muslim.uz

الإثنين, 06 أيلول/سبتمبر 2021 00:00

Ислом тараққиёт банки (ИТБ)нинг Тошкент шаҳрида ўтказилган йиллик анжумани мамлакатимиз ва халқимиз учун жуда фойдали ва сермаҳсул бўлди

ИТБ ва ҳукуматимиз ўртасида қатор соҳаларда ҳамкорлик шартномалари имзоланди. Хусусан:

ИТБ Ўзбекистонда онкологик хизматларни ривожлантириш лойиҳасини қўллаб-қувватлаш учун 80 млн. доллар ажратади.

ИТБ томонидан Ўзбекистон Халқаро ислом академияси ҳузурида Ислом тараққиётининг ақлли синфини ташкил этиш учун 51,5 минг доллар ёрдам гранти тақдим қилинади.

ИТБ Ўзбекистондаги қишлоқ аҳолисининг турмуш даражасини ошириш ва мазкур ҳудудларни барқарор ривожлантириш мақсадида 200 млн. доллар миқдорида пул ажратади.

ИТБ бошланғич капитали 100 млн. долларга тенг бўлган Ўзбекистон Иқтисодий имкониятларни кенгайтириш жамғармаси учун 20 млн. доллар маблағ ажратади.

ИТБ томонидан Ўзбекистондаги 4та хусусий банк: Kapitalbank, Trastbank, Orient Finans Bank ва InFinBankнинг ҳар бирига 10 млн. доллар миқдорида пул ажратилиши бўйича келишув имзоланди.

Манба: Islommoliyasi telegram kanali

Published in Ўзбекистон янгиликлари

الإثنين, 06 أيلول/سبتمبر 2021 00:00

Динда саволим бор: Ўзимда фақат бомдод ўқишга куч тополяпман...

— Шукрки, намоз ўқишни бошладим. Аммо фақат бомдодни ўқишга имконим бўляпти. Яқинда бир киши “бу ножоиз, ўқисангиз ҳаммасини бирга ўқинг”, дедилар. Қолган 4 вақт намозни ўқишга ўзимда куч тополмаяпман, нима қилсам бўлади?

— Бомдодни ўқиса, ўша намозни ўқиш фарзини адо этган бўлади. Аммо бошқа намозларнинг фарзи тураверади. Уларни ҳам вақтида ўқиш керак. Бомдодни ўқиш жуда яхши иш. Бошқа намозлар ундан осон. Уларни ҳам ўқиш керак. Ҳеч ким бирорта фарз ёки вожиб намозни ўқимай қўйса бўлади, деган фатвони бера олмайди. Сиз кўп тавба қилинг. Истиғфор айтинг. Банда қилган гуноҳи сабабли ибодат қилишга сустлашиб қолади. Кейин луқмангизга эътиборли бўлинг. Инсоннинг танасида ҳаром луқмадан эт пайдо бўлса, унинг гуноҳларга мойиллиги ортиб, тоатларга рағбати камаяди. Валлоҳу аълам!

Муҳаммад Айюб ҲОМИДОВ

Published in Мақолалар