Қуйида келтириладиган фикрлар, ҳикматлар ижтимоий тармоқлардаги турли саҳифалардан олиб таржима қилинган. Бундан ташқари саҳобаи киромлар, улуғ олимлар, Яқин Шарқ, Осиё, Европа ва Америка мутафаккирларининг бир қатор фикрлари ҳам берилган. 

*****

— Роббинг ким?

— Аллоҳ.

— Пайғамбаринг ким?

— Муҳаммад соллаллоҳу алайҳи васаллам.

— Дининг нима?

— Ислом дини.

Эй Аллоҳ! Бизни савол-жавоб пайтида собит қилгин! 

*****

Ўнг томонга қараб ётиш тўла ором олишга, юрак фаолияти яхшиланишига, тушда бузилиш бўлмаслигига, бомдодга осон туришга сабаб бўлар экан. Энг асосийси — Суннатга амал қилингани учун савоб олинади. Набавий кўрсатмалар бахт-саодат омилидир. 

***** 

Сабр - ҳаётнинг “қулоғи”га: “Модомики, Аллоҳ мен билан бирга экан, ҳаргиз енгилмайман” деб шивирлашингдир.

 Ховатир роқия журнали”

*****

Эҳтимол, золим зулм билан кўп нарсага эга бўлар. Лекин мазлумнинг дуоси билан ҳамма нарсасидан ажралади.

“Ховатир роқия журнали”

*****

Агар ёлғиз турганимда насиҳат қилсангиз, чиндан насиҳат қилган бўласиз. Агар кўпчиликнинг ичида насиҳат қилсангиз, шарманда қилган бўласиз.

*****

Одам боласига ажабланаман:

Молнинг барчасини тўплайди. Кейин барчасини дунёда қолдириб кетади. Кейин охиратда барчаси учун ҳисобга тортилади.

 *****

 Имом Шофеий раҳимаҳуллоҳ шундай дедилар: «Тавозеъ олийжаноб инсонларнинг хулқларидандир. Такаббурлик пасткашларнинг иллатларидандир. Тавозеъ муҳаббатнинг пайдо бўлишига сабаб бўлади.

Қаноат роҳатнинг пайдо бўлишига сабаб бўлади».

 *****

Абдураҳмон ибн Авф розияллоҳу анҳу қуллари билан бирга овқатланарди. Танимаган одам у кишини қуллари орасидан ажрата олмасди.

 *****

Оқила аёл эрига айтадиган ҳар бир гапига шакар қўшиб гапиради.

Оқила аёл эрига айтадиган ҳар бир гапидан тузни олиб ташлаб гапиради.

 “Ховатир роқия журнали”

***** 

Агар бир инсоннинг хулқини билмоқчи бўлсанг, раҳбарлари билан қандай муомала қилишига эмас, балки, ўзидан қуйироқдагилар билан қандай муомала қилишига қара!

***** 

Ким яхши кўрганидан хабар олмоқчи бўлса, унинг учун масофаларнинг ҳеч қандай аҳамияти йўқ.

“Ховатир роқия журнали”

*****

 Уч нарса ҳаётга бўлган қарашингизнинг ўзгаришига сабаб бўлади: 

1. Беморлик.
2. Мусофирлик.
3. Азиз кишини йўқотиш.

 *****

 Усмон ибн Аффон розияллоҳу анҳу дедилар: “Агар қалбларимиз пок бўлганда, Роббимизнинг Каломига тўймаган бўлардик”.

 *****

 Одамлар ҳақида ҳукм қилишга шошилма! Агар шошилиб ҳукм қилсанг, азиз кишига зулм қилиб, арзон кимсанинг қадрини кўтариб қўясан.

 *****

 Инсонларнинг барчасини рози қилиш етиб бўлмас орзудир. Шундай экан, бор ғаминг Роббингни рози қилиш бўлсин!

 *****

 Биласизми...

Жанубий Африканинг Кейптаун шаҳрида табарруотлар (хайр-садақалар) билан тўла кўча бор. Ҳар қандай муҳтож киши қийналмасдан олиши учун одамлар кийимларини ва поябзалларини йўл четига осиб қўйишади.

“Ховатир роқия журнали”

 *****

 — Дада, анавилар ахлатчиларми?

— Йўқ, болам. Ахлатчилар бизмиз. Улар эса кўчаларни биз ташлаган ахлатлардан тозаловчилардир.

*****

 «Ие, манавининг бурни пучуқ экан», «Бўйни қара, найнов эканми», «Мана бу одам пакана экан»...

Кимнинг устидан куляпсиз?! Махлуқнинг устиданми ёки Холиқнинг устиданми?!

*****

Биласизми...

Агар сиз бургутнинг кўзидек кўзга эга бўлганингизда, ўн қаватли бинонинг баландлигидаги томдан туриб ердаги чумолини кўришга қодир бўлар эдингиз.

“Ховатир роқия журнали”

 ***** 

Тананинг касаллиги оғриқлар биландир. Қалбларнинг касаллиги гуноҳлар биландир. Тана касал бўлган пайтда таомнинг мазасини сезмаганидек, гуноҳлардан қорайган қалб ибодат ҳаловатини сезмайди.

 *****

 «Каҳф» сурасидан олинган ибрат

• Агар кемани тешиб қўйилмаганда, тортиб олинган бўларди.
• Агар бола ўлдирилмаганда, ота-онасининг бадбахт бўлишига сабаб бўларди.
• Агар девор таъмирлаб, тиклаб қўйилмаганда, икки етимнинг ҳаққи зое бўларди.

Бас, яхшилик, хайрият Аллоҳ таоло ихтиёр қилган нарсададир!

 *****

 — Барча томонлари берк тўрт девор орасида бўлганимда, ризқим қаердан киради?

— Ўлим фариштаси кирадиган жойдан!

 *****

Интернет материалларидан тўплаб, таржима қилувчи

Нозимжон Иминжонов

ЎМИ Матбуот хизмати

 “Нуроний” жамғармаси Наманган вилоят бўлими, Фуқароларнинг ўзини ўзи бошқариш органлари фаолиятини мувофиқлаштириш бўйича вилоят Кенгаши ҳамда Ўзбекистон мусулмонлари идорасининг Наманган вилоят вакиллиги билан ҳамкорликда қўшма режа тузилиб, фуқаролар йиғини раисининг ўринбосари – кексалар ва фахрийлар ишлари бўйича маслаҳатчилар учун ўқув семинари ташкил этилмоқда.

Унда ёшлар тарбияси, уларни ватанпарварлик руҳида тарбиялаш, жиноятчилик ва ҳуқуқбузарликларнинг олдини олиш, тўй ва маросимларни тартибга солиш, ноқонуний никоҳ ва ажримларни олдини олиш мавзуларида маърузалар қилинмоқда.

Ҳудди шундай ўқув семинари Тўрақўрғон тумани ҳокимлигида тумандаги маҳалла фуқаролар йиғини раисининг ўринбосари – кексалар ва фахрийлар ишлари бўйича маслаҳатчилари учун ҳам ўтказилди.

Ўқув семинарда Ўзбекистон мусулмонлари идорасининг Наманган вилоят вакили, вилоят бош имом-хатиби Абдулхай Турсунов иштирок этиб, “Тўй, маросим ва маъракалардаги исрофгарчиликлар ва оилавий ажримларни олдини олиш” мавзусида маъруза қилди.

Вилоятнинг бошқа ҳудудларида ҳам юқоридаги каби ўқув семинари ўтказилиши режалаштирилган.

Ўзбекистон мусулмонлари идорасининг

Наманган вилоят вакиллиги

Матбуот хизмати

ЎМИ Матбуот хизмати

“Қиш келгани сари ҳар бир кунни ҳадик билан ўтказяпман”. Ушбу жумла билан бошланган "Kun.uz" сайтида эълон қилинган мақолада муслима аёлнинг матонати, унинг сабри, синовларга бардоши акс эттирилган. Мақолада бошпанаси таъмирталаб аёл бошида турмуш ўртоғи, ногирон ва бемор фарзанди билан қай эшикларни қоқмагани баён этилган.

Матонатли ўзбек аёлларини бугун ҳам учратмоқдамиз, шундай аёллардан бирининг хонадонига ташриф буюрган нашр ижодий гуруҳи ҳолатни имкон қадар ёритди.

"Kun.uz" нашри ташкил этган хайрия акциялари орқали Дилноза Полвонова моддий кўмак берилди. Аёл учун бошпана қилишга, 4 фарзандининг камолга етиши учун шароит яратишга ёрдам беришларини сўраб халққа мурожаат натижасида йиғилган маълум миқдордаги маблағдан сўнг, оила уйининг дастлабки қурилишларини бажарди. Лекин олдинда қилинадиган ишлар жуда кўплиги маълум бўлган.

Уйнинг тўлиқ қурилиши, фарзандларининг даволанишига энг зарур дори-дармонлар учун аёлга маблағ зарурлиги боис аёл "Вақф" хайрия жамоат фондига мурожаат қилди.

"Вақф" хайрия жамоат фонди томонидан ушбу оилага савоб умидида кўмак кўрсатиш режалаштирилмоқда.

Шу мақсадда Фонд томонидан "Малҳам" номли махсус акция давом эттирилмоқда. Самарқанд вилояти Нарпай туманида истиқомат қилувчи Полвонова Дилноза Холмуродовнанинг вояга етмаган 4 нафар фарзанди бор. Турмуш ўртоғи жигар церрози билан ишлашга лаёқатсиз, тўнғич фарзанди 2013 йилда пахта титиш цехи дастгоҳида қўлидан елкасигача ажралган ва бола ўсиш ёшида бўлгани сабабли 40 миллион сўм турадиган протезга муҳтож. Боланинг қўл суяги яна ўсиб чиқиб танани ёриб чиқса онкологик дардга салиниши мумкин, шу сабабли синглимизга кўмак берайлик.

ЎМИ Матбуот хизмати