Шу йил 28 май куни “Ҳидоя” ўрта махсус ислом билим юртида Ўзбекистон мусулмонлари идораси тасарруфидаги диний таълим муассасалари талабалари ўртасида “Баркамол авлод – 2022” спорт мусобақасининг республика босқичи ўтказилди.

Мусобақа Қуръони карим тиловати ва дуойи хайрлар билан бошланди. Cўнг Ўзбекистон Республикаси давлат мадҳияси тингланди.

Дастлаб Наманган вилояти ҳокимининг ўринбосари Жамолиддин Алойдинов, Наманган вилояти бош имом-хатиби Абдулҳай домла Турсунов, Ўзбекистон мусулмонлари идораси Таълим ва илмий-тадқиқот бўлими мудири Салоҳиддин Шерхоновлар тадбирни очиб, мусобақа қатнашчиларига мувоффақият тилашди.

Давлатимиз раҳбари томонидан илгари сурилган беш муҳим ташаббуснинг иккинчиси – ёшларни жисмоний чиниқтириш, уларнинг спорт соҳасида қобилиятини намоён қилишлари учун зарур шароитлар яратиш ташаббусини қўллаб-қувватлаш мақсадида ушбу маданий-спорт тадбири ташкил этилди.

Мусобақа давомида иштирокчилар спортнинг стол тенниси, тош кўтариш, кураш, шахмат турлари бўйича ўз кучларини синовдан ўтказишди. Ушбу жараёнларни тажрибали спорт мутахассислари-ҳакамлар ҳайъати адолатли баҳолаб боришди.

Диний таълим муассасалари ўртасида ўтказилган “Баркамол авлод – 2022” спорт мусобақасининг якуний натижаси қуйидагича бўлди:

?1-ўрин: "Кўкалдош" ўрта махсус ислом билим юрти;
?1-ўрин: "Хожа Бухорий" ўрта махсус ислом билим юрти;
?2-ўрин: "Мир Араб" ўрта махсус ислом билим юрти;
?3-ўрин: "Муҳаммад ал-Беруний" ўрта махсус ислом билим юрти жамоаси.

Аёл-қизлар ўртасидаги умумий ҳисоб бўйича:

?1-ўрин: "Хадичаи Кубро" ўрта махсус ислом билим юрти;
?2-ўрин: "Жўёбори Калон" ўрта махсус ислом билим юрти;
?3-ўрин: "Тошкент Ислом институти";
?3-ўрин: "Мир Араб" олий мадрасаси жамоаси.

Нуфузли мусобақа ғолиб жамоаларига кубок ва эсдалик совғалар тақдим этилди.

Ўзбекистон мусулмонлари идораси жамоаси юқори ўринни эгаллаган диний таълим муассасалари вакиллари ва талабаларини эришган натижалари билан муборакбод этади!

Ўзбекистон мусулмонлари идораси Матбуот хизмати

Ҳасан домла Қодиров

2022-yilning 31-may kunidan 2-iyuniga qadar Singapurda musulmon turizm bozorini tiklash va rivojlantirishga bag‘ishlangan “Halal In Travel – Global Summit 2022" bo‘lib o‘tadi.

Mazkur tadbir butun dunyodan sayyohlik sohasida chuqur bilimga ega 70 dan ziyod mutaxassislarni o‘zida jamlaydi.

O‘zbekistondan ushbu sammitda Bosh vazir o‘rinbosari – Turizm va madaniy meros vaziri Aziz Abduhakimov ishtirok etadi (onlayn formatda). Shuningdek, tadbirda Indoneziya vitse-prezidenti, Maldiv Orollari turizm vaziri va Malaziya turizm, sanʼat va madaniyat vaziri qatnashadi.

Sammit yakunida "Halal in Travel" mukofoti taqdimoti bo‘lib o‘tishi rejalashtirilmoqda. Ushbu mukofotlar turli toiflarni qamrab oluvchi musulmonlar hayot tarzidagi sayohatlar segmentiga sezilarli hissa qo‘shgan yo‘nalishlar, tashkilotlar, kompaniyalar va shaxslar kesimida taqdim etiladi.

Илҳомжон домла Умаржон ўғли