muslim.uz
Талабалар ўртасидаги Қуръон мусобақаси ғолиблари тақдирланди
Аввал хабар берганимиздек, “Кўкалдош” ўрта махсус ислом таълим муассасида “Қуръон базмига марҳабо!” номли талаба ўртасида Қуръон мусобақаси бўлиб ўтди. Қориларнинг чиқишларини малакали тажвид устозларидан иборат Ҳакамлар ҳайъати баҳолаб борди.
Якуний натижаларга кўра “Мужаввидлик” йўналишида 1-ўрин мадрасанинг 3-курс талабаси Муҳаммадсолиҳ қори Эргашхўжаевга, “Мураттаблик” йўналиши бўйича 1-ўрин соҳиби 2-курс талабаси Шукрулло қори Шухратбековга насиб этди.
Ана шундай Қуръон мусобақаси Имом Термизий ўрта махсус ислом таълим муассасасида ҳам бўлиб ўтган эди. Унда қорилар чиқишини баҳолаб борган Ҳакамлар ҳайъатининг хулосасига кўра қуйидаги натижалар қайд этилди:
Мадрасанинг 3-курс талабаси Исломиддин Абдулҳакимов 1-ўрин, яна бир 3-курс талабаси Абдулазиз Абдуғаниев 2-ўрин, 1-курс талабаси Муҳаммадамин қори Нажмиддинов 3-ўринга сазовор бўлди.
Тадбир сўнгида мусобақа ғолибларига диплом ва эсдалик совғалар билан тақдирланди.
Ўзбекистон мусулмонлари идораси
Матбуот хизмати
Илмсиз фатво бериш
Наманган тумани
"Нуртепа" жоме масжиди имом-хатиби
Ўзбекистон мусулмонлари идораси Матбуот котиби тайинланди
Ўзбекистон мусулмонлари идораси мутахассиси Мусаев Неъмат Жўрабоевич Ўзбекистон мусулмонлари идораси раисининг матбуот котиби лавозимига тайинланди.
Н.Мусаев Диний идора, “Мовароуннаҳр" нашриёти бўлимларида турли вазифаларда фаолият юритган.
Лавозимга тайинлов Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги хулосасига кўра амалга оширилди.
Ўзбекистон мусулмонлари идораси Матбуот хизмати
Водийлик муаззинлар синовдан ўтказилди
Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг ташаббуси билан муаззинларнинг малакасини ошириш йўлга қўйилди.
Ушбу анъанага мувофиқ бугун, 13 май куни Ўзбекистон мусулмонлари идораси «Қуръон ва тажвидни ўргатиш» бўлимида Андижон, Наманган ва Фарғона вилоятларида фаолият олиб бораётган муаззинлар учун навбатдаги амалий машғулот ташкил қилинди.
Мазкур дарс давомида Шайх Алижон қори Файзуллоҳ Махдум ўғли муаззинларнинг азон ва иқомат айтиш маҳоратларини тинглаб, керакли тавсияларни берди.
Ўзбекистон мусулмонлари идораси
Матбуот хизмати
FITNALARDAN SAQLANISH LOZIM
Bahodir Sharipov,
Chust tumani bosh imom-xatibi
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.