Қуйида келтириладиган фикрлар, ҳикматлар сайтлардан ва ижтимоий тармоқлардаги турли саҳифалардан олиб таржима қилинган.

«Гўзаллик қаерда?» деб сўрасалар, «Гўзаллик Аллоҳ таолодан ҳаё қиладиган юзлардадир» деб жавоб бер!

«Тарих муҳрлаган сўзлар»

*****

Ўзингга доимо рост сўзларни ихтиёр қил, агарда сени ростлик ўлдирса ҳам.

Умар ибн Хаттоб розияллоҳу анҳу

*****

БЕШ ТОИФА ОДАМ УЙЛАНИШГА, ОИЛА ҚУРИШГА ЯРОҚЛИ ЭМАСЛАР:

1. ДИНДОРЛИГИ КАМ.
2. АХЛОҚСИЗ.
3. БАХИЛ.
4. АЁЛЛАРГА КЎЗ ОЛАЙТИРАДИГАН.
5. ФЕЪЛ-АТВОРИ, ХАРАКТЕРИ ЁМОН.

“ХОВАТИР РОҚИЯ ЖУРНАЛИ”

*****

Йиқилганингда турғазиб қўйиш учун узатилган қўл кўча-кўйда учрашиб қолинганда сўрашиш учун узатиладиган минглаб қўллардан ишончлироқдир.

«Тарих муҳрлаган сўзлар»

*****

Ҳар қандай инсоннинг муаммоси бошқа бир инсондир.

• Инсон инсондан ножам бўлади.
• Инсон инсондан қўрқади.
• Инсон инсон сабабли тушкунликка тушади.
• Инсон инсон туфайли безовта бўлади.
• Инсон инсон сабабли ҳаётни ёқтирмай, ўлимни орзу қилади.
• Инсоннинг ҳаёти инсон туфайли азобга айланади.
• Инсон инсон туфайли ўлади.
• Инсон инсон туфайли инфаркт, инсульт ва қандли диабет каби касалликларга йўлиқади.

Одил Содиқ,

психолог

*****

Бир одамнинг қандайлиги:

— пули кўпайганда;

— мансабга ўтирганда;

— бирга сафарга чиққанда маълум бўлади.

*****

Очлик пайтида ноннинг эскиси бўлмайди.

«Тарих муҳрлаган сўзлар»

*****

Гапираётганингда, сенга тикилиб, жим қараб турганларнинг барчаси ҳам гапингни тинглаётган бўлавермайди. Айримлар гапириш навбатини кутиб жим туради.

*****

Ўғил бола жинсига мансуб бўлиб туғилганларнинг барчаси ҳам ЭРКАК дейилавермайди.

Интернет материалларидан тўплаб, таржима қилувчи

Нозимжон Иминжонов

У зот алайҳиссаломнинг сукутлари узоқ, кулгулари кам эди. Асосан, табассум қилардилар.

У зот алайҳиссалом тунги намозни қолдирмас, агар бемор бўлсалар, ўтириб бўлса ҳам ўқирдилар.

У зот алайҳиссалом болалар ёнидан ўтсалар, уларга салом берардилар.

У зот алайҳиссалом инсонлар ичида болалар ва аҳли оилаларига энг меҳрибонроғи эдилар.

У зот алайҳиссалом соқоллари қалин, ҳайбатлари улуғвор эди.

У зот алайҳиссалом душанба ва пайшанба кунларининг рўзасини эҳтимом билан тутардилар.

У зот алайҳиссалом ухлаётганларида ҳам мисвоклари ёнларида турарди. Уйғонишлари билан аввал мисвок қилардилар.

У зот алайҳиссалом ҳар доим Аллоҳ таолони зикр қилардилар.

У зот алайҳиссалом энг ёмон кўрган нарса ёлғон эди.

У зот алайҳиссалом ҳадяни қабул қилиб, уни мақтардилар.

Аллоҳ таоло Қуръони Каримда шундай деб марҳамат қилган:

لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيراً

“Батаҳқиқ, сизлар учун – Аллоҳдан ва охират кунидан умидвор бўлганлар учун ва Аллоҳни кўп зикр қилганлар учун Расулуллоҳда гўзал ўрнак бор эди” (Аҳзоб сураси, 21-оят).

Ҳа, у зот алайҳиссалом биз учун энг гўзал намунадирлар. Доим у зотга эргашайлик!

Аллоҳ таоло у зотга чексиз саловот ва салом юборсин!

Нозимжон Ҳошимжон тайёрлади

Муқаддас Ислом динимизда қўшничилик ҳақ-хуқуқларига катта эътибор қаратилган бўлиб, улар ким бўлишидан қатъий назар улар билан қўшничилик бурчимизни адо этишимиз зарур.

Расулуллоҳ соллаллоҳу алайҳи васаллам бу борада шундай мархамат қиладилар:

“Қўшнилар уч хил булади:

Битта ҳақи бор қўшни, иккита ҳақи бор қўшни ва учта хақи бор қўшнидир. Битта ҳақи бор қўшни − мушрик қушнидир, унинг қўшничилик ҳақи бор холос. Иккита ҳақи бор қўшни эса, мусулмон қўшнидир. Унинг мусулмонлик ҳақи ҳамда қўшничилик ҳақи бор. Учта ҳақи бор қўшни эса, мусулмон ва қариндош қўшнидир унинг қўшничилик, мусулмонлик ва қариндошлик ҳақлари бор.”

Ҳадиси шарифларда қўни-қўшничилик ҳаклари одоблари тўғрисида зикр қилинган муборак сўзларига эътибор бериб, унга амал қилиб, фарзанд-у зурриётларимизга ҳам унинг савоб-у гуноҳларини тушунтириб боришимиз зарурдир. Чунки Расулуллоҳ соллаллоҳу алайҳи васаллам марҳамат қиладилар:

“Жаброил алайҳиссалом менга қўшничилик ҳақ-ҳуқуқлари тўғрисида шунчалик узок уқтирдиларки, мен ҳатто кўшнилар бир-бирларидан мерос олишини ҳам тайинласалар керак, деган хаёлга бордим”.

Ваҳоланки, хозирда аксар қўшнилар бир бирлари билан бўлаётган муомалалари мутлоқ ҳадисларда зикр этилаётган ҳақларига тўғри келмайди.

Арзимаган сабаблар билан ўрталарида жанжаллар, нохуш ҳолатлар содир булаётгани ҳаммамизга маълум. Бир ёки икки қарич ерни деб, бир-бирлари билан ёқалашиш, маҳаллада шарманда бўлиб, ўз шаъни, миллати, дини эсидан чиқиб кетаётган қўшнилар сафларимизда кўпайиб боряпти. Буларнинг ҳаммасининг сабаби дунёга бўлган муҳаббатимиз, очкўзлигимиз, ислом динимизни яхши тушунмаганимиз оқибатидандир. Қўшнилар томон баланд иморатлар қуриш, сояли дарахтлар экиш ёки ариқларда оқиб келадиган сув йўлларини ёпиб қуйиш билан қўшниларга озор бераётган қўшнилар албатта йуқ эмас. Натижада ўртадаги муносабат, муомала, борди-келдилар камайиб бормоқда. У ҳам бўлса, бегоналар эмас, яқинлар, қариндошлар, ҳаттоки ака-укалар ўртасида содир буляпти. Луқмони Ҳаким шундай деган эканлар “Оғир тош кўтардим, темир кўтардим, аммо ёмон қўшнидан оғирроқ нарса кўрмадим”.

Қўшнининг ҳақлари тўғрисида динимизда яна қуйидагича кўрсатмалар берилган:

Агар бирор ёрдам сўраса, ёрдам бермоқ, қарз сўраса, қарз бермоқ, вафот этса, дафнда  қатнашмоқ, бирор қувонарли ҳодиса руй берса, табрикламоқ, бирор мусибат етса, ҳамдардлик бирдирмоқ, ноқулай иморат қуриш ёки сояли дарахтлар экиш ила ҳақига тажовуз қилмаслик, уйга мева-чева нарсалардан келтирганда қўшниларга ҳам улашмок, агар бергиси келмаса, ўз болаларини қўлида мевалар билан қўшни болалари олдига чиқармаслик, қозонни қирганда капкир овози ёки таом ҳид билан қўшнига кўз-кўз қилмаслик, ҳатто унинг итини урмаслик лозимдир. Аллоҳ таоло барчаларимизни қўшнилар ўртасидаги дўстлик, биродарлик ришталарини мустаҳкам қилсин. Қўни-кўшнилар билан самимий алокаларимиз янада яхшиланиб боришини Аллоҳ таоло барчамизга насиб айласин.

Ҳабибулло Ибодов
“Халқобод” жоме масжиди имом-хатиби

Саудия Арабистонига жорий йилнинг 31 июль куни 130 ёшли индонезиялик зиёратчи ташриф буюрган. Уни кутиб олиш маросими Қирол Абдулазиз аэропортида ўтказилган.

130 ёшли Охи Аидрос Самри Ҳаж-2019 мавсумининг энг ёши улуғ зиёратчиси сифатида эътироф этилган. SPA агентлиги бу ҳақда хабар берди.

Самри билан унинг оила аъзолари ҳам ташриф буюришган бўлиб, улар ёши улуғ зиёратчига бутун зиёрат давомида ҳамроҳлик қиладилар.

Ўзбекистон мусулмонлари идораси Матбуот хизмати