Диннинг яратувчилик, бунёдкорлик, уюштирувчилик ва йўналтирувчилик салоҳияти ҳамиша жамият ривожи, инсон камолотига хизмат қилган. Биринчи президентимиз Ислом Каримов “Юксак маънавият – енгилмас куч” асарида: “Бугунги кунда ёшларимиз нафақат ўқув даргоҳларида, балки радио-телевидения, матбуот, интернет каби воситалар орқали ҳам ранг-баранг ахборот ва маълумотларни олмоқда. Жаҳон ахборот майдони тобора кенгайиб бораётган шундай бир шароитда болаларимизнинг онгини фақат ўраб-чирмаб, уни ўқима, буни кўрма деб бир томонлама тарбия бериш уларнинг атрофини темир девор билан ўраб олиш, ҳеч шубҳасиз, замоннинг талабига ҳам, бизнинг эзгу мақсад-муддаоларимизга ҳам тўғри келмайди. Нега деганда, биз юртимизда очиқ ва эркин демократик жамият қуриш вазифасини ўз олдимизга қатъий мақсад қилиб қўйганмиз ва бу йўлдан ҳеч қачон қайтмаймиз”, деб таъкидлаган эди.
Ёшларнинг интернетдан унумли фойдаланиши таъминлаш ҳар бир ота-она. устоз ёки тарбиячининг бурчидир. Бу ҳақда марҳум Биринчи президентимиз шундай деган эди: “Тўғрисини айтадиган бўлсак, ёшлар бугун ахборот ва маълумотларни асосан интернет орқали олаяпти, дунёни телевидение ва компютер орқали танияпти. Ота-онаси, ўқитувчилари минг тарғиб-ташвиқ қилмасин, бугунги ёшлар “Ўткан кунлар”, “Уруш ва тинчлик” каби мумтоз романларни ёппасига ўқияпти, деб айта оламизми? Модомики, шундай экан, энди одамлар, ёшлар китоб ўқимай қўйди, деб фақат нолиб ўтирмасдан, ана шу таъсирчан замонавий ахборот воситалари орқали адабиётимизни кенг тарғиб этиш, хусусан, интернет имкониятларидан фойдаланиб, етук бадиий асарларни ёшларга етказиш устида ҳам жиддий бош қотириш зарур, деб ўйлайман”.
Хулоса қилиб айтганда, ёшларни ёт таъсирларга берилиб кетишдан асраш учун уларда соф исломий кўникма ҳосил қилишга ҳаракат қилиш, Қуръони карим хулқи билан хулқлантириш, Пайғамбаримиз соллаллоҳу алайҳи васалламнинг суннатларини чуқур ўрганиб, ҳаётга татбиқ қила билиш, аждодларимизнинг бизгача қолдириб кетган асарларидан, уларнинг ҳаётларидан ибрат олиш зарур омиллар ҳисобланади.
Саҳобахон МУҲАММАДОДИЛОВА,
Хадичаи Кубро аёл-қизлар ислом билим юрти талабаси
