Ислом – инсон қадри ва тараққиёти учун хизмат қиладиган энг эзгу ғоялар билан йўғрилган диндир. Бироқ турли экстремистик ва террорчи ташкилотлар ўзларининг ғаразли мақсадларидан келиб чиқиб, ислом таълимотининг айрим ғоя ва тамойиллари мазмун-моҳиятини бир ёқлама, ўз манфаатлари йўлида нотўғри талқин қилиб, одамларни ҳидоят йўлидан адаштиришга уринмоқда.

Аллоҳ таоло Ўз каломи Қуръони каримда бузғунчи тоифалардан огоҳлагнтириб шундай марҳамат қилади:

«Уларга: «Ер юзида фасод (бузғунчилик) қилмангиз!» - дейилса, улар: «Албатта, биз чин ислоҳчилармиз», - дейдилар. Огоҳ бўлингки, айнан уларнинг ўзлари бузғунчилардир, лекин (буни ўзлари) сезмайдилар» (Бақара, 11-12).

«Биз ислоҳотчилармиз» дея иддао қилаётган бундай оқимлар ўзларининг қарашлари ва амалиётига қўшилмаганларни «адашганлар»га чиқармоқда. Бундай ёндашув ва талқинлар замарида жамиятдаги ижтимоий бирликка таҳдид солиш ва ички парокандаликни келтириб чиқариш мақсади мавжудлигини англаш қийин эмас, балки уларнинг асл мақсади ҳам айнан шудир! Аллоҳ таоло Қуръони каримнинг Бақара сураси, 60 оятида: «Аллоҳнинг ризқидан еб-ичингиз, Ер юзида бузғунчилик қилмангиз!»,  деган хитобига эътибор қаратадиган бўлсак, Имом Қуртубий ушбу оятнинг тафсирида: «Аллоҳ тартиб ўрнатилгандан кейинги ҳар қандай бузғунчи ва вайронакорликни унинг катта ё кичиклигидан қатъи назар, ҳаром қилди», деб, таъкидлаб келтирадилар.

Экстремистик оқимлар ўзларининг манфур ниятлари ва амалиётларини оқлаш мақсадида муқаддас ислом номи билан турли «фатволар» бериб келмоқда. Масалан, улар бунинг учун мутлақо асоси бўлмаган воқеани ўзларига далил қилиб олишган. Унга кўра, гўёки, Тоифга қоронғуда ҳужум қилинган, оқибатда аёллар ва ёш болалар ҳам ҳалок бўлган, саҳобалар бунинг ҳукмини Пайғамбаримиз алайҳиссаломдан сўраганларида «Сизларнинг мақсадингиз мушриклар эди, қоронғуда ажратиш мураккаб бўлгани боис улар ҳам мушриклардандир» деган сохта ҳадисни асос қилиб, жамоат транспорт воситалари (автобус, поезд ва самолёт)ни олиб қочиш ва бегуноҳ одамларни гаровга олиш мумкинлигини уқтиришмоқда. Аммо Пайғамбаримиз алайҳиссалом Имом Муслим ривоят қилган ҳадисда: «Дарҳақиқат, сиздан олдингиларни ўзаро қон тўкишга ва тақиқланган ишларни мумкин деб олишларига уларнинг динда чуқур кетишлари сабаб бўлди», дейдилар.

Афсуски, динда чуқур кетиш оқибати ислом уламоларининг кўрсатмаларини инкор қилишдан тап тортмайдиган, диний бирлик, ақидавий якдиллика очиқдан-очиқ таҳдид туғдирувчи, ўзаро низоларга кўмилиб кетган гуруҳларнинг пайдо бўлишига ғоявий замин яратмоқда. Аллоҳ бузғунчиликни севмаслигини, бундай ҳаракатлар ислом дини таълимотига мутлақо зид эканини Қуръони каримнинг «...Аллоҳ бузғунчиларнинг ишини ислоҳ этмагай» (Юнус, 81), оятидан ҳам кўришимиз мумкин.

Имом Муслим ривоят қилган ҳадисда шундай дейилади: «Расулуллоҳ соллаллоҳу алайҳи васаллам (хорижийлар ҳақида огоҳлантириб): «Улар Қуръонни ўқиганда ўзларининг фойдасига деб ўйлайдилар, аслида эса у уларнинг зарарига юради», - дедилар».

Имом Муслим ва Имом Абу Довуд ривоят қилган ҳадисда шундай дейилади: «Кимки раҳмли бўлмаса, у раҳм қилинишдан маҳрумдир».

Бузғунчилик ишларини дин номидан амалга ошириб, ўзларининг мудҳиш қилмишлари ва жиноятлари билан ном қозонган хорижийларнинг «Ҳукм фақат Аллоҳникидир», деган даъволарига қарши Ҳазрати Али розияллоҳу анҳу: «Ҳақ сўз билан ботил ирода қилинибди», деганлари эса, бугунги кундаги бузғунчи тоифаларнинг қилмишларига ва унинг асоси ҳамда оқибатларига ҳам кучли раддиядир.

Ҳасан Басрий раҳматуллоҳи алайҳ эса: «Мўмин яхши ишлар қилса ҳам, Аллоҳдан қўрқиб туради, мунофиқ эса ёмон иш қилиб туриб, хотиржам юради», деганлари ҳам мўмин-мусулмонларга, инсониятга бесабаб зарар ва зулм қилиш кишининг ким экани ҳақида хулоса беради.

Имом Ғаззолий ҳазратлари эса: «мутаассиблар диндан фойдаланган ҳолда кишиларга ҳужум қиладиган катта йўлдаги қароқчилардир», деб таъкидлайдилар.

Чуст тумани "Булоқли" жомеъ масжиди имом хатиби Абдураҳмонов Лутфиддин

Шайх Салоҳ Aбулҳож ҳафизаҳуллоҳ

Ўзбекистон Республикаси Мустақиллигининг 31 йиллик байрамини кўтаринки рухда ўтказиш мақсадида Қорақалпоғистон Республикаси Вазирлар Кенгаши ва Қорақалпоғистон мусулмонлари қозиёти ташаббуси билан республикадаги барча масжид ходимлари ва нуронийлар иштирокида Нукус шаҳрига саёҳат ташкил этилди. Мазкур саёҳатда Қорақалпоғистон Республикаси Вазирлар Кенгаши Бошлиғининг ўринбосари Р. Сапарбаев ва Қорақалпоғистон мусулмонлари қозиёти қозиси Ш. Бауатдиновлар ҳам қатнашди. Саёҳат давомида Р. Сапарбаев юртимизда катта ўзгаришлар амалга оширилаётгани, диний соҳада ҳам кўплаб ютуқларга эришилаётгани ва буларнинг ҳаммаси инсон манфаатлари учун бўлаётганини таъкидлади.
Шунингдек, тадбир давомида Қорақалпоғистон мусулмонлари қозиёти Ш. Бауатдинов ҳам сўз олиб, Ўзбекистон Республикаси Президентининг Қорақалпоғистон Республикасига қилган ташрифида халқнинг турмуш тарзини яхшилаш мақсадида бир қанча енгилликлар ва имкониятлар берилганини қайд этиб ўтди. Хусусан, пахта ва ғалла майдонларини қисқартириб, ҳар бир оилага 2 гектардан ер ажратиш, йўлларни тузатиш, электр, газ ва сувлар таъминотин яхшилаш, 2022 йил 15 сентябръдан эътиборан Қорақалпоғистон Республикаси ва Хоразм вилоятида яшовчи ёшига алоқадор нафақахўрлар, ногиронлиги бўлган фуқаролар учун темир йўл ва авиа чипталарни сотиш 50 фоизлик енгилликли тарифлар бўйича амалга оширилиши, ижтимоий ҳимояга муҳтож оилаларга кўмир, суюлтирилган газ, озиқ-овқат ва бошқада заруратлар учун 600 минг сўмдан бир марталик ёрдам пулининг ажратилиши ва бошқа бир қатор енгилликлар тақдим этилган. Албатта, бундай имкониятларни қадрига ҳар бир киши, айниқса ёшлар етиши кераклиги ҳақида ҳам айтиб ўтилди.
Сайёҳлар оғир ҳудуддан чиқарилган «Амударё, Жаңа базар ва Чимбой гузори» макон фуқаролари йиғинларидаги амалга оширилган ободонлаштириш ишлари, жумладан, спорт майдончалари, болалар ўй майдончалари, асфалътланган йўллар, янгидан тартилган ичимлик сув таъминоти, кутубхона ва у ердаги аҳолининг турмуш тарзи билан яқиндан танишди. Саёҳат давомида иштирокчилар «Чимбой гузори» макон фуқаролари йиғинида ўз ишини бошлаган тикувчилик фабрикасида ҳам бўлишди.
Саёҳат иштирокчилари бундай тадбирни ташкил қилганларга ўзларининг миннадорчилигини билдирди ва юртимизнинг тинчлиги ва фаровонлигини тилаб дуолар қилди.

Қорақалпоғистон мусулмонлари қозиёти Матбуот хизмати