muslim.uz
ШҲТ анжумани бошланди
Пойтахтимизда шу йилнинг 23–24 июнь кунлари Ўзбекистон Республикаси Президенти Ислом Каримов раислигида Шанхай ҳамкорлик ташкилоти Давлат раҳбарлари кенгашининг 15 йиллигига бағишланган юбилей мажлиси бўлиб ўтади.
Шу муносабат билан тадбирда иштирок этиш учун Тошкентга ташриф буюрган ШҲТга аъзо давлатлар, халқаро ташкилотлар, шунингдек, чет эл оммавий ахборот воситаларининг қарийб минг нафар вакил азим шаҳримизнинг диққатга сазовор, қадимий масканлари билан танишмоқдалар. Хусусан, Хитой, Россия ва Ҳиндистондан бир гуруҳ журналистлар “Ҳазрати Имом” мажмуасига ташриф буюрдилар. Меҳмонларни Ўзбекистон мусулмонлари идораси масъул ходимлари кутиб олишди.
Ташриф буюрган меҳмонларга мустақилликка эришилгандан сўнг мамлакатимизда миллий ва диний қадриятларни қайта тиклашга қаратилаётган эътибор ҳамда бу борада олиб борилаётган ишлар ҳақида сўзланди. Жумладан, Юртбошимиз ташаббуслари билан “Ҳазрати Имом” мажмуасининг барпо этилиши, унда бунёд этилган янги бинолар ҳамда таъмирланган қадимий меъморчилик ёдгорликлари ҳақида маълумотлар берилди.
Бундай улкан мажмуа бугун Ўзбекистонда чирой очган ана шундай юзлаб зиёратгоҳлардан бири экани таъкидланди.
Бундай улкан мажмуада олиб борилган меъморий ишлар меҳмонларда катта таассурот қолдирди.
Шунингдек, меҳмонлар диний идора кутубхонасида сақланаётган “Ҳазрат Усмон Мусҳафи” ва “Мўйи Муборак” мадрасаси тарихи ҳақида ҳам батафсил маълумот олишди.
Шундан сўнг, меҳмонлар “Бароқхон” мадрасасида жойлашган ҳунармандлар расталари билан танишиб, ўзбекистонлик қўли гул усталарнинг ҳунармандчилик санъати намуналарини томоша қилдилар.
Абдуллоҳ ибн Аббос жоме масжиди (Тошкент вилояти)
Ҳазрати имом жоме масжиди (Қашқадарё)
Закот ва нафл садақалари (Одилхон қори Исмоилов)
Жинлар олами. Исҳоқ Муҳаммад (Таровеҳ суҳбатлари)
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.