muslim.uz
Доғистонда пайғамбаримиз Муҳаммад (с.а.в.)га тегишли буюмлар кўргазмаси ўтказилмоқда
Шу кунларда Доғистон Республикасида Пайғамбаримиз Муҳаммад саллоллоҳу алайҳи васаллам фойдаланган буюмлар кўргазмаси ташкил этилган. Ушбу кўргазма жорий йилнинг 10-15 ноябрь кунлари Гергебил қишлоғида ўтказилади.
Кўргазмага ташриф буюрганлар Аллоҳнинг расули бўлган зотнинг буюмларини кўриш шарафига муяссар бўладилар. Муҳаммад (с.а.в.)нинг мўйлари ва бошқа буюмлари аллақачон Доғистонга келтирилган.
Кўргазманинг очилиш маросимида Доғистон муфтийси шайх Аҳмад Афанди, ҳукумат вакиллари, уламолар иштирок этган. Ушбу кўргазманинг Раби ул аввал ойида ўтказилиши ҳам мусулмонлар учун туҳфа экани қайд этилган.
ЎМИ Матбуот хизмати
"Кордай" мадрасасининг тантанали очилиш маросими ўтказилди
Қозоғистон мусулмонлари идораси раиси, бош муфтий Серикбай ҳожи Ўраз Жамбил вилоятига ташрифи доирасида "Кордай" мадрасасининг очилиш маросимида иштирок этди. Бу ҳақда muftyat.kz нашри хабар берди.
Динлар ва миллатлараро тотувлик сабаб Қозоғистонда масжид ва мадрасалар сони кундан кунга кўпайиб бораётгани таъкидланди.
Маълумот учун, ушбу янги очилган мадрасада 100га яқин талабалар таълим оладилар. Мадраса Кордай туманининг Масанчи қишлоғида очилгани таъкидланди.
ЎМИ Матбуот хизмати
Бирлашган Араб Амирликларида бағрикенглик миллий фестивали ўтказилади
Бирлашган Араб Амирликлари ҳудудида бағрикенглик миллий фестивали ўтказилмоқда. Ушбу фестивални ўтказишдан мақсад сифатида сабр қилиш маданиятини ривожлантириш, БАА ҳудудида яшовчи бошқа турли миллат вакиллари билан биргаликда ва биродарликда яшашга чақириш экани айтилган.
The National нашрининг хабар беришича, ушбу фестивал жорий йилнинг 16 ноябрига қадар давом этади ҳамда унинг доирасида 100 дан ортиқ тадбир ва маросимлар ўтказилади.
ЎМИ Матбуот хизмати
Халқаро фестивал иштирокчилари Диний идора ва Хастимомга келди
Бухорода ўтказилган “Нақшбанд туризм фестивали” халқаро тадбири иштирокчилари жорий йилнинг 11 ноябрь куни Самарқанд вилоятига ташриф буюрганлари ҳақида маълум қилган эдик.
Дунёнинг 18 та давлатидан ташриф буюрган 160 га яқин меҳмон Имом ал-Бухорий мажмуаси, Хўжа Убайдуллоҳ Аҳрор ҳамда Шоҳи Зинда мажмуаларини зиёрат қилдилар.
Бугун, 13 ноябрь куни халқаро фестивал иштирокчилари Тошкент шаҳридаги Хастимом мажмуасини зиёрат қилдилар. Уларга Ўзбекистон мусулмонлари идорасининг масъул ходимлари ҳамроҳлик қилдилар. Меҳмонлар дастлаб Хастимом мажмуасида жойлашган Мусҳафи шарифни кўришга таклиф қилинди ва уларнинг кўпчилиги ўзларининг миннатдорликларини намоён этдилар.
Нақшбандия тариқати намоёндалари билан Ўзбекистон мусулмонлари идорасининг мажлислар залида учрашув ўтказилиб, унда Ўзбекистон мусулмонлари идораси раиси ўринбосари Иброҳим Иномов меҳмонларни қабул қилди. Учрашувда юртимизда амалга оширилаётгн ислоҳатлар, зиёратчилар учун яратилган шароитлар хусусида маълумотлар берилди.
Меҳмонлар мусулмон оламида машҳур алломалар, тасаввуф намояндалари, Нақшбандия тариқати асосчилари ватани бўлган заминни зиёрат қилганликларини орзулари ушалгани билан тенглаштирдилар.
Маълумот учун, жорий йилнинг 7 ноябрида “Нақшбанд туризм фестивали – 2018” халқаро фестивали бошланган эди. Ушбу фестивал иштирокчилари Бухоро, Самарқанд ва Тошкент шаҳарларидаги зиёратгоҳларни зиёрат қилдилар.
ЎМИ Матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.