Хабар берганимиздек, шу йил 6-8 сентябрь кунлари Россия Федерациясининг Санкт-Петербург шаҳрида “Диний олам: эпидемиологик вазиятни тартибга солиш шароитидаги диний фаолият” мавзусида халқаро анжуман ўтказилди.

Халқаро анжуманда Санкт-Петербург ва РФ Шимолий-Ғарбий федерал округи мусулмонлар идораси раиси, муфтий Равил Панчиев таклифига биноан Ўзбекистон мусулмонлари идораси номидан раис ўринбосари Иброҳимжон домла Иномов қатнашди.

Форумда Санкт-Петербург ва рус илоҳиётчилари, Бирлашган Араб Амирликлари, Марокаш, Индонезия, Буюк Британия, АҚШ, Германия, Марказий Осиё ва бошқа мамлакатларнинг турли дин ва диний вакиллари иштирок этди.

Халқаро анжуманда пандемиянинг диний соҳага таъсири ва маънавий қадриятларни асраш, коронавирусга қарши курашдаги саъй-ҳаракатларни бирлаштириш масалаларига эътибор қаратилди.

"Коронавирус ҳали бизни тарк этгани йўқ. Кўп дўстларимиз касал бўлди, бошқалар касал, айрилган дўстларимиз ҳам бор. Лекин дунёнинг охири ҳали келгани йўқ, Шунинг учун Аллоҳ бизга ўзгариш, ривожланиш имконини беради. Шунинг учун Нева дарёсидаги шаҳар бугунги кунда ўз меҳмонларини меҳмон қилмоқда", - деди Санкт-Петербург ва Россиянинг Шимолий-Ғарбий ҳудуди мусулмонларининг диний идораси раиси Равиль Панчеев.

Нуфузли анжуманда Ўзбекистон мусулмонлари идораси раиси ўринбосари Иброҳимжон домла Иномов ҳам сўзга чиқиб, тадбир иштирокчиларига мамлакатимиз диний соҳа раҳбарларининг салом ва дуоларини етказди ва мавзу доирасида маъруза билан қатнашди.

Маъруза давомида Иброҳим домла Иномов Ўзбекистон мусулмонлари идораси раиси, марҳум муфтий Усмонхон Алимов вафоти муносабати билан ҳамдардлик билдирган, дуои хайрлар қилган мусулмон биродарларга ташаккур айтди, юртимиздан етишиб чиққан буюк алломаларнинг динимиз ривожига қўшган ҳиссаси, бугунги кунда мамлакатимизда диний-маърифий соҳада амалга оширилаётган хайрли ишлар, Ўзбекистон мусулмонлари идорасининг нуфузли халқаро ташкилот ва хорижий мамлакатларнинг диний идоралари ҳамкорлик алоқалари ҳақида маълумот берди. Шунингдек, мавзу доирасида бир қатор долзарб фикр-мулоҳазаларни билдирди.

Ўзбекистон мусулмонлари идораси матбуот хизмати

Шу йил 2 октябрь куни алюминий материалга ишланган дунёдаги энг катта ҳажмдаги Қуръони карим нусхаси “Дубай Экспо 2020” халқаро кўргазмасида намойиш этилади. Уни покистонлик хаттот кўчирган.

Покистонлик рассом беш йил олдин алюминий материалга Қуръон оятларини ялтироқ ҳарфлар билан ўйиб чизган. Бу алюминийга ёзилган 1400 йиллик Ислом тарихидаги дунёдаги энг катта Қуръони карим нусхасидир. Рассом илгари худди шундай шрифтда алюминий ва олтиндан Аллоҳнинг 99 та гўзал исмларини ўйиб ёзган.

Шаҳид Разод беш йил олдин бошлаган лойиҳасини бу йил олти ой давом етадиган “Дубай Экспо 2020” кўргазмасида намойиш этади.

Маълумот учун: Шаҳид Разам 2000 йилда Ал Айн университетининг «Йил рассоми» мукофотига сазовор бўлган.

Қуръони каримнинг алюминий материалга ўйиб ёзилган ушбу нусхаси рамкадан ташқари узунлиги 8,5 фут (259 см) ва кенглиги 6,5 фут (198 см). Ҳар бир саҳифаси 150 сўздан иборат бўлиб, уларнинг умумий сони 550 тани ташкил қилади.

Эслатиб ўтамиз, “Дубай Экспо 2020” кўргазмаси ўтган йил октябрь ойида бўлиб ўтиши керак эди, аммо пандемия туфайли қолдирилганди.

Халқаро кўргазма шу йилнинг 1 октябридан 31 мартигача 182 кун давомида ўтказилади. Унда 25 миллиондан ортиқ ташриф буюрувчиларни қабул қилиши кутилмоқда.

ЎМИ халқаро алоқалар бўлими

Бахтиёр домла Сатторов
Тошкент шаҳар “Фирдавс“ жоме масжиди имом-хатиби

Ислом тараққиёт банки (ИТБ) Бошқарувчилар кенгашининг 46-йиллик йиғилиши доирасида мамлакатимизда меҳмон бўлган Ислом тараққиёт банки президенти Муҳаммад Сулаймон ал-Жассир бошчилигидаги делегация кеча Самарқандга ташриф буюрди.

Меҳмонлар Пайариқ туманидаги Имом Бухорий қадамжосини зиёрат қилди. Айни пайтда бу ерда амалга оширилаётган реконструкция жараёнлари, зиёрат туризми учун яратилаётган шароитлар ҳақида батафсил маълумот берилди.

Ислом тараққиёт банки президенти Имом Бухорий халқаро илмий-тадқиқот маркази фаолияти билан ҳам яқиндан танишди.

Давлатимиз раҳбари ташаббуси билан ташкил этилган марказда буюк муҳаддис ва алломалар илмий меросини ўрганиш борасида олиб борилаётган ишлар, нодир қўлёзма асарлар сақланаётган кутубхона ва музей меҳмонларда катта таассурот қолдирди. Ислом цивилизацияси ривожига улкан ҳисса қўшган Мовароуннаҳр алломалари илмий меросини чуқур ўрганиш ва кенг тарғиб этиш борасидаги ҳамкорлик алоқаларини кучайтириш истиқболлари тўғрисида ўзаро фикр алмашилди.

– Имом Бухорий халқаро илмий-тадқиқот маркази жамоасининг илм йўлида эришаётган муваффақиятларини Ўзбекистонда диний-маърифий соҳада олиб борилаётган кенг кўламли ислоҳотларнинг яққол самараси сифатида баҳолайман ва Марказнинг ислом дини ривожи йўлида амалга ошираётган хизматларини ҳар томонлама қўллаб-қувватлайман, – деди Муҳаммад ал-Жассир жаноблари.

Шунингдек, юқори мартабали меҳмон марказнинг фахрий меҳмонлар китобида ҳам ўз дил сўзларини ёзиб қолдирди.

Жумладан, Ислом тараққиёт банки президенти Муҳаммад Сулаймон ал-Жассир “Имом Бухорий ҳаёти ва илмий фаолиятини кенг оммага етказиш йўлида Имом Бухорий халқаро илмий-тадқиқот марказида амалга оширилаётган самарали ишларни кўриб жуда мамнун бўлдим. Марказнинг хайрли ишларида улкан муваффақиятлар тилаб қоламан” деб ўз дастхатини қолдирди.

Ғ.ҲАСАНОВ, ЎзА