Ўзбекистон мусулмонлари идораси Фатво маркази катта уламоси Муҳаммад Айюбхон домла Канаданинг Торонто шаҳрига қилган сафарининг илк кунидаёқ ватандошлар иштирокида Саеда Кҳадижа Ислом марказида Рамазон ойининг афзалликлари ва бу фазилатли ойда бажариладиган амаллар ҳамда мусофирчиликда динимиз арконларига амал қилиш, қадриятларимизни сақлаб қолиш ва дин йўлида ўзаро бирдам бўлиш ва унга холис хизмат қилиш каби долзарб мавзуларда илмий суҳбат қилиб бердилар.

Шунингдек, ватандошларни қизиқтирган саволларга оят, ҳадис ва уламолар ижмоси, фикр-мулоҳазалари асосида жавоблар тақдим этилди.

Ташриф давомида устоз Муҳаммад Айюбхон домла мазкур нуфузли масжид бош имоми ва Канада Имомлар кенгашининг собиқ президенти Др. Ҳамид Слими ва масжид ходимлари билан учрашди. Унда Ўзбекистонга Ислом кириб келиши тарихи, диёримиздан етишиб чиққан уламолар қолдирган улкан мероси ҳақида ўзаро мулоқот қилди.

Шундан сўнг барча тадбир иштирокчилари биргаликда ифторлик қилишди.

Хуфтон ва таровеҳ намозида қатнашган минглаб иштирокчиларга ватанимиз ҳақида АҚШдаги Ўзбекистон Элчихонаси мутасаддилари томонидан батафсил маълумотлар берилди.

Ўзбекистон мусулмонлари идораси
Матбуот хизмати

Аввал хабар берганимиздек, айни пайтда юртимизнинг бир гуруҳ воиз уламолари Рамазон ойи муносабати билан Сурхондарё вилоятидаги масжидларга ташриф буюриб, ҳудуддаги мўмин-мусулмонларга улуғ ой фазилати ҳақида туркум суҳбатлар қилиб беришмоқда.

Ана шундай суҳбатларнинг навбатдагиси Тошкент шаҳар “Абдулҳамид ҳожи” масжиди имом-хатиби Жамолиддин домла Азимов иштирокида Қумқўрғон туманидаги “Шоҳ Машраб” масжидида, Тошкент шаҳар “Ҳазрати Имом” масжиди имом-хатиби Ҳабибуллоҳ домла Абдураззоқов томонидан Олтинсой туманидаги “Аҳадхон” жомесида, Тошкент шаҳар “Қўшқўрғон” масжиди имом-хатиби Ўктам домла Маҳкамов иштирокида Денов туманидаги “Умари Одил” масжидида ва Тошкент шаҳар “Гўзал” масжиди имом-хатиби Равшанбой домла Раимқулов томонидан Узун тумани “Домулло Айниддин” жомесида бўлиб ўтди.

Уламолар мазкур жоме масжидларда намозхонларга “Рамазон – Қуръон ойи” мавзусида суҳбат қилишиб, жумладан, Ҳақ таоло Ўзининг каломи бўлган Қуръони каримни, инсонлар учун ҳидоят маёғи ҳамда дастурул амал бўлган манбани нозил қилиш учун айнан Рамазонни танлагани, шунинг учун Рамазон Қуръон ойи, Каломуллоҳ нозил бўлган ой дейилиши, Қуръони каримни тиловат қилишнинг фазилатлари ҳақида оят, ҳадис ва уламолар фикрлари асосида гўзал мавъиза қилиб бердилар.

Дарҳақиққат, Рамазон ойида қадимдан мўмин-мусулмонлар Қуръони каримни тиловат қилиш, ўқиб-ўрганиш ҳамда эшитишга алоҳида бел боғлардилар. Рамазон ойи чинакамига ўқиш, ўрганиш ойига айланар эди. Чунки бу савобли амални Расулуллоҳ саллаллоҳу алайҳи васаллам бошлиқ саҳобалар ва кейинги ислом уммати жорий қилган.

Ҳақ таоло Қуръони каримда бундай марҳамат қилади: “Рамазон ойи – одамлар учун ҳидоят (манбаи) ва тўғри йўл ҳамда ажрим этувчи ҳужжатлардан иборат Қуръон нозил қилинган ойдир” (Бақара сураси, 185-оят). Бошқа бир оятда Қуръони каримни Рамазон ойининг қайси кечасида нозил бўлгани ҳақида бундай дейилади: “Албатта, Биз у (Қуръон)ни Қадр кечасида нозил қилдик” (Қадр сураси, 1-оят).

Демак, Рамазон ойида қилинган битта яхши амалга кўплаб савоб берилишини ҳисобга олсак, бир ойгина меҳмон бўлиб турган Рамазон ойини Қуръон тиловати каби улуғ ишлар билан безаш лозим бўлади.
Улуғ айём кунлари воҳа аҳлини шод қилаётган уламолар ташрифи ва манфаатли суҳбатлар давом этмоқда.

Тафсилотларни сайт ва ижтимоий тармоқларимизда кузатиб боринг.

Ўзбекистон мусулмонлари идораси Матбуот хизмати

ЖАННАТ ДАРВОЗАСИ (1-қисм)

?Муфтий Нуриддин домла
? #ЖАННАТ_СИЗГА_МУБОРАК!

Муфтий ҳазратларининг ижтимоий тармоқлардаги каналлари ⬇️
Telegram (https://t.me/+ZgkOZopwJwc3ZWEy) |
Youtube (https://www.youtube.com/@muftiynuriddindomla) |
Instagram (https://www.instagram.com/muftiynuriddindomla) |
Facebook (https://www.facebook.com/muftiynuriddindomla) |
Twitter (https://twitter.com/MuftiyNuriddin)

Миқдом ибн Маъдийкариб розияллоҳу анҳудан ривоят қилинади:

Набий соллаллоҳу алайҳи васаллам дедилар:

“Одам боласи тўлдирадиган идишларнинг энг ёмони қориндир. Одам боласига қаддини тутадиган (даражадаги) емаклар кифоядир. Агар жуда лозим бўлса, таоми учун учдан бир, шароби учун учдан бир ва нафаси учун учдан бир (жой қолсин)”.

Рамазон тарбия ойидир. Айниқса, нафс тарбияси муҳим омилдир. Банда Рамазондан ҳам жисман, ҳам руҳан покланиб чиқмас экан, мақсад ҳосил бўлмабди, рўза тутишдан кўзланган мақсадга эришмабди.
Рўзадан мурод – нафсни тарбиялаш ва тавбадир. Рўзадан мурод руҳан покланмоқдир. Қалбни поклаб, уни зикр-истиғфор ва ибодатлар билан сайқаллаш, нафсни эгиб тарбия қилмоқдир. Афсуски, Рамазон бизлар учун, гўё, емоқ ойига айланиб қолди. Тўғри, ифторлик қилиб бериш – савобли амал. Бу – ўз йўлида. Лекин Рамазон саҳарлик ва ифторликдангина иборат эмас. Ифторлик ва саҳарликлардан мурод суннат эканлигини ёдда тутишимиз, унга бериладиган савобдан умидвор ҳолда бўлмоғимиз даркор. Рўзадор учун муҳим бўлган масала рўзадан мақсаддир ва шу мақсадни унутмаслик ва англаб олиш муҳимдир.
Рамазон – тақво ойи. Рамазон – ҳам руҳан, ҳам жисман парҳез ойи. Рамазон нафс тарбияси ойидир. Рамазон – мурувват, меҳр-оқибат ойи. Ибодат ойи. Охират учун зодироҳила йиғиш ойидир. Имконни қўлдан бой бермайлик!

Абдураҳмон домла Артиқов.
Андижон шаҳар "Уйғур" жоме масжиди имом-хатиби.