Ислом дини бизгача етиб келгунига қадар жуда кўп уламолар, аҳли илмлар хизмат қилишган. Маълумки, Қуръони Карим устоздан шогирдга оғизма оғиз ўтиши орқали етиб келган. Шунингдек, ҳадислар ҳам устоз-шогирд анъанасига мувофиқ бизгача етиб келган. Ҳадис илмида мусулмонларнинг имоми, муҳаддисларнинг султони деб аталган бобомиз Имом Бухорий раҳимаҳуллоҳ ҳам устозлари орқали Набий соллаллоҳу алайҳи васалламга туташадилар. Бобомизнинг илмда Пайғамбаримиз соллаллоҳу алайҳи васалламгача етиб боришлари ушбу кўринишда ҳам бўлган:
Имом Муслим раҳимаҳуллоҳ Имом Бухорий раҳимаҳуллоҳнинг шогирди.
Имом Бухорий раҳимаҳуллоҳ Имом Аҳмад раҳимаҳуллоҳнинг шогирди.
Имом Аҳмад раҳимаҳуллоҳ Имом Шофеий раҳимаҳуллоҳнинг шогирди.
Имом Шофеий раҳимаҳуллоҳ Имом Молик раҳимаҳуллоҳнинг шогирди.
Имом Молик раҳимаҳуллоҳ Абдуллоҳ ибн Умар розияллоҳу анҳунинг мавлолари Нофеъ Маданий раҳимаҳуллоҳнинг шогирди.
Нофеъ Маданий раҳимаҳуллоҳ Имом Аъраж раҳимаҳуллоҳнинг шогирди.
Имом Аъраж раҳимаҳуллоҳ Абу Ҳурайра розияллоҳу анҳунинг шогирди.
Абу Ҳурайра розияллоҳу анҳу Расулуллоҳ соллаллоҳу алайҳи васалламнинг саҳобалари, шогирдларидир.
Демак, бобомиз Имом Бухорий раҳимаҳуллоҳ олтита устоздан сўнг Расулуллоҳ соллаллоҳу алайҳи васаллам билан боғланяптилар.
Аллоҳ таоло Динимиз йўлида хизмат қилиб ўтган ва ҳозирда хизмат қилаётган барча уламолар, илм аҳлларини икки дунё саодатига эриштирсин!
Интернет маълумотлари асосида Нозимжон Ҳошимжон тайёрлади
