muslim.uz
Қуръон мусобақасидан фотолавҳалар (Сурхондарё)
ЎМИ Матбуот хизмати
Афғонистонлик уламо Термиздаги мусобақага юқори баҳо берди
Бугун, 28 февраль куни Сурхондарё вилоятида Ўзбекистон Қуръон мусобақасининг вилоят босқичи бўлиб ўтмоқда. Унда 21 нафар қори ва қориялар икки йўналишда ўзаро куч синашмоқдалар.
Мусобақанинг шукуҳи қўшни афғонистонликларга ҳам етиб боргани учун, мусобақаларнинг боришини кузатиш мақсадида ушбу мамлакатдан юқори мартабали меҳмонлар ташриф буюрдилар.
Афғонистон Ислом Республикаси Дин уламолари кенгаши муовини – Балх вилоятининг дин уламолари раиси, Мозори Шариф шаҳридаги “Ассадия” Олий мадрасаси раиси Забиҳуллоҳ Хақжў ҳам Термиздаги мусобақани ҳайратлар ичида кузатди. Унинг юқори даражада ташкиллаштирилганига, хусусан Президент Шавкат Миризиёевнинг ушбу тарихий ташаббусига юқори баҳо берди.
Қадрли меҳмон жумладан қуйидаги фикрларни билдириб ўтди: “Бу Аллоҳнинг назари тушган юрт. Агар билсангиз бутун дунёда ислом оламида етишиб чиққан барча олимлар Имом Бухорий ва Имом Термизийларнинг шогирдларидирлар. Биз ҳам сизлар билан фахрланамиз. Дунёдаги барча миллатлар араб, турк, инглиз ҳаммаси бу олимлар билан фахрланади. Имом Бухорийнинг китоблари миллилардлаб нусхада чоп этилмоқда. Ҳурматли биродарлар, биз шунингдек Ўзбекистоннинг раҳбари Шавкат Мирзиёев билан ҳам фахрланамиз. Бу инсон жамиятни ўзгартирди, инсонларни уйғотди. Албатта, ўзбек халқи биринчи бўлиб шу инсонни ҳаққига дуои хайрлар қиладилар. Биз ҳам Аллоҳдан бу зотнинг узоқ умр кўришларини, ҳимоясида сақлашини сўраб қоламиз.”
Шундай илиқ фикрлар билдирилганч, афғонистонлик зийнат қори Абдулжаббор қори тиловат қилди.
ЎМИ Матбуот хизмати
Таҳажжуд намози фазилатидан бир шингил
Ҳадиси шарифлардан бирида: “Тунги намозда бардавом бўлинг. Чунки у сизлардан олдинги мўътабар зотларнинг одати эди. Тунги сажда инсонни Аллоҳга яқинлаштириб, йўл қўйган гуноҳларидан фориғ қилади, кўплаб касалликлардан қутқаради ва гуноҳу маъсият ишлардан қайтаради” (Термизий ривояти), дейилган. Аллоҳ таоло Расулига хитобан: “Тунда (ярим кечада) уйғониб ўзингиз учун таҳажжудни (нафл намозини) ўқинг! Шоядки, Раббингиз Сизни (Қиёмат кунида) мақтовли (шафоат қиладиган) мақомда тирилтирса” (Исро, 79), деб марҳамат қилган.
Пайғамбар соллаллоҳу алайҳи васаллам таҳажжуд намозини ҳеч қачон канда қилмаганлар. Ҳатто, оғир беморлик вақтларида ҳам таҳажжудни ўтирган ҳолларида ўқиганлар (Абу Довуд).
Тунги намоз ўқиладиган уйда нур пайдо бўлади. Уни осмон аҳли кўради. Биз тунда осмонга қараганимизда, юлдузлар ёруғлигини кўрганимиздек, осмон аҳли ердаги нурнинг намоз ўқувчининг уйидан таралаётганини кўради. Ундан ҳам ажабланарлиси шуки, ҳар куни уйингдаги нурни кўришга одатланган фаришталар тунги намоз ўқимаган кунинг сени сўраб-суриштирадилар, чунки улар уйингда зулматни кўрадилар. Уларга сенинг беморлигинг ёки ғамга ботиб қолганинг айтилади. Фаришталар сенга шифо ва ғамдан халос бўлишингни сўрайдилар ёки эҳтиёжингга қараб дуо қиладилар. Чунки улар сенинг намозинг сабабли нур таралаётган уйингни кўришни истайдилар.
Ҳурматли мўмин биродар. Агар уйингиз нурли, ўзингиз файзли бўлиб доимо фаришталар эътиборида бўлишни истасангиз, бугундан бошлаб тунги намозни бошланг, агар ўқиб юрган бўлсангиз давомий бўлишида Аллоҳ сизга ёрдамчи бўлсин!
ЎМИ Матбуот хизмати
Қуръон мусобақасини хориж телевиденияси ёритмоқда
Мамлакатимизда ўтказилаётган Қуръон мусобақасини кенг жамоатчиликка етказиш мақсадида турли оммавий ахборот воситалари томонидан ёритилмоқда. Мусобақанинг Сурхондарё вилояти босқичида нафақат маҳаллий ахборот воситалари, балки хорижий телеканал ходимлари томонидан ҳам ёритиб борилмоқда. Мусобақани ёритиш учун Афғонистон Ислом Республикасининг "Само" телеканалининг тасвирга олиш гуруҳи ҳам ташриф буюргани ушбу мусобақага қизиқишнинг юқори эканини кўрсатмоқда.
ЎМИ Матбуот хизмати
Сбербанк 2018 йилда 1 млрд рубль ҳажмдаги келишувларни ислом меъёрларига мувофиқ молиялаштиради.
Сбербанк Россия ички бозорида шу йилнинг охирига қадар 1 млрд рублдан ортиқ ҳажмдаги келишувларни ислом меъёрларига мувофиқ молиялаштиришни режалаштирмоқда.
Бу ҳақда Сбербанк бошқаруви раисининг ўринбосари Олег Ганеев Биринчи Россия ислом иқтисодий форумидаги чиқишида баён қилди.
У худди шу меъёрлар бўйича хорижий шекриклар билан 130 млн долларлик лойиҳалар устида иш олиб борилиши мўлжалланаётганлигини билдирди.
Ўзбекистон мусулмонлар идораси матбуот хизмати