www.muslimuz
Муфтий Нуриддин домла ҳазратларининг Нур-Султон шаҳрида жойлашган марказий масжиддаги суҳбатлари: "Имони мукаммал бўлганларга жаннат муборак бўлсин!"
Ўзбекистон мусулмонлари идораси Матбуот хизмати
www.muslim.uz
“Сўфи Оллоёр” ва "Эзгулик" боғлари ташкил этилди
Юртбошимиз ташаббуси билан мамлакатимизда кенг қулоч ёзган "Яшил макон" умуммиллий лойиҳаси доирасида Самарқанд вилоятининг барча жойларида хайрли ишлар олиб борилмоқда.
Жумладан, вилоятнинг Пастдарғом туманида жойлашган "Норқул бобо" жоме масжиди ҳовлисида диний соҳа вакиллари, уламо ва нуронийлар иштирокида манзарали ва мевали дарахтлар кўчати экилиб, "Эзгулик боғи" ташкил этилди.
Шу куни " Эзгулик боғи"га 1000 тупга кўчатлар ўтқазилди.
Пастдарғом туманидаги тадбирлардан сўнг вилоят бош имом-хатиби Зайниддин домла Эшонқулов бошчилигидаги диний соҳа ходимлари ва уламолар Каттақўрғон туманида жойлашган “Хўжа Абдурахмон ота” жоме масжидида пешин намозидан сўнг масжид ҳудудида жойлашган ерга 3000 туб мевали ва манзарали дарахтларни ўтқазди. Бу боғга уламолар “Сўфи Оллоёр” боғи номи берилди.
Ўзбекистон мусулмонлари идораси матбуот хизмати
Муфтий ҳазрат Қозоғистондаги йирик жомеда 10 минглаб намозхонга мавъиза қилдилар
Қозоғистон сафари асносида Ўзбекистон мусулмонлари идораси раиси, муфтий Нуриддин домла ҳазратлари бугунги жума намозини Нур-Султон шаҳрида бир неча ўн минглаб жамоат тўпланган “Ҳазрати Султон” жоме масжидида адо этиш учун ташриф буюрдилар. Жума намози аввалида Қозоғистон бош муфтийси Наврўзбай ҳожи мавъиза қилиб, сўнг сўзни Муфтий Нуриддин домла ҳазратларига берди
Муфтий ҳазратлари қардош халқ мўмин-мусулмонларига Қуръони каримнинг Нисо сурасидаги: “Эй, одамлар! Сизларни бир жон (Одам)дан яратган ва ундан жуфти (Ҳавво)ни яратган ҳамда иккисидан кўп эркак ва аёлларни таратган Раббингиздан қўрқингиз! Шунингдек, ўрталарингиздаги ўзаро муомалада номи келтирилувчи Аллоҳдан ва қариндошлар (алоқасини узиш)дан қўрқингиз! Албатта, Аллоҳ сизларни кузатиб турувчидир” мазмунидаги ояти каримани айтиб, уни тафсир қилиб бердилар.
Шунингдек, инсонлар бир-бирига дўст-қардош бўлиши лозимлиги ҳақидаги ҳадиси шарифлардан айтиб, шарҳлаб бердилар.
Маъруза давомида Муфтий ҳазратлари Қозоғистонда ўтган “Мустақил Қозоғистон ва Ислом қадриятлари” номли халқаро анжуман муваффақиятли бўлгани, нуфузли тадбир, учрашувлар, умуман яхшилик йўлидаги ҳамкорлик алоқалари қардош халқлар дўстлигига катта ҳисса қўшганини алоҳида қайд этдилар.
Икки давлат президентларининг саъй-ҳаракатлари билан сўнгги йилларда мамлакатларимиз ўртасидаги ўзаро ҳамкорлик алоқалари янги босқичга чиқиб, жадал ривожланиб бораётганини таъкидладилар.
Жума намози давомида Муфтий ҳазратларидан дуо талабида бўлган ўн минглаб намозхонлар, хусусан турли сабаблар ила ушбу шаҳарда бўлиб турган ватандошларимиз ҳаққига жамоат билан бирга хайрли дуолар қилдилар.
Ўзбекистон мусулмонлари идораси Матбуот хизмати
Ўзбекистон Республикаси Президенти Қозоғистон Республикасининг Биринчи Президенти билан телефон орқали мулоқот қилди
26 ноябрь куни Ўзбекистон Республикаси Президенти Шавкат Мирзиёевнинг Қозоғистон Республикасининг Биринчи Президенти – Элбоши Нурсултон Назарбоев билан телефон орқали мулоқоти бўлиб ўтди.
Суҳбат аввалида давлатимиз раҳбари Элбошини яқинлашиб келаётган байрам - Қозоғистон Республикасининг Биринчи Президенти куни билан табриклаб, мустаҳкам соғлик, фаровонлик ва янги зафарлар, биродар Қозоғистон халқига бардавом тараққиёт ва равнақ тилади.
Нурсултон Назарбоевнинг замонавий Қозоғистонни барпо этиш, мамлакатнинг халқаро майдондаги нуфузини юксалтиришдаги тарихий ўрни ва улкан шахсий ҳиссаси қайд этилди.
Мамлакатларимиз ўртасидаги дўстлик, яхши қўшничилик ва стратегик шериклик муносабатлари бугун юксак даражага кўтарилгани мамнуният билан таъкидланди.
Жорий йил бошидан ўзаро товар айирбошлаш ҳажми 40 фоизга ошди, икки мамлакатнинг етакчи компания ва корхоналари ўртасидаги саноат кооперацияси кенгайиб бормоқда. Бугун Туркистон шаҳрида Ўзбекистон ва Қозоғистон ҳукуматлари раҳбарлари иштирокида Ҳукуматлараро комиссиянинг навбатдаги йиғилиши ва Ҳудудлар форуми ўтказилмоқда.
Бундан ташқари, маданий-гуманитар алмашинувга доир муҳим дастурларни амалга ошириш фаол давом эттирилмоқда.
Телефон мулоқоти чоғида икки томонлама ва минтақавий ҳамкорликнинг долзарб масалалари юзасидан фикр алмашилди, бўлажак олий даражадаги учрашувлар режаси кўриб чиқилди.
ЖОНЛИ: Жума маърузаси — Илм ўрганиш ҳар бир мусулмон учун фарздир 26.11.21
Ўзбекистон мусулмонлари идораси Матбуот хизмати
muslim.uz
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.