www.muslimuz
#Жонли: Муфтий ҳазратнинг «Юсуфхон ўғли Қосимхон» масжидига ташрифлари ва мавъизаларини қуйидаги линклар орқали кузатишингиз мумкин:
✅ https://youtu.be/ZFPfMRnmPj4
#Наманганга_ташриф
Ўзбекистон мусулмонлари идораси Матбуот хизмати
Muslim.uz
@muslimuzportal | @mp3muslim | @diniysavollar
Фотолавҳа: Намангандаги «Юсуфхон ўғли Қосимхон» масжидида муфтий ҳазратлари ташрифига қизғин тайёргарлик кўрилмоқда
Хабар берганимиздек, бугун, 16 декабрь куни Ўзбекистон мусулмонлари идораси раиси, муфтий Нуриддин домла ҳазратлари Наманган шаҳридаги инновацион шаклда қурилган “Юсуфхон ўғли Қосимхон” жоме масжидига пешин намозига ташриф буюриб, намозхонларга мавъиза қилиб берадилар.
Айни пайтда масжидда Муфтий ҳазратлари ташрифига қизғин тайёргарлик кўрилмоқда.
Муфтий ҳазратнинг Наманган вилоятига сафарларини сайт ва ижтимоий тармоқларимиз орқали кузатиб боришингиз мумкин.
Ўзбекистон мусулмонлари идораси Матбуот хизмати
Muslim.uz
@muslimuzportal | @mp3muslim | @diniysavollar
Муфтий ҳазрат Намангандаги Hi-Tech услубида қурилган “Юсуфхон ўғли Қосимхон” масжидига ташриф буюрадилар
Эртага, 16 декабрь куни Ўзбекистон мусулмонлари идораси раиси, муфтий Нуриддин домла ҳазратлари Наманган вилоятига ташрифлари давомида Наманган шаҳридаги янги инновацион шаклда қурилган “Юсуфхон ўғли Қосимхон” жоме масжидига пешин намози вақтида ташриф буюрадилар.
Муфтий ҳазратлари 15 минг намозхонни сиғдира оладиган "Юсуфхон ўғли Қосимхон" жоме масжидида минглаб намозхонлар билан пешин намозини бирга адо этиб, мавъиза қилиб берадилар.
Маълумот учун, "Юсуфхон ўғли Қосимхон" жоме масжиди Наманган шаҳридаги "Афсоналар водийси" истироҳат боғи атрофида қад ростлаган.
Ноодатий лойиҳа асосида бунёд этилган ушбу масжидда бир вақтнинг ўзида 15 минг намозхон ибодат қилиши мумкин. Хонақоҳнинг ўзига 4,5 минг киши сиғади.
Шунингдек, бир вақтнинг ўзида 100 кишига хизмат қиладиган таҳоратхона ҳам бор бўлиб, замонавий иситиш ва совитиш тизимлари ўрнатилган.
20 минг квадрат метр жойда қад ростлаган масжиднинг умумий майдони 4 гектарни ташкил этади. Шундан 2 гектари 700 ўринли автотураргоҳ учун мўлжалланган.
Муфтий ҳазратнинг ташрифлари ва суҳбатларини сайт ва ижтимоий тармоқларимиз орқали кузатиб боришингиз мумкин.
Ўзбекистон мусулмонлари идораси Матбуот хизмати
Muslim.uz
Ўзбекистон делегациясининг Саудия Арабистонига хизмат сафари якунлари тўғрисида
Жорий йилнинг 1-9 декабрь кунлари Ўзбекистон мусулмонлари идораси раиси, муфтий Нуриддин домла Холиқназаров ҳазратлари ва Дин ишлари бўйича қўмита раиси Содиқ Тошбоев бошчилигидаги делегация Саудия Арабистонида Умра зиёратини ташкил қилиш бўйича хизмат сафарида бўлди.
Делегация бутун дунёда қўлланилаётган карантин чекловлари шароитида Умра сафарини ташкил қилиш бўйича Подшоҳлик муассасалари билан музокаралар олиб борди. Иншааллоҳ, яқин фурсатларда, COVID пандемияси бошланишидан аввал Умра сафари учун пул тўлаб, навбатда турганлар ва бошқа фуқаролар учун табаррук зиёратни амалга ошириш имкониятлари яратилади.
Карантин тартибларига мувофиқ меҳмонхоналарда зиёратчиларнинг хоналарга, автобусларда ўриндиқларга жойлаштиришда оралиқ масофа ҳисобига 50 фоизгача қисқартирилиш, озиқ-овқат маҳсулотларини қадоқланган ҳолда тарқатиш, ўрнатилган бошқа карантин тартиб-қоидаларга риоя этиш унчалик катта бўлмаган миқдорда қўшимча маблағларни талаб этиши мумкин.
Умра зиёратлари муддатлари, қўшимча тўлов миқдори, вакцинация тўғрисидаги маълумотлар тез орада маълум қилинади.
Ўзбекистон мусулмонлари идораси матбуот хизмати
Muslim.uz #Умра
Муфтий ҳазрат Туркия элчиси билан учрашдилар
Шу йил 14 декабрь куни Ўзбекистон мусулмонлари идораси раиси, муфтий Нуриддин домла Холиқназаров ҳазратлари Туркия элчиси Олган Бекар жаноблари билан учрашдилар.
Мулоқот аввалида муфтий ҳазратлари сўнгги йилларда Ўзбекистон ва Туркия давлатлари ўртасидаги ҳамкорлик ривож топаётгани, айниқса, диний-маърифий адабиётларни нашр этиш, биргаликда хайрия тадбирларини амалга оширишда яхши натижаларга эришилганини мамнуният ила қайд этдилар. Туркиялик дин пешволарининг Ўзбекистонга ташрифи, ўз навбатида юртимиз уламоларининг Туркия давлатига сафарлари самарали натижа бераётганига муфтий ҳазратлари катта урғу қаратдилар.
Элчи жаноблари жавоб сўзида сўнгги беш йилда Ўзбекистон ва Туркия давлатлари ўртасида кўп томонлама ҳамкорлик ривож топаётгани, сиёсий, иқтисодий ва ижтимоий соҳаларда манфаатли келишувларга эришилгани, айниқса, диний соҳадаги уламолар мулоқотларининг салмоғи ортиб бораётганини таъкидлади.
Элчи жаноблари сўзида давом этиб, Туркия диёнат ишлари бошқармаси раҳбари Али Эрбош жаноблари икки томонлама ҳамкорликни янада ривожлантириш мақсадида, муфтий Нуриддин домла ҳазратлари бошчилигидаги Диний идора делегациясини қулай вақтда Туркия давлатига таклиф этганини билдирди.
Шунингдек, ўзаро мулоқотда Туркия диёнат ишлари бошқармаси билан ҳамкорликнинг узвий давоми сифатида 30 минг ададда “Қуръони карим ва ўзбек тилидаги маънолари таржимаси” китоби чоп этилгани, ушбу мусҳафи шариф масжидлар, мадрасалар, имом-домлалар, талабалар, диний соҳа ходимлари ва имконияти йўқ фуқароларга бепул тарқатилгани маълум қилинди.
Учрашув якунида томонлар бир-бирларига эсдалик совғалари тақдим этдилар.
Ўзбекистон мусулмонлари идораси матбуот хизмати
Muslim.uz
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.