Ўзбекистон мусулмонлари идораси вилоят вакиллигининг мажлислар залида Имом-ноиблар учун йиғилиш ўтказилди.

Йиғилиш давомида вилоятда 2024-йилда амалга оширилаётган ишлар ҳамда диний вазиятни соғломлаштириш, мутаассиблик ва радикализмни олдини олиш, имомларнинг шахсий намуна кўрсатиши бўйича вазифа ва топшириқлар белгилаб берилди.

Йиғилишда Наманган вилояти ҳокимининг ўринбосари Хатамов Жамшед Мухторивич ўз нутқи давомида тараққиётимизнинг янги даврида диний соҳада жуда катта ислоҳотлар амалга оширилаётгани, ўз навбатида имомлик шарафли ва масъулиятли вазифа экани, бугунги кун имоми замонга зийраклик, теран фикр билан қараши, ўзининг устида мунтазам ишлаши ва мўмин-мусулмонларнинг маънавий-маърифий соҳада эҳтиёжларини қондириш учун тинимсиз изланиб, хизмат қилишлари зарурлигига алоҳида урғу қаратилиши ҳақида сўз юритди.

Бундан ташқари, барча имом-хатиб ва имом-ноиблар ўзларига бириктирилган МФЙлар билан мунтазам алоқада бўлиб, ёшлар тарбиясига катта эътибор қаратиш, илм-маърифатга қизиқтириш ва ёш авлод келажаги учун мустаҳкам пойдевор яратиш, оилаларни тинч-тотув яшаши, фарзандларни бевақт тирик етим бўлмаслиги учун ажримларни олдини олиш, кексаларни  ҳурмат қилиш, қўшничилик одобларига риоя қилиш кабиларни алоҳида таъкидланди.

Йиғилиш давомида Наманган вилоятидаги диний соҳа ходимлари фаолиятини янада яхшилаш юзасидан муҳим тавсия ва кўрсатмалар берилди. Мураккаб даврда имом-хатибларнинг фаолликларини ошириш, ОАВдаги чиқишлари мазмун-моҳиятини яхшилаш, жаҳолатга қарши маърифат билан курашиш ва мўмин-мусулмонлар эҳтиёжларини қондириш борасида тинимсиз хизмат қилиш каби жиҳатларига эътибор қаратилди.

Ўзбекистон мусулмонлари идораси

Наманган вилояти вакиллиги Матбуот хизмати

Поёнига етиб бораётган Меҳр ва мурувват ойи бўлган Рамазоннинг сўнгги кунларида бир қатор мусулмон давлатлари мамлакатимизда умргузаронлик қилаётган кам таъминланган, эҳтиёжманд оилалар учун озиқ-овқат маҳсулотлари, китоблардан иборат хайр-эҳсонларни ажратиб келмоқда.

Хусусан, яқинда Саудия Арабистонининг мамлакатимиздаги элчихонаси томонидан “Вақф” хайрия жамоат фондига ҳурмо маҳсулотлари топширилди. Бу жараёнда Саудия Арабистони подшоҳлигининг Ўзбекистондаги фавқулодда ва мухтор элчиси ўринбосари Ҳумуд Туркий ал Мутайрий, мазкур давлатнинг ислом ишлари вазирлиги ходими Муборак Ҳамад Ол Ҳаная, элчихона ходими Бадр Тароҳиб ал Утайбий, “Вақф” хайрия жамоат фонди бошқарув раҳбари Исохон Абдуллаев ва фонднинг халқаро алоқаларни ривожлантириш бўйича мутахассиси Миржалол Қосимов иштирок этди.

Айни пайтда мазкур хайр-эҳсон қутилари республика бўйлаб тарқатилиб, ўз эгаларига етказилмоқда.

Кечагина шоду хуррамлик билан кутиб олган муборак Рамазон ойи бугун ниҳоялаб қолди. Бу хайр-саховат ва мурувват ойида кўплаб кўнгли ўксик инсонлар ҳолидан хабар олиниб, уларга ҳадялар улашилди.
Бу ойда қандай хайрли иш бўлса, ҳаммаси амалга оширилди. Ҳудудларни ободонлаштириш, кўчат ўтқазиш, гулу райҳонлар экиш.. ҳаммаси уддаланди.
Рамазон ҳайитига Бўстонлиқ тумани Собир Раҳимов номидаги маҳалла фуқаролар йиғини ҳудудида жойлашган «Олимжон ота» жоме масжиди имом-хатиби Элёржон домла Эрпўлатов ташаббуси билан ҳомийлар кўмагида мазкур маҳалланинг 144 метрли йўлига асфальт қопламаси ётқизилгани чинакам қувончли воқЕа бўлди. Бу хайрли ишга 139 миллион сўм ҳомийлар маблағи сарфлангани маҳалла аҳлининг узоғини яқин қиладиган бўлди.
Расулуллоҳ соллаллоҳу алайҳи ва саллам: “Инсон вафот этса учта амалининг савобидан бошқа ҳаммаси тўхтайди. Улар – садақаи жория, фойдали илм ва ота-она ҳаққига дуо қиладиган солиҳ фарзанд”, деб марҳамат қилганлар.
Садақаи жория – оқиб турадиган, яъни савоби мўминга нафақат бу дунёда, балки қабрда ҳам манфаат бериб турадиган гўзал ишлар мажмуидир. Жумладан, жамият учун ўта манфаатли бўлган йўллар ва кўприкларни қуриш ва таъмирлаш, мактаб-мадраса ва шифохона кабиларни барпо этиш ишлари ҳам уламоларимиз томонидан садақаи жория тоифасидаги савобли ишлар, деб эътироф этилган.
Аллоҳ таоло кафтдек равон ва текис бундай йўл қурилишига, асфальт ётқизилишига ҳисса қўшган барча азизларимиздан рози бўлсин.

Тошкент вилояти вакиллиги

Матбуот хизмати

Ўзбекистон мусулмонлари идораси Уламолар Кенгашининг навбатдаги онлайн мажлиси бўлиб ўтди. Унда Рамазон ҳайитини кўтаринки руҳда ўтказишга оид кун тартибидаги бир қатор масалалар муҳокама қилинди.

Йиғилишда уламолар ва соҳа мутахассислари томонидан Рамазон ҳайити қайси кунга тўғри келиши ва ҳижрий 1445 йил Шаввол ойи ҳилолини кузатиш бўйича қилинаётган ишлар ҳамда фалакий ҳисоб-китоблар атрофлича таҳлил қилинди.

Шунингдек, дунёдаги йирик фатво идоралари ва нуфузли астрономия институтлари ахборотлари батафсил кўриб чиқилди. Туркий давлатлар диний идоралари масъуллари билан ҳам ушбу масала кенг муҳокама қилинди.

Ўзбекистон мусулмонлари идораси Уламолар Кенгаши фиқҳий қоидалар, фалакий ҳисоб-китоблар ва астрономик кузатишларга таянган ҳолда жорий йилда диёримизда Рамазон ҳайити 2024 йил 10 апрель, чоршанба кунига тўғри келиши кутилаётганини маълум қилди.

Ўзбекистон мусулмонлари идораси Матбуот хизмати

Toshkent shahar "Oq uy" masjidi imom-xatibi

Isroiljon domla Ismoiljonov