Ҳабибуллоҳ домла Жўрабоев

Фатво маркази етакчи мутахассиси

Қирғизистонда мусулмонлар учун муқаддас Рамазон ойига бағишланган диний ва оммавий тадбирлар катта иштиёқ билан ўтказилмоқда. Рамазонга хос маънавий муҳитни сақлаб қолиш мақсадида бу йил мўмин-мусулмонларга кенг кўламли ифторлар ташкил этилмоқда.

Ифторлар маҳаллий ва хорижий хайриячилар томонидан ташкил этилади. Бишкек марказий масжиди ҳовлисида вақт ўтказаётган ёшлар ифторга келган меҳмонларни кутиб олишади ва кечки овқат пайтида кексаларга ёрдам беришади.

Уюшмалар камбағаллар учун ифторлар ташкил қилади. Ёш кўнгиллилар мадрасанинг муҳтож тарбияланувчиларига озиқ-овқат тарқатишни ташкил этишади.

Islam.ru хабар беришича, Бишкек масжидларида таровиҳ намозини мўминлар Қуръон ҳофизлари иштирокида ўқишади.
Бишкек марказий масжиди имоми Абдиқодир Суранўғли Анадолу агентлигига берган интервьюсида мусулмонлар учун муқаддас Рамазон ойи катта иштиёқ билан ўтказилаётганини айтди. "Бизнинг масжидимиз ҳар куни 1000 кишига ифторлар ташкил қилади", - дейди имом.
"Таровиҳ намозлари умуман Бишкекдаги 71 масжидда ўқилади", - таъкидлади Суранўғли.

Ўзбекистон мусулмонлари идораси матбуот хизмати

«Oman Daily observer» газетаси "Ўзбекистон халқи Рамазонни қандай нишонлайди" сарлавҳали мақола чоп этди, деб хабар бермоқда “Дунё” ахборот агентлиги.

Газета мухбири Юсуф Кабирнинг ёзишича, масжидлар, мақбаралар ва бошқа нарсалар билан машҳур бўлган Ўзбекистонда мусулмонлар Муқаддас Қуръон китоби Муҳаммад Пайғамбарга нозил қилинганини нишонлайдилар.

Мақолада муаллиф Рамазон ойида Ўзбекистонга ташриф буюришнинг еттита сабабини тилга олади. Улар орасида бебаҳо тарихий ва маданий мерос ва меъморий ёдгорликлар, ифтор ва суҳур учун мазали ҳалол ошхона, Буюк ислом имомлари, олим ва тадқиқотчилар дафн этилган жойларга зиёрат қилиш, Ўзбекистоннинг гўзал табиатини кўриш, бозорларга ташриф буюриш ва ажойиб харидлар қилиш, ўзбек халқининг дўстона ва меҳмондўст одамлари билан танишиш имконияти мавжуд, бунда буларнинг барчаси жуда осон ва содда.

Ҳар бир жиҳати ҳақида батафсил тўхталар экан, уммонлик журналист Ўзбекистон замини тарих давомида илм-фан ва ислом таълимининг бешиги бўлиб келганини ёзади. Ҳадис тараққиётида Ал-Бухорий ва ал-Термизий каби ўзбекистонлик диний олимлар етакчи роль ўйнаган, Ал-Матуридий ва ал-Насафий ислом илоҳиётининг йирик намояндалари бўлишган, аз-Замахшарий, Ас-Самарқандий каби олимлар Қуръон илмларининг ривожига ўз ҳиссаларини қўшганлар.

Абу Али Ибн Сино, ал-Хоразмий, Абу Наср Фаробий ва Улуғбек математика, астрономия, тиббиёт, физика, метафизика ва фалсафа соҳаларида минтақада ижод қилган ва тан олинган буюк олимлар эди. Баъзи кашфиётлар ҳали ҳам олимлар ва замонавий тадқиқотчилар томонидан қўлланилмоқда ва қадрланади. Ушбу кашфиётларга бағишланган ёдгорликлар ва музейлар Ўзбекистон ўтмишига эшикларни очиб, дунёни қанчалик ўзгартиргани ҳақида ўйлашга имкон беради.

"Саёҳат қилар экан инсон ноёб, чиройли ва ғайриоддий нарсаларни кашф этади, улар эса Ўзбекистонда жуда кўп", деб ёзади харид қилиш ҳақида «Oman Daily observer». - Расмлардан керамикагача, гиламлардан қуритилган меваларга қадар – сиз сотиб олмоқчи бўлган жуда кўп жозибали нарсалар мавжуд. Икат ипак матоси – бу ўзбек ихтисослиги ва уни барча анъанавий рангларда аксарият бозорларда топиш мумкин. Икатнинг мухлиси бўлсангиз, Марғилон ипак фабрикасига ташрифингиз Ўзбекистонда бўлишингиздаги ёрқин воқеа бўлади".

Ўзбек халқининг меҳмондўстлиги алоҳида таъкидланади, бу ҳақда муаллиф Ўзбекистон ер юзидаги энг бахтли мамлакатлардан бири эканлигини, шунингдек, дунёдаги энг хавфсиз беш мамлакат қаторига киришини ёзади. Меҳмондўстлик Марказий Осиё маданиятининг муҳим қисми бўлиб, бу саёҳатчиларни Ўзбекистонга ташриф буюришга янада иштиёқманд қилади.

"Рамазон ойида ифтор дўстлар ва оилалар билан бирлашиш вақти ва ҳар оқшом сиз турли одамлар билан учрашишингиз, турли уйлар ва турли ресторанларга ташриф буюришингиз мумкин", - дейилади мақолада. - Сиз у билан эндигина учрашиб турган бўлсангиз ҳам маҳаллий аҳоли сизни у билан рўза тутишга таклиф қилса, ҳайрон бўлманг - бу Рамазоннинг ажойиб руҳи".

Юсуф Каабир Ўзбекистон ҳақиқатдан ҳам сиз кутганингиздан-да зиёда деган хулосага келади. Бизнинг орқамизда жуда кўп тарих ва маданият мавжуд бўлиб, ушбу манзил фақат очилишни кутмоқда ва бу Рамазонни мамлакатга ташриф буюриш учун энг яхши вақтлардан бирига айлантиради, дея сўзини мухтасар қилди.

Ўзбекистон мусулмонлари идораси матбуот хизмати

Устоз Салоҳиддин домла Шарипов

Бокуда Озарбайжон туризм-блогерлари уюшмаси вакиллари учун Ўзбекистоннинг сайёҳлик салоҳияти бўйича тақдимот ташкил этилди, деб хабар бермоқда «Дунё» АА.

Тадбир мамлакатимиз элчихонаси кўмагида ўтказилди. Тақдимот доирасида Ўзбекистоннинг сайёҳлик салоҳияти, мамлакатимиз ҳудудида 7 мингдан зиёд қадимий ва ўрта аср меъморчилиги ёдгорликлари, ЮНЕСКОнинг Жаҳон маданий мероси рўйхатига киритилган шаҳар ва объектлари ҳақида батафсил маълумотлар берилди.
Бундан ташқари, сўнгги йилларда дам олиш, спорт, зиёрат, соғломлаштириш ва туризмнинг бошқа турлари учун яратилган имкониятлар ҳақида маълумот берилди.

Тақдимотда Имом Бухорий ёдгорлик мажмуаси (Самарқанд), етти пир қадамжолари (Бухоро) ва бошқа муқаддас гўшалари мусулмон мамлакатлари, жумладан, Жануби-Шарқий Осиё давлатларидан келган зиёратчилар ўртасида машҳур эканлиги таъкидланди.

Тадбирда Жаҳон сайёҳлик ташкилоти (ЮНВТО) Бош Ассамблеясининг 25-сессияси 2023 йилда Самарқанд шаҳрида бўлиб ўтиши маълум қилинди. Ҳозирги кунда Самарқандни дунёнинг етакчи сайёҳлик марказларидан бирига айлантириш бўйича тизимли ишлар олиб борилаётгани ҳақида сўзлаб берилди.

Анжуман якунида май ойининг биринчи ўн кунлигида туризм соҳасини ёритувчи блогерлар кўмагида Ўзбекистоннинг сайёҳлик салоҳиятига бағишланган навбатдаги тақдимотни кенгроқ аудитория учун ўтказиш, шунингдек, Ўзбекистонни Озарбайжон жамоатчилиги орасида кенг тарғиб қилиш учун турли викторина ва танловлар ўтказиш тўғрисида келишувга эришилди.

Ўзбекистон мусулмонлари идораси Матбуот хизмати