muslim.uz
Нишонга урилган гаплар: “Агар бир муддатлик ғазабингни боса олсанг, юз кунлик надоматнинг олдини олган бўласан”
Қуйида келтириладиган фикрлар, ҳикматлар сайтлардан ва ижтимоий тармоқлардаги турли саҳифалардан олиб таржима қилинган.
Фозила, илмли аёлга дунёнинг барча моддий хазиналари ҳам тенг келмайди.
“Тарих муҳрлаган сўзлар”
*****
Агар бир муддатлик ғазабингни боса олсанг, юз кунлик надоматнинг олдини олган бўласан.
“Тарих муҳрлаган сўзлар”
*****
Бир инсоннинг ахлоқини билмоқчи бўлсанг, (пул, мансаб, обрў борасида) ўзидан қуйироқдагилар билан қилаётган муомаласига қаранг, бошлиқлари билан қилаётган муомаласига эмас.
“Тарих муҳрлаган сўзлар”
*****
Бир варақ имтиҳон қоғози менинг келажагимни белгилаши мумкин эмас.
“Тарих муҳрлаган сўзлар”
*****
Ўлим аниқ келади. Демак, келиши аниқ нарсадан қўрқиш эмас, балки унга яхши тайёргарлик кўриш керак.
*****
Жаннатга киришингга сабаб бўладиган амалларни қилиб вақт ўтказишинг бошқаларнинг дўзахга киришини исботлаш учун вақт сарф қилишингдан яхшидир.
“Тарих муҳрлаган сўзлар”
*****
Ким муршид (устоз)сиз йўлга (тариқатга) кирса, икки кунлик сафар учун юз йил вақт сарфлайди.
Жалолиддин Румий раҳимаҳуллоҳ
*****
Муваффақиятга эришган шахсга ҳужум қилиш ўрнига ундан-да муваффақиятлироқ бўлишга интил. Ҳасад билан ҳавас орасидаги фарқ шудир.
“Тарих муҳрлаган сўзлар”
*****
Таълим шундай қуролки, у билан дунёни ўзгартириш мумкин.
“Тарих муҳрлаган сўзлар”
*****
Интернет материалларидан тўплаб, таржима қилувчи
Нозимжон Иминжонов
Торонтода Халқаро Қуръон мусобақаси бўлиб ўтади
Жорий йилнинг 29 август - 1 сентябрь кунлари Канаданинг Торонто шаҳрида Халқаро Қуръон мусобақаси бўлиб ўтади. Бу ҳақда Event Bride ахборот сайтига таяниб Ислом.уз нашри хабар беради. Дунёнинг турли мамлакатларидан қорилар ташриф буюриб, ушбу мусобақада иштирок этади.
Хабарда айтилишича, Абу Ҳурайра номидаги марказда ташкил этиладиган мусобақа учун жиддий тайёргарлик ишлари олиб борилмоқда. Мусобақанинг олдинги мавсумида турли давлатлардан 16 та қори иштирок этган. Ғолибларга 90 минг АҚШ доллар миқдорида мукофот пули берилган.
Ўзбекистон мусулмонлари идораси Матбуот хизмати
Ҳиндистон Малдивдаги маржон тошли масжидни сақлаб қолишга ёрдам беради
Ҳиндистон Бош вазири Нарендра Муди сайловлардаги муваффақиятидан сўнг, Бош вазир сифатидаги биринчи сафарини қўшни Малдив Республикасидан бошлади. Бу ҳақда The Times of India нашри хабар беради.
Ҳиндистон бош вазири Малдив Республикаси пойтахти Малега қилган сафарида мамлакат Парламентида нутқ сўзлаган. У мамлакатдаги қадимий ва айни пайтда таъмирлашга муҳтож бўлиб турган тарихий масжид ҳақида сўзлаб: «Маржон тошларидан барпо этилган «Ҳукури Миски» (Жума масжиди) дунёда мисли йўқ тарихий обида ҳисобланади», деган ва уни сақлаб қолишга Ҳиндистон томонидан ёрдам берилишини маълум қилган. Мале шаҳридаги ушбу масжид 1658 йилда ёғоч ва маржон тошларидан барпо этилган. Масжид 2008 йилда UNESCO ҳимоясига киритилган.
Ўзбекистон мусулмонлари идораси Матбуот хизмати
Австралиядаги масжид энг замонавий дизайндаги масжид деб эътироф этилмоқда
«Панчбоул» масжиди Австралиянинг Сидней шаҳри ҳудудида барпо этилган йирик меъморий обида ҳисобланади. Масжид замонавий дизайни ва меъморчилиги билан бутунлай ананавий масжидлардан ажралиб туради, деб хабар беради Designboom нашри. Маълум бўлишича, Австралия ислом миссияси томмонидан барпо этилган ушбу масжид қурилиши учун қарор 1996 йилда қабул қилинган. Бироқ қуриш учун бериладиган лицензияни олишга маҳаллий ҳокимликдаги бюрократик тўсиқлар туфайли 17 йил керак бўлди. Мутлақо янгича усулуб ва дизайнда барпо этилган ушбу масжиднинг умумий майдони 550 кв. метрни ташкил этади. Мажиднинг ичида 300 киши ибодат қилиш имкониятига эга.
Ўзбекистон мусулмонлари идораси Матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.