muslim.uz
Жиззах вилояти Зомин туманида бўлиб ўтган вилоят босқичи ғолиблари
Ҳифз йўналиши
18-25 ёш
- Ансориддин Мамарасулов (Жиззах шаҳри)
- Худоёр Исҳоқов (Шароф Рашидов тумани)
- Музаффар Довудов (Пахтакор тумани)
26-40 ёш
- Абдулҳамид Саидазимов
- Йўлчи Маматмуродов
- Иззатуллоҳ Отабоев
Тиловат йўналиши
18-25 ёш
- Анвар Қосимов (Шароф Рашидов тумани)
- Ҳусан Хидирбоев (Зомин тумани)
- Ҳамид Аброров (Жиззах шаҳри)
26-40 ёш
- Муҳаммад Раимжонов (Жиззах шаҳри)
- Ҳамзабек Дадаев (Шароф Рашидов тумани)
- Абдусамад Мирзаев (Бахмал тумани)
АЁЛЛАР
Тиловат йўналиши
18-25 ёш
- Нафиса Мамирова (Шароф Рашидов тумани)
- Камола Қодирова (Жиззах шаҳри)
- Нафиса Отабоева (Зомин тумани)
26-40 ёш
- Ёрқиной Бозорова (Шароф Рашидов тумани)
- Дилфуза Маматқулова (Жиззах шаҳри)
- Мадина Эгамназарова (Шароф Рашидов тумани)
Ғолибларга диплом ва совғалар тақдим этилди.
Ўзбекистон Қуръон мусобақасининг саралаш босқичларини “muslim.uz” портали ҳамда унинг ижтимоий тармоқлардаги саҳифалари орқали кузатиб боринг.
ЎМИ Матбуот хизмати
Крганов: Муҳаммад ал Бухорий асарлари — диний экстремизмга қарши малҳам
Москва мусулмонлари идораси муфтийси Альбир Крганов диний экстремизмга қарши кураш ҳақида гапириб берди.
У Sputnik радиосига берган интервьюсида Марказий Осиёда, хусусан Ўзбекистонда, қадимдан Ислом динининг кучли, илмий мактаблари мавжудлигини таъкидлади. Кргановнинг сўзларига кўра, Ўзбекистондаги мадрасада таҳсил олган бирон бир Россиядаги уламо орасидан ҳали экстремист ёки бузғунчи ғояларнинг тарғиботчиси чиқмаган.
"Мен ўз фаолиятим йўналиши бўйича Жамоатчилик палатасида диний экстремизмга қарши кураш билан шуғулланаман. Унинг илдизлари қаерда ва у билан қандай курашсак бўлади, деган савол бизни қийнаб келади. Биз Ўзбекистоннинг тажрибасини ўзлаштиришимиз керак. Экстремизмга қарши малхам — Бухоро диний мактаби, Шарқнинг буюк диншунос алломалари, биринчи навбатда Муҳаммад ал Бухорийнинг асарларидир", — деди муфтий.
Унинг фикрига кўра, муқаддас қадамжоларни зиёрат қилиш маънавий қадриятларнинг мустаҳкамланиши ва инсонларнинг ислом анъаналари билан яқиндан танишишига ёрдам беради.
Ўзбекистон мусулмонлари идораси матбуот хизмати
Республика босқичига чиқиш учун кураш қизғин кетмоқда (фото)
Жиззах вилояти Зомин тумани “Маърифатли” жоме масжидида давом этаётган Қуръон мусобақасининг вилоят босқичи энг қизғин паллага кириб бормоқда. Улуғ алломалар юрти бўлган Жиззах заминининг энг кучли, хушсавт ва булбул қориларининг Республика босқичига чиқиш учун саъй-ҳаракатлари жуда шиддат билан кетмоқда.
Барча уларнинг Қуръон тиловатларини жон қулоғи билан эшитмоқда. Зеро, Қуръон ўқилганда, мўмин-мусулмон банда бутун вужуди билан Каломуллоҳга соме бўлади. Чунки Аллоҳ таоло бизни Қуръонни диққат-эътибор билан тинглашга буюрган: “Қуръон ўқилганда уни тинглангиз ва сукут сақлангиз! Шояд (шунда) раҳм қилингайсиз!” (Аъроф, 204).
Қуръон ўқиш ёки эшитиш учун хаёлни бир ерга жамланади. Зеро, Қуръон ожиз банданинг оддий сўзи эмас, Буюк Аллоҳнинг мўъжизавий Каломидир.
Қориларнинг Республика босқичига чиқиш учун ҳаракатларини жонли тарзда кузатишда давом этинг.
Ўзбекистон мусулмонлари идораси Матбуот хизмати
Online: Қуръон мусобақаси. (Зомин)
Қуръон мусобақасининг вилоят босқичини ЎМИ Матбуот хизмати
Диққат қилинг: Зоминда Қуръон мусобақаси бошланишига бир неча дақиқалар қолди!
Айни вақтларда Қуръон мусобақасининг иккинчи, яъни вилоят босқичини бошлаш учун барча тайёргарлик ишлари охирига етказилмоқда. Жиззах вилояти Зомин туманидаги муҳташам “Маърифатли” жоме масжиди мусобақа учун тайёр ҳолга келтирилди. Уламолар, имом-хатиблар, қори ва қорияларимиз катта ҳаяжон билан бундай тарихий воқеанинг иштирокчиси бўлаётганларидан жуда ҳам чексиз мамнун.
Ушбу мусобақада туман-шаҳар босқичида фақат биринчи ўринни олган, энг кучли қорилар беллашади. Шубҳасиз, Республика босқичига чиқиш учун баҳс кескин бўлади.
Бир неча дақиқалардан кейин барчамиз интиқиб кутган онлар бошланади.
Бизни жонли тарзда кузатинг.
Ўзбекистон мусулмонлари идораси Матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.