2023 йил 16 март куни Хоразм вилоятидаги “Имом Фахриддин ар-Розий” ўрта махсус ислом таълим муассасасила бўлиб ўтган “Жаҳолатга қарши маърифат” интеллектуал беллашувида талабалар “Таништирув”, “Савол-жавоб”, “Ижодий ёндашув” ва “Сарҳисоб”дан иборат тўрт шарт асосида бўлиб ўтди.

Ушбу шартларда муносиб иштирок этиб, интеллектуал беллашувда фахрли ўринни эгаллаб, ғолибликни қўлга киритган жамоалар ҳамда турли номинациялар бўйича жамоаларни Ўзбекистон мусулмонлари идораси ва “Вақф” хайрия жамоат фонди томонидан тақдим этилган қимматбаҳо совғалар ва фахрий ёрлиқлар топширилди.
Хусусан:
Фахрли 1-ўринни эгаллаган “Хадичаи Кубро” аёл-қизлар ўрта махсус ислом таълим муассасаси жамоасига биринчи даражали диплом ва Замонавий смарт доска (65 ҳажмда);
2-ўринни эгаллаган Имом Бухорий номли Тошкент ислом институти жамоасига иккинчи даражали диплом ва Музлатгич;
3-ўринни эгаллаган “Кўкалдош” ўрта махсус ислом таълим муассасаси жамоаси учинчи даражали диплом ва Кир ювуш машинаси (автомат)га эга бўлдилар.
Шунингдек, фахрли ўринни эгаллай олмаган иштирокчи жамоалар Ўзбекистон мусулмонлари идораси ва “Вақф” хайрия жамоат фонди, Ўзбекистон мусулмонлари идорасининг фахрий ёрлиғи, Ўзбекистон мусулмонлари идорасининг Хоразм вилоятидаги вакиллиги ҳамда ҳомийлар томонидан тайёрланган махсус совғалар билан тақдирланади.

Президент Шавкат Мирзиёев 10 март куни қурилиш лойиҳалари тақдимоти билан танишди. Бу ҳақда Президент матбуот хизмати хабар қилди.

Мамлакатимиз тараққиёти ва ҳаёт талаби билан бунёдкорлик кўлами ортмоқда. Айниқса, Тошкент шаҳрида жуда кўп ижтимоий-иқтисодий иншоотлар қурилди. Давлатимиз раҳбари бу масалани алоҳида эътиборга олиб, пойтахтнинг меъморий қиёфасини сақлаб қолиш, келгусидаги қурилишларни шаҳар ташқарисида қилиш вазифасини қўйган эди.

Шунга мувофиқ, Янги Тошкент шаҳарчаси лойиҳаси ишлаб чиқилмоқда. Тақдимотда Президентимизга шу ҳақида ахборот берилди.

Унга кўра, биринчи босқичда 6 минг гектарда бунёдкорлик қилиш режалаштирилган. Шундан келиб чиқиб, истиқболли қурилиш ҳудудлари, янги шаҳар билан пойтахтни бирлаштирувчи асосий йўллар схемалари ишлаб чиқилган.

Шаҳарча янги маъмурий ва иқтисодий марказ бўлади. Пойтахтимизнинг шарқий қисмида, Юқори Чирчиқ ва Ўрта Чирчиқ туманлари ҳудудида барпо этилади. 800 минг аҳолига мўлжалланган бўлади.

У ерда вазирлик ва идоралар, олий таълим муассасалари, соғлиқни сақлаш ташкилотлари, театр, кутубхона, меҳмонхоналар, турар жой бинолари, боғлар ўрин олади. Хусусан, яшил ҳудудлар 363 гектарни ташкил қилиши кўзда тутилган.

Маълумки, Самарқанд вилоятида Имом Бухорий мажмуаси янгидан барпо этилмоқда. Бугунги кунда бинолар қуриб битказилиб, пардозлаш ишлари олиб борилмоқда. Мажмуа деворлари миллий нақшлар билан сайқалланади, наққошлик ва хаттотлик санъати уйғунлашади. Унинг деворларига қадимий услубда Қуръони карим суралари ва ҳадислар ёзилади.

Президентимиз ташаббуси билан мажмуада Имом Бухорий музейи ҳам ташкил этилиши режалаштирилган. Тадбирда ушбу музейнинг концептуал лойиҳаси тақдимоти ҳам ўтказилди.

Музей бой маданий қадриятларимизни ўзида жам қилиш баробарида замонавий дизайнга эга бўлади. 8 та павильон, хусусан, Муҳаммад алайҳиссалом ва нубувват тарихи, ҳадис илмининг пайдо бўлиши ва ривожланиши, Имом Бухорийнинг ҳаёти ва илмий фаолияти, Имом Бухорий фазилатлари, болалар бўлими, “Ал-жоме ас-саҳиҳ” - ислом динининг иккинчи манбаси, Имом Бухорий меросининг бугунги кундаги аҳамияти, Янги Ўзбекистонда диний-маърифий ислоҳотлар ва Имом Бухорий меросига эътибор каби мавзуларга бўлинади.

Давлатимиз раҳбари музейдан ўрин олган ҳар бир ашё ва визуал маълумот зиёратчиларга маърифат етказиши кераклигини алоҳида қайд этди.

Мамлакатимизда бизнес муҳит яхшилангани сари ташқи савдо алоқалари ҳам кенгайиб бормоқда. Бунга мутаносиб равишда божхона инфратузилмасини ҳам ривожлантириш зарурати туғилмоқда.

Хусусан, Ўзбекистоннинг Қозоғистон билан чегарадаги “Ғишткўприк” божхона пости орқали ҳар куни кўплаб инсонлар ўтади.

Шу боис мазкур божхона пости учун замонавий мажмуа барпо этиш режалаштирилган. Янги терминал, автомобиль йўли, автотураргоҳ, ошхона, тиббиёт хонаси, савдо ва маиший хизмат шохобчалари барпо этилиши кўзда тутилмоқда.

Президент мажмуада йўловчилар учун барча қулайликларни яратиш, божхона назорати ва юкларни ўтказиш жараёнини рақамлаштириш бўйича кўрсатмалар берди.

Тақдимотда, шунингдек, мамлакатимизнинг Бирлашган Араб Амирликлари ва Озарбайжон Республикасидаги элчихоналарининг янги бинолари лойиҳалари ҳақида ҳам ахборот берилди.

Ўзбекистон мусулмонлари идораси Матбуот хизмати

#Ихтилоф_ва_ечимлар
Ўзбекистон мусулмонлари идораси раиси, муфтий Нуриддин домла ҳазратлари томонидан кўп баҳс-мунозаларга сабаб бўлаётган, эътиқодимизга салбий таъсир кўрсатаётган ва ёшларни тўғри йўлдан адаштираётган таҳдидларнинг олдини олиш мақсадида, “Ихтилофлар ва ечимлар” номли туркум суҳбатларни эълон қилиш мақсад қилинди.
Мана шундай суҳбатларнинг илк мавзуси “Мазҳабга эргашишнинг зарурати ва фойдалари” деб номланиб, ҳозирги кунда халқимиз мазҳабга эргашиши муҳимлиги, фойдалари ва аксинча мазҳабсизлик зарарлари тўғрисидаги сўз юритилади.
Унда мазҳабга амал қилмайдиган ва унга эргашувчиларни менсимайдиган ёшларга панду насиҳатлар қилинади. Масжидларда айримларнинг ноодатий шаклда намоз ўқиши иккиланиш ва бўлинишларга сабаб бўлаётгани афсус билан қайд этилади. Бундай вазиятда бир мазҳабга эргашиш, масжид имомига иқтидо қилиш ва турфа хилликнинг олдини олиш энг тўғри йўл экани таъкидланади.
Азалдан диёримизда Ҳанафий мазҳабига амал қилингани, асрлар давомида ихтилоф бўлмагани ва бундай муаммоларнинг ечимлари ҳужжат-далиллар асосида баён этилади.
Аллоҳ таоло ушбу лойиҳани мўмин-мусулмонларга фойдали қилиб, муваффақият ато этсин.

Youtube (https://www.youtube.com/@Muslimuzz/videos) | Tas-ix (https://mover.uz/channel/muslimuz) | Facebook (https://www.facebook.com/muslimuzportal) | Instagram

(https://www.instagram.com/muslimuzportali/)Ўзбекистон мусулмонлари идораси Матбуот хизмати
Muslim.uz
@muslimuzportal | @mp3muslim | @diniysavollar

Шу йил 2 март куни Ўзбекистон мусулмонлари идораси раиси, муфтий Нуриддин домла ҳазратлари ва Дин ишлари бўйича қўмита раиси Содиқжон Тошбоев Саудия Арабистонининг Ўзбекистондаги элчиси Юсуф бин Солиҳ ал-Утайбийни қабул қилдилар.
Учрашувда икки мамлакат ўртасидаги ҳамкорлик алоқаларини янада ривожлантириш, ҳаж ва умра зиёратчиларига хизмат кўрсатиш сифатини юқори даражага кўтариш ҳамда мўмин-мусулмонларимиз ибодат қилишлари учун муносиб шароитлар ҳозирлаш масалалари муҳокама қилинди.
Шунингдек, зиёратчиларга енгиллик ва қулайликлар яратиш борасида замонавий дастурлар ва инновацион лойиҳалардан унумли фойдаланиш имкониятлари ҳам кўриб чиқилди. Бу йўналишда жорий йил январь ойида Жидда шаҳрида ўтказилган “Ҳаж” ва “Умра” хизматлари халқаро кўргазма-конференцияси муҳим қадам бўлиб хизмат қилиши эътироф этилди.
Учрашув дўстона ва самимий руҳда ўтди.

Ўзбекистон мусулмонлари идораси Матбуот хизмати

Бугун, 3 март куни Ўзбекистон мусулмонлари идораси раиси, муфтий Нуриддин домла ҳазратлари Тошкент шаҳридаги “Имом Бухорий” жоме масжидида жамоат билан жума намозини адо этдилар.

 Жомеда йиғилган минглаб намозхонлар Муфтий ҳазратларининг Исломда алдов, фирибгарлик, бировнинг ҳаққини ейиш, савдо-сотиқда алдамчилик каби иллатлар қоралангани ҳақидаги фойдали суҳбатларидан баҳраманд бўлдилар.

 Жума намози якунида Муфтий ҳазратлари Ҳақ таолодан юрт тинчлиги, эл фаровонлигини сўраб хайрли дуолар қилдилар.

Ўзбекистон мусулмонлари идораси Матбуот хизмати
Muslim.uz | https://taplink.cc/muslimuz
@muslimuzportal | @diniysavollar

#Муфтий #жума #намоз