muslim.uz
Бўлажак Қуръон ҳофизлари
ЎМИ Матбуот хизмати
Фоторепортаж: Чирчиқ илоҳий файзга лиммо-лим бўлди
ЎМИ Матбуот хизмати
Чирчиқ шаҳар ҳокими ўринбосари: “Қуръоннинг мазмуни инсонни маънавиятга, тарбияли бўлишга чорлайди, имом-эътиқодни мустаҳкамлайди”
Чирчиқ шаҳрида бўлиб ўтаётган Қуръон мусобақаси иштирокчиларини табриклаш учун Чирчиқ шаҳри ҳокими ўринбосари Жаҳонгир Маткаримов ташриф буюрди ва биз билан суҳбатда шундай деди:
– Чирчиқ шаҳримизда Қуръон мусобақаси ўтказилишини эшитган аҳолимиз ҳокимликкка ва ушбу жоме масжидга жуда кўплаб мурожаатлар қилишди. Неча ёшдан қатнашилади, қандай иштирок қилинади, тартиби қанақа, деган саволлар билан жуда катта қизиқишлар билдиришди. Бундан жуда хурсанд бўлдик. Албатта, Қуръоннинг мазмуни инсонни маънавиятга, тарбияли бўлишга чорлайди, имом-эътиқодни мустаҳкамлайди. Маънавиятнинг асоси ҳам Қуръони каримда. Маънавият инсоннинг иродасини бақувват қилади. Шундан келиб чиқиб айтиш мумкинки, Қуръонни эшита олиш ва эшиттира олиш ҳам юксак маънавиятдир.
Ўзбекистон мусулмонлари идораси Матбуот хизмати
Аллоҳнинг раҳмати ва баракоти ёғилмоқда
Бугун Тошкент вилоятининг Чирчиқ шаҳридаги “Марказий” жоме масжидида қорилар мусобақаси энг кўтаринки кайфиятда давом этмоқда. Мусобақага ташриф буюрган ёшу қари, эркагу аёлнинг юзи-кўзида мамнунлик, гап-сўзларида чексиз қувонч акс этмоқда.
Бизнинг ижодий гуруҳ мана шундай кишиларнинг юрагининг туб-тубидан отилиб чиқаётган сўзларини тинглашга ва сиз азизларга ҳам ҳавола этишга жазм этди.
Қуйида Чирчик шахар хокими уринбосари Жахонгир Маткаримов нинг Қуръон мусобақаси ҳақидаги фикр-мулоҳазаларидан баҳраманд бўлинг.
Бизнинг muslim.uz портали орқали жонли кузатинг.
Ўзбекистон мусулмонлари идораси Матбуот хизмати
Хайруллоҳ домла Турматовнинг мусобақа ҳақидаги фикрлари
ЎМИ Матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.