Бугун, 6 июнь куни аср намозидан сўнг Мадинаи мунавварада ибодат ва зиёратларни адо этаётган ўзбекистонлик ҳожиларнинг дастлабки гуруҳлари умра ниятида оппоқ эҳромда замонавий автобусларда Маккаи мукаррамага йўл олади.

Таъкидлаш жоиз, “Ҳаж – 2023” мавсумида зиёратчилармизга намунали хизмат кўрсатиш ва ҳаж ибодатларини гўзал адо қилишлари учун айни кунларда Ишчи гуруҳи томонидан Макка шаҳрида ҳам жорий мавсумга кенг кўламли тайёргарлик ишлари амалга оширилмоқда. 

Айни пайтда мазкур вакилларимиз томонидан Ўзбекистон зиёратчилари истиқомат қилиши режалаштирилган Макка шаҳридаги “Roshidiya”, “Abraj al-Dana”, “Laba Darna”, “Ruba al-Hijaz” меҳмонхоналари тўлиқ кўздан кечирилди. Хусусан, ҳар бир хона замонавий мебел ва қурулмалар билан жиҳозланганлиги, ювиниш хонасидаги шароитлар, қибла кўрсаткичи, жойнамоз, Қуръони карим борлигига алоҳида эътибор қаратилди.

Маълумот учун, муқаддас икки шаҳарнинг ораси 460 километрни ташкил этади. Ушбу масофа замонавий автобусларда ўртача тезликда 5-6 соатда босиб ўтилади. Аммо эҳром боғлаб, Зул-Ҳулайфада умрага ният қилган, тилидан “лаббайка” тушмаган ҳожиларимизга йўл олислиги ва Маккаи мукаррама шаҳрига етиб борганларини сезмай ҳам қолишади, иншоАллоҳ. 

Аллоҳ таоло Маккаи мукаррамага отланган юртдошларимизнинг сафарларини муборак қилсин, Байтуллоҳ ёнида дуо қилишни барчамизга насиб этсин!

Ҳаж сафари билан боғлиқ сўнгги янгиликларни каналимизда биринчилардан бўлиб хабардор бўлинг!

Ўзбекистон мусулмонлари идораси
Матбуот хизмати

Расул алайҳиссалом шаҳрида  бўлиб турган бўлажак ҳожилар ибодат ва зиёратларни давом эттирмоқдалар

 Шу йил 5 июнь куни ҳамюртларимиз Ишчи гуруҳи томонидан ташкиллаштирилган ҳолда Равзаи шариф зиёратига олиб чиқилди. Улар “Масжидун Набавий”да жаннат боғларидан бир боғ – равзада Ҳабибимизга салавот ва саломлар йўлладилар, намоз ўқиб, юрт тинчлиги, халқимиз фаровонлиги учун дуолар қиладилар.

Равза - Набий алайҳиссалом дафн этилган ҳужраи саодат билан минбар орасида жойлашган. Бу ҳақда Пайғамбаримиз соллаллоҳу алайҳи васаллам: “Уйим билан минбарим орасида жаннат боғларидан бир боғ бор”, деганлар.
Айрим уламолар “бу жой охиратда яна жаннатга қайтарилади” деб айтганлар.

Расулуллоҳ соллаллоҳу алайҳи васалламгa caлoм бepиш ажру савоби улуғ ишдир. Бу ҳақда Пайғамбаримиз алайҳиссалом: “Биpop киши мeнгa caлoм бepca, aлбaттa, Aллoҳ мeнинг pyҳимни қaйтapиб бepaди вa мeн ўшa oдaмнинг caлoмигa aлик oлaмaн”, дeганлар (Имом Абу Довуд ривояти).

 Аллоҳ таоло ҳаж ибодатига отланган барча юртдошларимизнинг ибодатларини қабул, дуоларини эса ижобат айласин!

Ўзбекистон мусулмонлари идораси Матбуот хизмати 

#haj2023
Muslim.uz | https://taplink.cc/muslimuz
@muslimuzportal | @Muftiy_Nuriddin_domla |
@mp3muslim | @diniysavollar

Ҳамюртларимиз муборак заминдаги ҳар бир онлари мазмунли ўтиши, улуғ кунларнинг ҳар бир сонияси унумли бўлиши ва улкан ажр-савобларга ноил бўлишлари учун “Ҳаж – 2023” ишчи гуруҳи туну кун меҳнат қилмоқда.

 Айни кунларда зиёратчиларимиз Мадина шаҳридаги Zamzam Pullman меҳмонасида истиқомат қилмоқдалар. Ушбу меҳмонхона Масжиди Набавийнинг шундоққина ёнгинасида бўлиб, зиёратчиларимиз беш маҳал намозни ушбу табаррук масжидда адо этиш, Расул алайҳиссаломга салом йўллаш ва Равзаи шарифда намоз ўқиш саодатига эришмоқдалар.

Меҳмонхонада ҳозирланган шароитлар барча ҳожиларимизни мамнун этмоқда. Ҳар бир хонада кийим жавони, ёзув столи, совутгич ва музлатгич ҳам ҳозирланган. Шунингдек, қибла кўрсаткичи, жойнамоз, Қуръони карим ва телевизор ҳам мавжуд.
Бир неча юз кишилик ошхонада ибодатга қувват бўладиган уч маҳал лазиз таомлар, сархил мевалар, ширинликлару шарбатлар тортиқ қилинмоқда.

Меҳмонхонада тиббий марказ ва Ўзбекистон ишчи гуруҳи штаби ташкил этилган бўлиб, шифокор ва масъуллар 24 соат давомида узлуксиз зиёратчилар хизматида бўлмоқда.

Ўзбекистон мусулмонлари идораси Матбуот хизмати 

Muslim.uz | https://taplink.cc/muslimuz
@muslimuzportal | @Muftiy_Nuriddin_domla |
@mp3muslim | @diniysavollar

#ҳаж_2023
#но_cоммент
Youtube (https://www.youtube.com/c/Muslimuzz/featured)  | Tas-ix (https://mover.uz/watch/fAxBXRZ) |  Facebook (https://www.facebook.com/muslimuzportal) | Instagram

(https://www.instagram.com/muslimuzportali/)Ўзбекистон мусулмонлари идораси Матбуот хизмати
Muslim.uz
@muslimuzportal | @mp3muslim | @diniysavollar

 Расулуллоҳ соллаллоҳу алайҳи васаллам: “Уйим билан минбарим орасида жаннат равзаларидан бир равза бор”, деганлар (Имом Бухорий ривояти).

 Равза — боғ деган маънони билдиради.
 Уламолар бу жой раҳматнинг тушиши, зикр, ибодат ва тиловат сабабли бахт-саодатнинг ҳосил бўлишида худди жаннат боғига ўхшайди, деб таъриф берганлар.

Youtube (https://www.youtube.com/c/Muslimuzz/featured) | Tas-ix (https://mover.uz/watch/fAxBXRZ) | Facebook (https://www.facebook.com/muslimuzportal) | Instagram

(https://www.instagram.com/muslimuzportali/)Ўзбекистон мусулмонлари идораси Матбуот хизмати
Muslim.uz
@muslimuzportal | @mp3muslim | @diniysavollar