деб хабар бермоқда «Дунё» АА мухбири.

Учрашув давомида Токиода вақтинча ишлаётган ва таҳсил олаётган ватандош талабаларга Ҳадис ва Қуръон оятларидан мисоллар келтирган ҳолда фарзанд тарбияси, оила муқаддаслиги, қон-қариндошлик ришталари, ота-онага ҳамда яқинларига муносабат, шунингдек, ҳаётда юзага келадиган бошқа ҳолатлар тўғрисида маъруза қилинди.

Яҳёхўжа Абдуроҳманов ўз нутқида хориждаги ватандошлар, улар ўртасидаги ўзаро муносабатлар, ўзликни англаш ва миллий қадриятларимиз, маданиятимизни кенг тарғиб этиш масалаларига алоҳида эътибор қаратди. Ўзбекистонда фуқароларнинг диний амалларини адо этишлари учун яратилган имкониятлар алоҳида таъкидланди. Ўзбекистонда маънавий-маърифий, ижтимоий-иқтисодий жабҳаларда амалга оширилаётган ўзгаришлар, ватандошлар ҳақ-ҳуқуқларини таъминлаш бўйича кўрилаётган чора-тадбирлар урғуланди.

Бўлиб ўтган учрашувда ватандошлар Ўзбекистонда 9 июль куни бўлиб ўтадиган муддатидан илгари Президент сайловларида фаол иштирок этишга даъват этилди.
Мулоқот давомида иштирокчилар томонидан берилган саволларга атрофлича жавоб берилди. Шунингдек, ватандошлар билан келгусида долзарб мувзуларда учрашув ва тадбирларни ҳамкорликда ташкил этишга келишиб олинди.

Ўзбекистон мусулмонлари идораси Матбуот хизмати

   Саудия Арабистонининг Қозоғистондаги Фавқулодда ва Мухтор элчиси Файсал Aл-Қаҳтаний Мадинадаги Подшоҳ Фаҳд мажмуаси томонидан чоп этилган Қуръони карим оятларнинг маънолари таржимаси китобининг 36500 дона нусхани “Икки ҳарами шариф ходими совғаси” сифатида Қозоғистон мусулмонлари идораси раиси, Бош муфтий Науруз ҳожи Тағанулига топширди.

  Қозоғистон Республикаси муфтийси Подшоҳлик раҳбариятининг Қозоғистон мусулмонларига бўлган эътибори учун ўз миннатдорчилиги ва ташаккурини билдирди.

   Икки масжид соҳибининг ушбу Мусҳафи шарифлардан ҳадя қилиш дастури Саудия Арабистони Ислом ишлари, даъват ва иршод вазирлиги томонидан Қиролликнинг хориждаги элчихоналари билан келишилган ҳолда амалга оширилади. Мусҳафи шарифлар ва унинг маънолар таржималари 77 дан ортиқ тилларга таржима қилиниб, хориж давлатларига тарқатилади.

ЎМИ Матбуот хизмати

Саудия Арабистонининг “Swift News” ва “Ain Al-Naqal” номли етакчи электрон нашрларида “Ўзбекистон саудияликларни визасиз тартиб билан қутлайди” номли мақола чоп этилди, деб хабар бермоқда “Дунё” АА мухбири.

Мақолада таъкидланишича, Ўзбекистоннинг Жидда шаҳридаги Бош консули Нодиржон Турғунов Саудия Арабистони туристлари ва инвесторларини Ўзбекистонга боришга ва мамлакатнинг бой сайёҳлик ва сармоявий имкониятлари ҳамда ўзбек халқи маданияти ва урф-одатлари билан яқиндан танишишга чақирган. Албатта, бу икки давлат халқлари ўртасидаги дўстлик ришталарини чуқурлаштиришга, ўзаро савдо-иқтисодий ҳамкорликни янада мустаҳкамлашга хизмат қилиши, шубҳасиз.

Бош консулхона маълумотига кўра, жорий йилнинг 1 январидан бошлаб Саудия Арабистони фуқаролари Ўзбекистонга 30 кунлик муддатга ўз юрти ёки учинчи мамлакатга учиш авиачиптасини тақдим қилган ҳолда визасиз боришлари мумкин. Мазкур чора Ўзбекистон Президентининг 2022 йил 16 августдаги “Саудия Арабистони Подшоҳлиги фуқаролари учун Ўзбекистон Республикасига кириш режимини янада соддалаштириш чора-тадбирлари тўғрисида”ги фармонига мувофиқ амалга оширилмоқда, деб ёзади Саудия Арабистони электрон нашрлари.

Ўзбекистон мусулмонлари идораси Матбуот хизмати

6 jilddan iborat izohli lug‘at Vazirlar Mahkamasi huzuridagi O‘zbek tilini rivojlantirish jamg‘armasi, Fanlar akademiyasi hamda G‘afur G‘ulom nomidagi nashriyot-matbaa ijodiy uyi hamkorligida tayyorlangan. Bu haqda Xushnudbek.uz хабар қилди.

Izohli lug‘atdan hozirgi o‘zbek adabiy tilida keng iste’molda bo‘lgan 80 mingdan ortiq so‘z va so‘z birikmalari, turli sohalarga oid terminlar, bir necha shevada qo‘llanadigan so‘zlar, ba’zi tarixiy va eskirgan atamalar o‘rin olgan va avvalgi nashrga qaraganda 5 mingga yaqin yangi so‘z kiritilgan.

Shuningdek, O‘zbek tilini rivojlantirish jamg‘armasi mablag‘lari hisobidan “O‘zbek xalq so‘zlari”, “O‘zbek tilining katta imlo lug‘ati”, “O‘zbek tili frazeologik lug‘ati”, “O‘zbek tili sinonimlarining katta izohli lug‘ati”, “O‘zbek tilining o‘quv imlo lug‘ati”, “Axborot texnologiyalari atamalarining izohli lug‘ati”, “O‘zbek xalq paremalarining sinonimik izohli lug‘ati”, “Nonvoychilik terminlarining izohli lug‘ati” kitoblari ham tayyorlanib, chop etilgan.

O'zbekiston musulmonlari idorasi
Matbuot xizmati

      Мадинадаги “Масжидун Набавий – Пайғамбаримиз масжиди” ислом тақвимига кўра бу йил 200 миллиондан ортиқ зиёратчини қабул қилди.

    Ислом тақвими бўйича янги йил июль ойида бошланади ва ҳозирда Саудия Aрабистони расмийлари 1444 йил якунларини сарҳисоб қилмоқда.

    Ҳижрий 1444 санасининг муҳаррам ойи бошидан буён Пайғамбаримиз масжидини 200 миллиондан ортиқ киши зиёрат қилган, деб ёзади Islamnews матбуоти Arabnews га таяниб.

    Қироллик расмийларининг 2022 йилда илк бор марта зиёратчилар сонини чеклашни тўхтатгани зиёратчилар сонини сезиларли даражада ошиши туртки берди. Бу кўрсаткич янада кўпайиши кутилмоқда.

  2019 йилда Коронавирус пандемияси авж олишидан аввал, 2,5 миллиондан ортиқ мусулмон Ҳаж зиёратини адо этди. Кейинги йилларда карантин чекловлари туфайли Ҳаж зиёратлари чекланган таркибда ўтказилди.

ЎМИ Матбуот хизмати