www.muslimuz

jeudi, 13 juin 2019 00:00

Шайх Муҳаммад Содиқ Муҳаммад Юсуф бошлаган анъана давом этмоқда

Тарихдан маълумки, қадимги Мовароуннаҳр мадрасаларида, хусусан Бухоро, Самарқанд, Хоразм, Шош мадрасаларида Қуръони каримни ёд олиш билан бирга, тафсир, ҳадис, фиқҳ, ақоид, тасаввуф, фароиз, усулул фиқҳ ва мусталаҳул ҳадис фанлари бўйича ислом оламида машҳур олимларнинг араб, форс, туркий тилларда ёзилган мўътабар китоблари, ушбу китобларга ёзилган шарҳлар ва уларнинг ҳошиялари ўқитилган. Ушбу фанлар бўйича энг мўътабар китобларни тугатганларни эса “Хатм карда мулло” деб номлашган. Талабалар мадрасада ўқишни тамомлаш вақтида “Хатмул кутуб”, яъни “Дарслик китобларни тугатганлик” бўйича махсус тадбир ўтказилган. Тадбирда ўша вақтдаги катта мударрислар, шаҳар қози ва муфтийлари йиғилган. Устоз ва талабаларга дастурхонлар ёзилиб, тадбир сўнгида китобларни ўқиб тугатган талабалар қози ва муфтий каби катта устозлар олдида имтиҳон қилиниб, ғолиблар ва дарс берган устозлар қимматбаҳо совғалар билан тақдирланиб, уларнинг ҳаққига дуои хайрлар қилинган.

Аллоҳга шукрлар бўлсинки, юртимизда ана шундай азалий қадриятлар тикланмоқда, буюк аждодларимизга муносиб ворис бўлиш асосий вазифа қилиб белгиланмоқда.
Жорий йилнинг 13 июнь куни Ўзбекистон мусулмонлари идораси мажлислар залида Имом Бухорий номидаги Тошкент ислом институти ўқитувчи ва талабаларининг мўътабар асарларни ўқиб тугатганлиги муносабати билан “Хатмул кутуб” тадбири бўлиб ўтди.

Тадбирда Ўзбекистон мусулмонлари идораси раиси, муфтий Усмонхон Алимов ҳазратлари, уламолар, устоз-мураббийлар ва талабалар ҳамда оммавий ахборот воситалари вакиллари иштирок этдилар.
Анъанага кўра, Қуръон тиловати ва муфтий ҳазратларининг дуои хайрлари билан бошланган тадбирда институт ректори У.Ғафуров 2018-2019 ўқув йили мобайнида талабалар устозлар кўмагида асосий дарс ва қўшимча машғулотларда ўқиб тамомлаган китоблари ҳақида маълумот берди.

Тадбирда У.Ғафуров институтнинг 20 нафардан ортиқ ўқитувчилар томонидан институтнинг 300 нафар талабаларига ўқув йили бошидан Имом Термизийнинг “Сунани Термизий” асари матни ва унинг шарҳи ҳамда Имом Таҳовийнинг “Шарҳи Маонил осор” асари матни ва унинг шарҳи асосий ва факультатив дарс сифатида ўқитила бошлангани, устозларнинг ҳиммати ва талабаларнинг ғайрати билан ушбу мўътабар асарлар тўлиқ ўқиб тугатилганини эслатиб ўтди.
Шунингдек, “Ақоид ва фиқҳий фанлар” кафедраси ўқитувчилари бошчилигида “Ҳидоя”, “Шарҳул виқоя”, “Канзуд дақоиқ”, “Ал-ашбоҳ ван назоир”, “Нурул анвор”, “Усулуш Шоший”, “Шарҳу Ақоидун Насафия”, “Зовъул маолий”, “Интибоҳотул муфида” каби кўплаб китоблар ўқиб тугатилди.

Муфтий Усмонхон Алимов ҳазратлари марҳум ва мағфур Шайх Муҳаммад Содиқ Муҳаммад Юсуф ҳазратлари бошлаб берган эзгу анъанани давом эттириш, талаба-ёшларнинг мўътабар асарларни хатм қилиш одати жуда ҳам фойдали экани, келгусида Имом Бухорий, Имом Термизий, Имом Насоий каби олимлар чиқишига замин бўлишини билдирдилар.

Келажакада шу каби “Хатми кутуб” тадбирларини Имом Бухорий, Бурҳониддин Марғиноний, Имом Насафий каби алломаларнинг зиёратгоҳларида ҳам ўтказиш режалаштирилмоқда.
Мамнуният билан қайд этиш мумкинки, “Таҳфизул-Қуръон” кафедраси ўқитувчилари раҳбарлигида Тошкент ислом институтига ўқишга киргандан кейин 67 нафар талаба Қуръони каримни тўлиқ ёд олдилар. Жорий ўқув йили давомида бир қанча қори ва қория талабалар Қуръони каримни бир ўтиришда ёддан ўқиб бергандилар, институт қорилари республика Қуръон мусобақасида фахрли ўринларни эгалладилар ҳамда Кувайт, Малайзия, Туркия, Россия, Эрон, Саудия Арабистонида ўтказилган халқаро Қуръон мусобақаларида муваффақиятли иштирок этдилар. “Таҳфизул-Қуръон” кафедраси мудири Ж.Неъматов Саудия Арабистонида ўтказилган Халқаро қорилар мусобақасида ҳакам сифатида иштирок этди. 2019 йил Рамазон ойида институтнинг 90 дан ортиқ устоз ва талабалари Тошкент шаҳри ва вилояти масжидларида таровеҳ намозларида “Хатмул Қуръон” қилиб бердилар.
Мана шундай амалий натижалардан яна бири, тадбири асносида битирувчи курс талабалари Ҳабибуллаев Сирожиддин ва Нажмиддинова Робияга “Таҳфизул Қуръон” кафедраси мудири Жаҳонгир қори Неъматов Қуръони карим бўйича ижоза шаҳодатномасини топширди.

Тадбир якунида муфтий ҳазратлари барча иштирокчиларни “Хатмул кутуб” муносабати билан муборакбод этиб, мўътабар китобларни хатм қилиб ўқишнинг фазилати ва бу йўлда саъй-ҳаракат қилган устоз ва талабалар учун Аллоҳ таолонинг ажру-савоблари беқиёс экани, “Хатмул кутуб” анъанасини Ўзбекистон мусулмонлари идораси тасарруфидаги барча диний таълим муассасаларида давом эттирилиши зарурлигини таъкидладилар.

Ўзбекистон мусулмонлари идораси раиси, муфтий У.Алимов ҳазратлари “Хатмул кутуб”да фидойилик кўрсатган устозларни фахрий ёрлиқ ва пул мукофотлари билан тақдирладилар.

Ўзбекистон мусулмонлари идораси Матбуот хизмати

Published in Ўзбекистон янгиликлари

dimanche, 02 juin 2019 00:00

Тошкент шаҳридаги 2 июн кунидаги хатмоналар

Бугун 2-июн, Рамазоннинг ғанимат ўтиб бораётган 29-кунларидир. Бу кеча Рамазоннинг охирги ўн кунлигидаги тоқ кечаларидандир. Саҳиҳ ҳадис билан Расулуллоҳ солаллоҳу алайҳи васаллам: “Қадр кечасини Рамазоннинг охирги ўн кунлиги тоқ кунларидан изланглар”, дея марҳамат қилганлар. Тошкент шаҳридаги бир неча жоме масжидларда бу кеча Қуръони Карим хатмонаси яъни, Каломуллоҳнинг сўнгги суралари ўқилиб, чин ихлос ила дуолар қилинади.

Бугун 02.06.2019 санасида Тошкент шаҳридаги қуйидаги масжидларда Қуръони Карим хатмонаси якунига етади:

“Фирдавс” жоме масжиди. (Шайхонтоҳур тумани, Боғкўча маҳалласи 21а-уй.+71 242-25-08, +97 410-32-48)

Имом-хатиб: Сатторов Бахтиёр

Қори: Раҳмонберди Абдулазиз, Хурсандмуродов Толиб, Жўрабоев Икромжон

“Шайх Муҳаммад Содиқ Муҳаммад Юсуф” жоме масжиди. (Чилонзор тумани Сўгалли ота кўчаси, 5/1-уй. Телефон: +99 888-07-74, +93 399-11-11)

Имом-хатиб: Исмоил Муҳаммад Содиқ

Қорилар: Раҳматуллаев Баҳодир, Арипов Ҳамидуллоҳ

“Исматуллоҳ ҳожи” жоме масжиди. (Олмазор тумани, “Истиқлол” маҳалласи, Тарих тор кўчаси 32-уй. +90.944-42-70)

Имом-хатиб: Мирзакаримов Саидғаффор

Қорилар: Абдуллаев Шавқиддин, Нуриддинов Асадуллохон, Абдусаттаров Мухаммадмубин

“Оққўрғон” масжиди. (Мирзо Улуғбек тумани, “Оққўрғон” маҳалласи, Ойдинкўл кўчаси 29-уй. Тел.: +998 97 131-10-89, +998 91 165-60-42)

Имом-хатиб: Айсаков Файзираҳмон

Қорилар: Абдухафизов Абдусаттор, Мирқодиров Муҳаммаднур, Исломов Баходир

“Муҳсинхон тўра” жоме масжиди. (Чилонзор тумани, “Тирсакобод” маҳалласи, Юқори Дархон кўчаси,30-уй. Тел: +71 279-08-24, +90 185-02-05)

Имом-хатиб: Қаюмов Муҳаммадрасул

Қорилар: Қосимов Акромжон, Шарофиддинов Илёсжон, Мадаминов Муҳаммадюсуф

Хатми Қуръондан кейинги дуолар мустажобдир. Рамазоннинг энг баракотли онларини қўлдан бой берманг, азизлар!

Ўзбекистон мусулмонлари идораси Масжидлар бўлими

Published in Ўзбекистон янгиликлари

samedi, 01 juin 2019 00:00

Тошкент шаҳридаги 1 Июн кунидаги хатмоналар

Бугун 1-июн, Рамазоннинг ғанимат ўтиб бораётган 27-кунларидир. Тошкент шаҳридаги бир нечта жоме масжидларда бу кеча Қуръони Карим хатмонаси яъни, Каломуллоҳнинг сўнгги суралари ўқилиб, чин ихлос ила дуолар қилинади.

Бугун 01.06.2019 санасида Тошкент шаҳридаги қуйидаги масжидларда Қуръони Карим хатмонаси якунига етади:

“Имом Термизий” жоме масжиди. (Манзил: Олмазор тумани, Қизил кўча, 96-уй. +90 915-97-75, +90 338-94-49)

Имом-хатиб: Муҳаммадиев Роббимқул

Қорилар: Қулбоев Жасурбек, Йўлдошев Муҳаммадамин, Акромов Фозилжон, Абдуллаев Мерожиддин

“Муҳаммад Умар ўғли Зокир” жоме масжиди. (Учтепа тумани, “Нишабариқ” маҳалласи, Ҳамкор кўчаси 18-уй. Мўлжал: “Штаб маркет” дўкони. Тел. :+99 807-96-91, +93 576-77-47)

Имом-хатиб: Охунжонов Зокиржон

Қорилар: Азимбаев Алихон, Янгиев Аброр, Зохидхонов Абдулбоқийхон

“Абу Ҳурайра” жоме масжиди. (Учтепа тумани, Қорёғди (Содиқ Мирзаев) кўчаси 2а уй. Тел.:+71 228-54-29, 97.749-17-00, +94 626-36-12)

Имом-хатиб: Нўмонжонов Муҳиддин

Қорилар: Нўмонжонов Муҳиддин, Собиров Муҳаммадуллоҳ

“Маҳкамбой ҳожи ота”жоме масжиди. (Учтепа тумани, Оқшом кўча, 25А-уй. Тел.:+99.838-33-34, +98 367-59-60)

Имом-хатиб: Мардонов Раҳматуллоҳ

Қорилар: Мирзақулов Ғайратжон, Хайдаралиев Иброхимжон

“Тўра бува” жоме масжиди. (М.Улуғбек тумани, “Бешкапа” маҳалласи, Султония кўчаси 70а-уй. Тел.:+71 264-03-31, +99 796-07-96)

Имом-хатиб: Ҳамдамов Шавкат

Қорилар: Аббосов Мухаммадсодиқ, Каримов Анваржон, Садиров Хусравбек

“Маъруф ота” жоме масжиди. (Манзил: Сирғали тумани, Чоштепа 3-тор кўчаси, 3-а уй. Тел.: +71 287-60-65, +90 952-28-87)

Имом-хатиб: Рустамов Юсуфхон

Қорилар: Абдукаримов Аҳроржон, Ҳабибуллаев Сирожиддин

“Тинчлик” жоме масжиди. (Манзил: Чилонзор тумани, ”Тинчлик” маҳалласи, И.Усмонов кўчаси 17-уй. Тел:+71 271-32-68, +93 504-91-92)

Имом-хатиб: Нурмуҳаммедов Иброҳим

Қорилар: Нажмиддинов Ҳамидуллоҳ, Муродов Жалолиддин, Хомидов Ҳикматуллоҳ

Хатми Қуръондан кейинги дуолар мустажобдир. Рамазоннинг энг баракотли онларини қўлдан бой берманг, азизлар!

Ўзбекистон мусулмонлари идораси Масжидлар бўлими

Published in Ўзбекистон янгиликлари

samedi, 01 juin 2019 00:00

Ҳайит намози вақти эълон қилинди

Юртимиздаги барча масжидларда ҳайит намозини ўқиш вақтлари белгиланди. Жумладан, Тошкент шаҳридаги масжидларда ҳайит намози 2019 йил 5 июнь, чоршанба куни эрталабки соат 05:10 да ўқилади.

Қорақалпоғистон Республикаси ва вилоятларда эса ҳайит намозини ўқиш вақтлари қуйидаги жадвалда кўрсатилган.

Юқоридаги видеолавҳада ҳайит намозини ўқиш тартибларини яна бир бор эслашингиз мумкин.

Ўзбекистон мусулмонлари идораси Матбуот хизмати

Published in Ўзбекистон янгиликлари

samedi, 01 juin 2019 00:00

Эронлик 11 ёшли қиз IQ тестида Эйнштейн ва Ҳокингдан ўтиб кетди

Буюк Британияда эронлик 11 ёшли ўқувчи қиз Mensa IQ тестида жуда юқори натижа кўрсатиб, шов-шувга сабаб бўлди. Унинг натижаси Алберт Эйнштейн ва Стивен Ҳокингникидан ҳам баланд чиққан.

Айлесбери мактаби ўқувчиси Тара Шарифий яқинда Оксфордда Mensa IQ тестини топширган. Унинг олган бали “генийлик чегараси” – 140 баллдан ошиб кетган. У 162 балл олган, бу замонавий физиканинг устунларидан бўлмиш Эйнштейнникидан 2 балл кўп.

Шарифий бу натижаси билан IQ тестидан энг юқори балл олганлар клуби – Mensa ташкилотига аъзо бўла олади.

Mensa IQ тестини ечиш учун 25 дақиқа берилади. Тестда баланд балл олиш учун билимли бўлиш эмас, балки мантиқий, лингвистик, визуал шаклларни илғай олиш қобилияти кучли бўлиши керак.

Ўзбекистон мусулмонлари идораси Матбуот хизмати

Published in Ўзбекистон янгиликлари