muslim.uz
Билим юртида умумхалқ хайрия ҳашари ўтказилди
Юртимизда ҳукм сураётган тинчлик ва барқарорлик, меҳр-оқибат муҳитини асраш шу заминда яшаётган ҳар бир инсон, фуқаронинг муқаддас бурчидир.
Ана шу омиллар туфайли мамлакатимиз тараққий этиб, дунё ҳамжамиятида муносиб ўрин эгалламоқда. Халқимизнинг ҳаёт даражаси тобора юксалиб, ҳар биримизнинг қалбимизда юксак орзу-умидлар, келажакка катта ишонч мустаҳкамланди. Тинчлик-осойишталик бор жойда қанча хурсандчилик, қанча байрам қилса ярашади.
Шундай экан халқимиз юзида табассум қалбида қувонч Мустақиллигимизнинг йигирма етти йиллиги ва Қурбон ҳайити байрамини муносиб нишонлашга тайёргарлик кўриш, юртимизда амалга оширилаётган бунёдкорлик ишларига алоҳида дахлдорлик ҳиссини шакллантириш, халқимиз орасида миллий қадриятларимизга хос бўлган меҳр-оқибат ва ҳамжиҳатликни янада кучайтириш, беғараз ёрдам, меҳр-мурувват каби эзгу фазилатларни юксалтириш, ёшларимизни юксак инсоний туйғулар руҳида ватанпарвар ва фидойи этиб тарбиялаш, маҳаллалар, аҳоли турар-жойларини ободонлаштириш мақсадида 2018-йил 18 август куни билим юрти ходимлари ва ўқитувчилари тамонидан байрам тадбирларини юқори савияда ўтказиш мақсадида ҳашар уюштирилди. Билим юртимиз ва масжид ҳудудлари ободанлаштирилиб, дарахтлар ва йўл атрофи бардюрлар оқланди. Ободонлаштириш ишларига ўкитувчи ва ходимлар қатнашди. 250 метр сув оқар ариқлар тозаланди, билим юрти ҳудудидан чиқиндилар чиқариб ташланди, йул четидаги 150 метр бардюрлар ва билим юртимиз ва масжид атрофидаги 120 дона дарахтлар оқланди. Ҳашар ишлари давомида Нукус шаҳар Имом Эшон Муҳаммад жоме масжиди ва мадраса худуди ободанлаштирилиб, атроф муҳит тозалиги мамлакатимизда меҳр-оқибат ва ўзаро ҳамжиҳатлик муҳитини мустаҳкахмлаш, Мустақиллигимизнинг йигирма етти йиллик байрамини нишонлаш олдидан табиатимизга эътиборимизнинг бир кўриниши бўлган ҳашар фаол ва мазмунли ўтказилди. Ҳашар сўнгида билим юртимиз уқитувчи ва ходимлари билим даргоҳ биноси олдига жам бўлиб, қилинган ишларга, озодаликдан ҳуснига ҳусн қўшилган билим масканимизга қараб, кўнгиллари таскин топди. Барча жам бўлиб, мамлакатимиз, жамиятимиз тинчлиги, соғлиги ва равнақини, қилинаётган ислоҳотларни самарасини ва уни икки дунёда саодатли бўлишини Аллоҳдан сўраб дуо қилинди.
ЎМИ матбуот хизмати
Маънавият ва маърифат
ишлари бўйича мудир муовини: А Ережепов.
Зиёратчилар ҳаждан аввалги жума намозини адо этдилар
17 август куни Маккаи мукаррамада ҳаж амалларини адо этишга ҳозирлик кўраётган юртдошларимиз Ўзбекистон мусулмонлари идораси раиси, муфтий Усмонхон Алимов ҳазратлари бошчиликларида ҳаждан аввалги жума намозини адо этдилар. Макка шаҳридаги ҳавонинг иссиқлиги, Ҳарами шарифдаги издихом ва зиёратчилар саломатлигини эҳтиёт қилиш мақсадида, ўзбекистонлик зиёратчилар жойлашган муҳташам “Аброж ал-Ҳидоя” меҳмонхонасининг 5 та залида жума намозини адо этиш учун шароитлар ҳозирланди ва жума намози адо этилди.
Муфтий ҳазратлари жума маърузаларида қуйидаги панду насиҳатларга алоҳида урғу қаратиб, жумладан шундай дедилар:
– Ҳар бир зиёратчи ҳажнинг одобларига амал қилган ҳолда, ёмон сўзлардан, фисқу-фасод ишлардан, талашиб-тортишишдан сақланса, иншоаллоҳ, унинг ҳаж амаллари Ҳақ таборака ва таолонинг даргоҳида қабул бўлади. Ушбу банда ҳудди онадан янги туғилгандек, гуноҳдан пок бўлади ва юртига мана шундай ҳолатда қайтади.
Худо насиб этса, эртадан кейин ҳижрий зулҳижжа ойининг саккизинчи куни зиёратчиларимиз меҳмонхонадан Мино водийсига талбия айтиб йўл олишади. У ерда Арафа кунининг бомдод намозигача ибодату илтижолар, зикру тасбеҳлар ила машғул бўлишади. Арафа куни бомдоддан кейин зиёратчиларимиз Мино водийсидан автобусларга ўтириб Арафот водийсига йўл олишади. У ерда то қуёш ботгунга қадар қалбларининг энг тўридаги дуою илтижоларини қилишади, қўлларига тасбеҳларни олиб “Субҳаналлоҳ”, “Алҳамдулиллоҳ”, “Аллоҳу акбар”, “Лаа илаҳа иллаллоҳ” ва “Астағфируллоҳ” калималарини зикр қилишади, уламоларимиз ва имом-домлаларимизнинг ваъзу иршодларини эшитишади. Мана шундай файзли онларда фаришталар Арафот водийсида жам бўлади. Шунда Аллоҳ таборака ва таоло фаришталаридан “ушбу бандаларим нимани исташяпти”, деб сўрайди. Шунда улар “Ё Парвардигор, ўзинг билганинг ҳолда биздан ҳужжат-далил учун сўраяпсанми, улар аввало сенинг ризоингни исташяпти, ота-оталари, фарзанду аржумандлари, юртлари, юрт раҳбарлари ҳаққига дуо қилишмоқда”, дейишади. Шунда Аллоҳ таоло: “Эй фаришталарим, сизлар гувоҳ бўлинглар ушбу водийдаги барча бандларимнинг дуоларини қабул қилдим, гуноҳларини мағфират этдим”, дейди. Мана шундай дуолар мустажоб бўлиб, гуноҳдан пок бўлган ҳолда юртга қайтиш жуда ҳам чиройли иш ва гўзал хотимадир...
Зиёратчиларимиз мана шундай шарт-шароитлар ва хушхабарлар шукронасини қилиб, ибодат ҳаловатини тотиб, юртимиз, муҳтарам Президентимиз, халқимиз ҳаққига дуои хайрлар қилишди, бу нақадар улкан бахт эканини юрак-юракдан ҳис этдилар.
Шунингдек, шу кунларда мамлакатимизда давлатимиз Раҳбари таклифига биноан давлат ташрифи билан бўлиб турган Тожикистон Республикаси Президенти Эмомали Раҳмон жанобларининг сафарлари самарали бўлишини сўраб дуолар қилишди.
Ўзбекистон мусулмонлари идораси Матбуот хизмати
Москвада "KurbanFest2018" мусулмон маданияти фестивали ўтказилади
Жорий йилнинг 25 август куни Москва шаҳридаги Мемориал масжид ҳудудида Қурбон ҳайити муносабати билан мусулмон маданияти фестивали ташкил этилиши режалаштирилган.
Ушбу фестивал мусулмонлар учун улуғ ойлардан бўлган Зулҳижжа ойида ўтказилмоқда ва фестивал меҳмонларига катта қозонларда палов тайёрланади.
Тадбир дастуридан Қуръон тиловати, Мемориал масжид бўйлаб саёҳат, долзарб мавзуларда имомларнинг маърузалари, "Бир соатда намозни ўрганамиз" сингари лойиҳалар ўрин олган.
Фестивал доирасида ўтказилган тадбирлардан йиғилган маблағ "Закот" хайрия жамғармасига муҳтожларга кўмак бериш мақсадида ўтказилади.
ЎМИ Матбуот хизмати
Нашриётда ҳашар
Бугун 18 август куни юртимиз бўйлаб умумхалқ ҳашари бўлиб ўтмоқда.
Қуйида Ўзбекистон мусулмонлари идораси "Мовароуннаҳр" нашриётидаги ҳашар тадбиридан фотолавҳани кўришингиз мумкин:
ЎМИ матбуот хизмати
Аёл - эркак учун таскин ва либос
Унинг аломатларидан (яна бири) – сизлар (нафсни қондириш жиҳатидан) таскин топишингиз учун ўзларингиздан жуфтлар яратгани ва ўртангизда иноқлик ва меҳрибонлик пайдо қилганидир. Албатта, бунда тафаккур қиладиган кишилар учун аломатлар бордир (Рум сураси, 21-оят).
-------------------
- Аллоҳ таоло аёлни эркакнинг таскин топиш манбаи қилиб яратди.
- Аллоҳ таоло аёлни эркак каби инсон қилиб яратди.
- Аллоҳ таоло эркак-аёл ўртасига меҳру муҳаббатни солиб қўйди.
- Буларнинг бари тафаккур қиладиган ишдир.
- Аллоҳ таоло аёлни эркакнинг таскин топиш манбаи қилиб қўйгани, уни эркак каби инсон қилиб яратгани, эркак-аёл ўртасида иноқлик ва меҳрибонлик солиб қўйгани Унинг борлигига, бирлигига далолат қиладиган белгилардан, аломатлардан биридир.
Нозимжон Иминжонов тайёрлади