muslim.uz
Қуръон мусобақаси ОАВ нигоҳида
Ўзбекистонда бошланган Қуръони карим мусобақасида иштирок этиш учун рўйхатдан ўтган иштирокчилар, мусобақанинг бориши ҳақида маълумотлар дунёнинг турли минтақаларидаги оммавий ахборот воситаларида эълон қилинди.
Эроннинг “parstoday.com” интернет нашри Қуръон мусобақасида Ўзбекистон мусулмонлари идораси тасарруфидаги диний таълим муассасалари ва Тошкент ислом университети талабаларидан ташқари, масжидлардаги имом-хатиблар, имом ноиблари ҳамда Қуръони карим қироати бўйича иқтидори бўлган 18-40 ёшдаги барча эркагу аёл фуқаролар иштирок этишлари мумкинлиги ҳақида ёзади.
“Sputniknews-uz.com” нашрининг ўзбек ва рус хизматлари Қуръон мусобақасида иштирок этиш истагида бўлган фуқаролар Ўзбекистон мусулмонлари идорасининг вилоятлардаги вакилликларига мурожаат қилишлари тавсия этилиши, мусобақанинг бориши ҳақида маълумотлар бериб ўтган.
Шунингдек, islam-today.ru , regnum.ru , interfax-religion.ru , ozodlik.org сингари хорижий ОАВларда Ўзбекистонда ўтказилаётган Қуръон мусобақаси ҳақида мақолалар рус ва инглиз тилларида берилган.
Ўзбек тилидаги электрон ОАВларда ҳам Қуръон мусобақаси тўғрисида қатор мақола ва хабарлар эълон қилинган.
“Маърифатли” жоме масжидида мусобақанинг очилиш маросимига катта тайёргарлик ишлари олиб борилмоқда. Шу вақтга қадар мусобақада қатнашишга журъат қилган, яъни ўзининг билимига, қувваи ҳофизасига ишонган 18 ёшдан 40 ёшгача бўлган қори ва қориялар сони салкам тўрт мингга яқин экан.
Ўзбекистонда бошланган Қуръони карим мусобақаси кўтаринки руҳ, хурсандчилик билан қарши олинди.
Қорилар ва қорияларнинг вилоятлар бўйича ҳисобининг эълон қилинганини кўрган киши уларнинг сони турли вилоятда турлича эканига гувоҳ бўлади. Аслида бу ҳам бир синов. Замонавий иборада айтилганда мониторингдир.
Куни кеча бўлиб ўтган Қуръон мусобақасида ҳам ушбу манфаатлар бўй кўрсатди десак, хато бўлмаса керак. Шукрлар бўлсинки, бу қутлуғ тадбир ҳар йили такрорланадиган анъанага айланиб ургурди. Бунинг натижаси ўлароқ, қориларимизнинг билим ва тажрибалари ортиб бормоқда ва халқнинг Қуръони Каримга бўлган маърифати, қизиқиши юксалмоқда.
Ўзбекистонда Қуръон мусобақаси ўтказилиши ва унинг бориши ҳақида маълумотлар хабар шаклида келтириб ўтилган.
Қуръон мусобақасининг илк босқичи учун Жиззах вилояти Зомин тумани «Маърифатли» жоме масжидида Қуръон мусобақаси бошланди
Уламолар, имом-хатиблар, қори ва қорияларимиз бундай тарихий воқеанинг иштирокчиси бўлаётганларидан жуда ҳам чексиз мамнун.
ЎМИ Матбуот хизмати
Зал тўлгач ташқарида қолган мухлисларга қулайлик яратилди
Қуръон мусобақасининг ҳудудий босқичлари Жиззах вилоятида бўлиб ўтгани ҳақида хабар берган эдик.
Мусобақанинг ҳудудий босқичи Жиззах шаҳридаги мусиқали драма театрида бўлиб ўтди. Ушбу зал вилоятдаги йирик томоша зали бўлиб, 550 ўринли театр биноси 2017 йилда замонавий талаблар даражасида реконструкция қилинган.
Одамларимизда Қуръонга муҳаббат кучлилигидан Жиззах вилоятидаги энг катта залга ҳам томошабинлар сиғмай қолганидан кўриш мумкин эди. Аввалроқ эълон қилинган суратларда айрим мухлислар зал ташқарисида қолиб кетганлари намоён бўлган эди.
Жиззах вилояти вакиллиги мутасадди ходимлари бинога сиғмаганларга янада қулайлик яратиш мақсадида театр фойесига монитор ўрнатиш ишларини ташкил этдилар. Қуръон мусобақаси мухлисларининг ҳеч бири кетмай монитор атрофида тўпланганлар. Улар мусобақа иштирокчиларининг чиқишларини ўзлари кутганидек ҳеч қандай тўсиқларсиз томоша қилдилар.
ЎМИ Матбуот хизмати
بدأ وفد بعثة الحج لأوزبكستان زيارته إلى المملكة العربية السعودية
غادر وفد بعثة الحج الأوزبكستاني المتكون من نائب رئيس لجنة الشؤون الدينية اوتكور بك حسنبايوف ونائب رئيس إدارة المسلمين إبراهيم إنعاموف ومدير قسم التعليم للإدارة جلال الدين نور الدينوف ومدير قسم العلاقات الخارجية للجامعة الإسلامية حميد بك حسنوف طشقند متوجها إلى المملكة العربية السعودية في 16 يناير استجابة لدعوة رسمية من وزير الحج والعمرة للمملكة العربية السعودية صالح بن طاهر بنتن لبحث الاستعدادات المبكرة لموسم حج هذا العام 1439هـ، والإجراءات والتعليمات المتخذة فى هذا الشأن.
ومن المخطط عقد اتفاقيات مع رؤساء ومديري المؤسسات التي تقدم الخدمات لحجاج أوزبكستان خلال هذا الموسم في مكة والمدينة وجدة.
خدمة الإعلام لإدارة مسلمي أوزبكستان
Online: Қуръон мусобақаси. Facebook (Архив)
ONLINE
САМАРҚАНД.
ЎМИ Матбуот хизмати
Online: СИЙРАТ. 22-дарс. Мавзу: "Қамал даври" (Архив)
ONLINE
ЎМИ Матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.