muslim.uz
Видеолавҳа "Ислом ота" жоме масжидида ҳайит намози
Видео "Ҳазрати Имом" жоме масжидида Қурбон ҳайита намози
Видеолавҳага ўтиш учун ушбу линкни босинг!
https://www.facebook.com/muslimuzportal/videos/1920457061525544/
Байрам байрамга улашмоқда
Юртимизда аллақачон бошланиб кетган байрам шодиёналари росмана тантанага айланди. Бугун Ўзбекистон мусулмонлари идораси раиси, муфтий Усмонхон Алимов ҳазратлари Ўзбекистон мусулмонлари идораси, “Мовароуннаҳр” нашриёти, Тошкент ислом институти, “Хадичаи Кубро” аёл-қизлар ўрта махсус ислом билим юрти, “Кўкалдош” мадрасаси ходимларини табрикладилар.
Тантанада сўзлаган муфтий ҳазратлари муҳтарам президентимиз раҳнамолигида олиб борилаётган савоби юксак ишлар ҳақида сўз юритаркан, жумладан, бундай дедилар: “Ислом институтида ўқиган кезларимизда бу ерлар ниҳоятда кўримсиз жойлар эди. Устозларнинг хизматини қилиб юрарканмиз, устодимиз Зиёвуддинхон ибн Эшон Бобохон ҳазратларининг ёнидагиларга: “Бухорои шарифдаги “Мир Араб” мадрасаси олий мадрасага айланса эди...” деб гапираётганлари қулоғимга чалиниб қолган эди.
Азизлар, Аллоҳ таоло ўша устозларимизнинг, улуғларимизнинг дуоларини бугун ошиғи билан мустажоб қилди. Бухорода “Мир Араб” олий мадрасаси очилиб, у, “Мир Араб” ўрта махсус ислом билим юрти, “Жўйбори Калон” аёл-қизлар ўрта махсус ислом билим юрти – учала диний таълим даргоҳи бир мажмуага жойлашадиган бўлди. Бундай катта эътибор учун муҳтарам юртбошимиздан бениҳоя миннатдормиз...”
Муфтий ҳазратларининг табригидан сўнг юқорида номлари тилга олинган идораларнинг жонкуяр ходимларига “Фахрий ёрлиқлар” топширилди.
Қўшалоқ байрам қўшалоқ омадлар келтирсин, азиз юртдошлар!
Дамин ЖУМАҚУЛ
Хайр-саховат – инсон зийнати
Яхшилик, хайр-саховат, меҳр-оқибат, силаи-раҳм каби улуғ фазилатлар доимо инсонга зийнат бўлиб келган. Бундай олижаноб хислатларни ўзида мужассам эта олган инсонгина эл-юртнинг оғирини енгил қила оладиган фазилатли шахс ҳисобланади. Бинобарин, инсон эзгулик йўлида саъй-ҳаракат қилса, умрига, ризқига барака киради, ҳаёти осуда, қалби хотиржам бўлади.
Худди шундай фазилатлар халқимизнинг азалий қадриятига айланиб, ота-боболаримиз, момоларимиз ва дилбар аёлларимизнинг жасорати, ҳиммати ва имон-эътиқоди ҳамда ҳаёсида ўз аксини топган. Мазкур умуминсоний қадриятлар муқаддас Ислом динининг асосий манбалари – Қуръони Карим ва ҳадисларда кўп бора таъкидланган. Хусусан, Аллоҳ таоло Қуръон каримда: «Эҳсон-яхшиликнинг мукофоти фақат эҳсон ва эзгулик бўлажак» (Роҳман сураси, 60-оят) деб ўзгаларга яхшилик қилувчиларга дунё ва охиратда улкан мукофотлар борлигини маълум қилган.
Қурбон ва Рамазон ҳайитларида, Мустақиллик куни ва Наврўз каби айёмларда хайру саховат халқимизнинг азалий қадриятига айланганини ич-ичимиздан ҳис этамиз. Айниқса, Намангандаги 26-меҳрибонлик уйи хар қачон саховатпеша одамлар қадами билан файзли бўлади. Бу ерда уларга оила, ота-она меҳридан иссиқ тафтли шароит муҳайё қилинган. Хар куни, хар соатда ғамхўрликлар билан қуршаб олинганини ўзлари ҳис этадилар. Бироқ меҳр-мурувватли инсонларнинг келиши уларни янада мамнун этади.
Вилоятдаги жисмоний имконияти чекланганлар, болалар уйлари, қариялар мурувват уйи, шунингдек, эътиборга мухтож бошқа тоифадаги мактаб интернатлар ҳам борки, бу масканларда тарбия топувчилар жамиятимизнинг тўлақонли аъзоларидир. Уларни ижтимоий фаол ҳаётга тортиш ҳар бир шахснинг инсоний вазифасидир.
Муҳаммадхон НУРИДДИНОВ
“Шодибек” жоме масжиди имом-хатиби.
ВАТАН НЕДИР?
Ватан недир?
– Шу тупроқдир, она замин,
Чумолилар, чирилдоқлар, қушлар бари
Ағанайди, завқ олишар, яйрар эмин
Унга дунё фалсафадир, ҳаёт қонун.
Билмаганга билдиради, сабоқ берар,
Ғариб кулба, ўтовларда момолари
Ҳали-ҳануз қизлар тенги ип йигирар,
Эшкак эшар, қўй боқади боболари.
Ватан недир?
– Қўрқут ота, Жалолиддин
Темур Малик бандаргоҳи Аму узра,
Иккиланмай, кесиб ташлаб қулоқ-бурун
Широқ билан ёвлар кезган саҳронгизда.
Ҳакимбекнинг Бойсун эли, Бойчибори
Мадаминбек, Дўкчи Эшон излари бор,
Бу тупроққа не йигитлар келар ҳали,
Туғилади Тўмарисдай аёллари.
Ватан недир?
– Ҳаёт билан кураш тушган
Ҳар бир жоннинг танасида ҳужайрадир,
Бўғиқ-бўғиқ чинқирганча илк туғилган
Митти гўдак киндик қони томган жойдир.
Ёвқур юрак дарчасида, қалбда турган
Гўзал шуур, туйғу ўзи Ватан эрур,
Шу ер, осмон, халқим, элим, отам-онам
Эътимодим, эътиқодим Ватан бўлур.
Абдувоҳид ЎРОЗОВ,
“Мовароуннаҳр” нашриёти ходими
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.