Ўтган ҳафтада диний-маърифий соҳада рўй берган муҳим хабарларнинг қисқача тафсилоти

00:00 Анонс
01:00 Муфтий ҳазрат бутунжаҳон маданиятлараро форумида иштирок этдилар
01:23 Муфтий ҳазратлари Эрон ва Украина элчиларини қабул қилдилар
01:53 Фуқаролар мурожаати доимо эътиборда
02:27 Юз йиллик тарихга эга “Малик ота” масжидида диний-маърифий тадбир бўлиб ўтди
02:51 Ҳаж ибодатига қизғин тайёргарлик кўрилмоқда
03:24 Мирзаобод туманида сайёр йиғилиш бўлиб ўтди
03:45 Тил билимдонлари аниқланди
04:09 Отинойи маънавият тарғиботчисидир
05:00 Китобсевар талабалар китоб ярмармасида
05:23 «Усмон мусҳафи»ни реставрация қилиш режалаштирилган

Бу йилги ҳаж мавсумининг бошланишига ҳам саноқли кунлар қолди. Шу муносабат билан республикамиз бўйлаб ҳаж зиёратига тайёргарлик ишлари қизғин олиб борилмоқда. Имом Бухорий номидаги Тошкент ислом институтида Тошкент, Сирдарё вилоятлари ва Тошкент шаҳридан ҳаж мавсуми учун бириктирилган гуруҳ раҳбарлари иштирокида бўлиб ўтган йиғилишда ана шу тайёргарлик жараёни таҳил қилиниб, қатнашчиларга тегишли кўрсатма ва тавсиялар берилди.
Машғулотларда Ўзбекистон мусулмонлари идораси раиси ўринбосари, Тошкент ислом институти ректори Муҳаммадолим Муҳаммадсиддиқов, Диний идора Масжидлар билан ишлаш бўлими мудири Музаффар домла Камолов, Тошкент шаҳар бош имом-хатиби Абдуқаҳҳор домла Юнусов, диний идора вакиллари, имом-хатиблар ва шу соҳа ходимлари иштирок этди.
Йиғилишда гуруҳ раҳбариларига ҳаж мавсумидаги муҳим вазифалар эслатилди. Зиёратчиларга Исломнинг бешинчи рукни бўлган ҳажга пухта тайёргарлик кўриш, ҳажнинг фарзлари, вожиб ва суннатларини атрофлича тушунтиришлари зарурлиги таъкидланди.
Худди шундай Наманган вилояти вакиллигида Наманган, Андижон ва Фарғона вилоятларидан ҳаж зиёратчиларига бириктирилган гуруҳ раҳбарларига икки кунлик ўқув семинари бошланди.
Ўқув машғулотларида Наманган вилояти бош имом-хатиби Мусохон домла Аббосиддинов, “Ҳидоя” ўрта маҳсус ислом билим юрти ўқитувчилари ва тажрибали имом-хатиблар гуруҳ раҳбарларига ҳаж амалларини адо этишнинг тартиб-қоидалари, ҳаж қилиш асносида ман этилган амаллардан сақланиш, Мадинаи мунаввара ва Маккаи мукаррамадаги муборак жойларни зиёрат қилиш одоблари ҳақида маъруза қилдилар. Шунингдек, ҳаж сафарига доир қонунчилик ва бошқа меъёрий ҳужжатларни ҳам пухта билиш ҳам уқтирилди.
Гуруҳ раҳбарлари зиёратчиларга муборак сафар давомида доимо хушмуомала бўлиш, ўзаро ёрдам кўрсатиш, зикру ибодатларни кўпайтириш, беҳуда нарсаларни тарк этиш ҳақида ҳам эслатиб туришлари лозим эканини таъкидлаб ўтилди. Иштирокчилар саволларига маърузачилар томонидан жавоблар берилди.

Ўзбекистон мусулмонлари идораси Матбуот хизмати

Жума_суҳбати

Абдуғофур домла НИЁЗҚУЛОВ – Фатво маркази бош мутахассиси

Абдувоҳид домла АҲМАДАЛИЕВ – Фатво маркази етакчи мутахассиси

MUHAMMADXON ABDURAXMANOV
Namangan shahar "MULLA ISMOIL"
jome masjidi imom xatibi

Ҳазрати Усмон мусҳафи Қуръони каримнинг бугунги кунгача сақланиб қолган энг қадимий қўлёзмаси ҳисобланади. VII асрда ҳижоз хатида ёзилган бўлиб, ҳозирда Ўзбекистон мусулмонлари идораси музей кутубхонасида сақланади. 1997-йилда ЮНEСКО уни “Жаҳон хотираси” рўйхатига киритган.

Ўзбекистон Президенти топшириғига биноан мазкур муқаддас китобни консервация ва реставрация қилиш режалаштирилган. Лойиҳада хорижлик мутахассислар, жумладан, Кембриж университетидан Кристине Росе, франциялик реставраторлар Ахелле Делеау ва Cоралие Барбе, Истанбул қўлёзмалар устахонаси ва архив бўлими мудири Нил Байдар иштирок этмоқда. Улар ҳар бир саҳифани синчиклаб кўздан кечириб, босқичма-босқич таъмирлаш режасини ишлаб чиқади ҳамда келгусида муҳофаза қилиш бўйича тавсияларни берадилар.

Шунингдек, мазкур жараёнда Ўзбекистон мусулмонлари идораси Кутубхонаси мутахассислари Камолиддин Маҳкамов ва Саидраҳмат Икромов ҳамда Алишер Навоий номидаги Миллий кутубхона реставрация ва консервация бўлими мутахассиси Шуҳрат Пўлатов ҳам бевосита қатнашмоқдалар.

Консервация ва реставрация ишлари Ҳазрати Усмон мусҳафини келажак авлодлар учун асраб-авайлашга хизмат қилади.

Ушбу эзгу амал Ўзбекистон мусулмонлари идораси ва Ўзбекистон Маданият ва санъатни ривожлантириш жамғармаси қўллаб-қувватлови ва назорати остида амалга оширилмоқда.

Ўзбекистон мусулмонлари идораси
Матбуот хизмати