Қуйида келтириладиган фикрлар, ҳикматлар ижтимоий тармоқлардаги турли саҳифалардан олиб таржима қилинган. Бундан ташқари саҳобаи киромлар, улуғ олимлар, Яқин Шарқ, Осиё, Европа ва Америка мутафаккирларининг бир қатор фикрлари ҳам берилган.
*****
Руҳ Маккага интилади. Бурун Макканинг ҳидларини қўмсайди. Қулоқ Макканинг азонини истайди. Қалб Маккадаги намозни хоҳлайди. Кўз Маккадаги кўзёшига ошиқади. Бадан Маккадаги замзамга талпинади. Эй Роббим, бизни Маккага қайта-қайта боришимизни насиб эт!
“Ҳикматлар ва фикрлар”
*****
Бир хил яшаётган йилингни 75 марта такрорлаб, шуни “ҳаёт” деб ҳисобламагин.
“Тарих муҳрлаган сўзлар”
*****
Ташқи кўринишларга қараб мақтайдиганларга эслатиб қўйинг: “Дунёдаги энг кичкина қуш – колибри дунёдаги энг катта қуш – туяқушдан анча баланд уча олади”.
“Тарих муҳрлаган сўзлар”
*****
Очлик, кам уйқу ва аҳмоқлар билан гаплашиш ғазабни қўзғовчи сабаблардандир.
“Тарих муҳрлаган сўзлар”
*****
Поклик жуда гўзал нарса. Лекин шу поклик ақлларимизда (ниятларимизда) бўлганида, янада гўзалроқ бўларди.
“Тарих муҳрлаган сўзлар”
*****
Ақл ўсиб, зиёдалашиб боргани сари узлатга, ёлғизликка мойиллик ҳам кўпайиб борар экан.
“Тарих муҳрлаган сўзлар”
*****
Бузғунчини бузғунчи ҳимоя қилади. Муваффақиятсизликка учраганни худди шундай иши юришмаган ҳимоя қилади. Озодликни озод инсонлар ҳимоя қилади. Орамиздаги ҳар бир одам нимани ҳимоя қилишини яхши билади.
“Тарих муҳрлаган сўзлар”
*****
Рост гапириш баъзиларнинг ғазабини қўзғаётганини кўрганимда жим туриш “ҳикмат” эканини ўргандим.
“Фикр дурдоналари”
*****
Интернет материалларидан тўплаб, таржима қилувчи
Нозимжон Иминжонов
