muslim.uz

muslim.uz

Ўтган ҳафтада диний-маърифий соҳада рўй берган муҳим хабарларнинг қисқача тафсилоти 

Шу йил 28 ноябрь куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Ислом илмлари халқаро университети, ҳанафий фиқҳи факультети мудири, доктор Салоҳ Муҳаммад Солим Абул Ҳож ҳазратларини қабул қилдилар.


Файзли суҳбат чоғида Шайх Нуриддин Холиқназар ҳазратлари меҳмонни юртимизга ташрифи ва халқаро анжуманлардаги фаол иштироки учун миннатдорлик билдирдилар. Шунингдек, ушбу олимнинг Ислом ақидаси ва Ҳанафий фиқҳини муҳофаза қилишдаги хизматларини юқори баҳоладилар.
Доктор Салоҳ Муҳаммад Солим Абул Ҳож ҳазратларини ўз сўзида қўйидаги жумлаларни келтирди:
Ўзбекистон мусулмонлари идораси ҳузуридаги Фатво марказининг фаолияти ниҳоятда қувонарли ҳолат. Ҳатто, Араб мамлакатларида ҳам бундай улкан фатво маркази мавжуд эмас. Ушбу марказдаги фатволарни электрон, овозли, ёзма, видео тарзда бериш, фуқаролардан келаётган саволларга тезкор жавоб бериш масаласида қилинаётган ишларни таҳсинга сазовор деб биламан. Бу каби ислоҳотларни кўплаб мусулмон мамкалатларига намуна ўлароқ тарғиб қилса арзийди деб ҳисоблайман.


Дарҳақиқат, бизни юртларимиз ҳам Ҳанафий мазҳабида қолишлиги, атрофимизда бир неча мазҳаблар бўлишига қарамай бизнинг юртларда ҳанафий мазҳабини кенг тарқалиши сабаблари Самарқанд ва Бухоро уламоларининг ўрни беқиёс. Албатта улар бизнинг юртларга илм излаб келиб, олимлик даражаларига етиб, бизларга, бизнинг халқларга турли шариат фанларидан дарс бериб, бизларни айнан мазҳабимизда қолишга ва соғлом ақидада бўлишимизга катта хизмат қилганлар.


Бугун ёшларимизни соғлом эътиқодда тарбиялаш, уларни турли бузғунчи оқимларга кириб кетишининг олдини олиш жуда муҳим вазифалардан ҳисобланади. Мен ишлайдиган Иордани ислом илмлари университети давлат таълим даргоҳи ҳисобланиб, дарслар Ҳанафий мазҳаби асосида олиб борилади. Бу Иордания Ҳошимийлар оиласи тасарруфидаги таълим даргоҳи ҳисобланади. Бу университетда 62 та давлатдан келиб таҳсил олаётган толиби илмлар бўлиб, улар шариат факультетида, ҳудди Тошкент ислом институти ва мадрасаларда таълим берилаётган фиқх, калом каби фанлардан таълим оладилар, деб ўз сўзини ниҳоялади.


Учрашув дўстона ва самимий руҳда ўтди.

Ўзбекистон мусулмонлари идораси Матбуот хизмати

mardi, 28 novembre 2023 00:00

Обуна бўлинг!

Азиз юртдошлар!

Ўзбекистон мусулмонлари идорасининг сиз севган нашрлари – “Ҳидоят”, “Мўминалар” журналлари, “Ислом нури” газетаси ва қорақалпоқ тилидаги “Ҳидаят” журнали, “Ислам нуры” газетаси йилдан-йилга мазмунан бой, шаклан чиройли бўлиб, обуначилари сони тобора кўпайиб бормоқда.

2024 йилда ҳам “Тафсир”, “Ҳадис шарҳи”, “Сўраган эдингиз...”, “Ақида”, “Яхшиликка чақириш”, “Ёмонликдан қайтариш”, “Саҳобалар ҳаёти”, “Мусулмон одоби”, “Огоҳлик”, “Ўзбекистон уламолари”, “Масжидларимиз”, “Имомларимиз” каби рукнлар остида турли масалалар баёни, қизиқарли, таъсирчан мақолалар, суҳбатлар, фотолавҳалар мунтазам ёритилади.


Азизлар! “Маърифат улашиш – энг эзгу амал” шиорини маҳкам тутайлик. Ўзингизни, оила аъзоларингизни, дўстларингизни илм-маърифат нуридан бебаҳра қолдирманг! Нашрларимизга обуна бўлинг!

(71) 240 08 23

Обуна бўлиш учун

Ёки ўзингизга яқин бўлган масжидга мурожаат қилинг!

Наманган вилояти вакиллиги матбуот хизмати

Бугун, 27 ноябрь куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Қозоғистон мусулмонлари идораси раиси, бош муфтий Наврўзбай ҳожи Тағанули жаноблари билан учрашув ўтказдилар.


Самимий мулоқот чоғида Шайх Нуриддин Холиқназар ҳазратлари Қозоғистон бош муфтийси Наврўзбай ҳожи жанобларига Тошкент, Бухоро шаҳарларидаги нуфузли тадбирлар ва халқаро конференцияларда фаол иштироклари учун ташаккур айтиб, қозоғистонлик уламоларнинг халқаро форумдаги чиқишларини юқори баҳоладилар. Ўз навбатида Қозоғистон бош муфтийси самимий таклиф, хайрли дуо ва тилаклар учун миннатдорлик билдириб, муваффақиятлар тилади.


Учрашувда Ўзбекистон билан Қозоғистон ўртасидаги ҳамкорлик диний-маърифий жабҳада ҳам изчил ривожланиб, халқларимиз ўртасидаги биродарликни янада мустаҳкамланиб бораётгани, икки давлат раҳбарларининг оқилона сиёсати туфайли ўзаро муносабатлар янги босқичга кўтарилгани ҳам алоҳида таъкидланди.


Мулоқотда Ўзбекистон томонининг Туркий давлатлар ташкилоти мусулмон диний идоралар раҳбарлари кенгаши ҳузурида Фатво ҳайъатини тузиш таклифининг амалий аҳамияти жуда юқори эканига урғу қаратилди. Мазкур ҳайъат глобал масалалардаги фатволар лойиҳасини ишлаб чиқиш, фатво идоралари фаолиятини мувофиқлаштириш каби муҳим вазифалар билан шуғулланиши билан янада аҳамиятли эканига эътибор қаратилди.


Шайх Нуриддин Холиқназар ҳазратлари икки давлат диний идоралари ҳамкорлигида амалга оширилаётган хайрли ишлар, мўмин-мусулмонларнинг диний эҳтиёжларини қондириш, хусусан биргаликда глобал фатволарни ишлаб чиқиш, қардош халқларнинг диний эҳтиёжларини тўғри таъминлаш кабиларга ҳам тўхталдилар.

 

Ўзбекистон мусулмонлари идораси Матбуот хизмати

Page 1 sur 1579

Видеолавҳалар

Top