muslim.uz
Ал-Азҳар университети билан ҳамкорлик ўрнатилади
Ўзбекистон ва Миср Президентларининг кенг доирадаги музокараларида савдо-сотиқ ва инвестиция соҳаларидаги ҳамкорликни ривожлантириш, шу мақсадда мамлакатларимиз имкониятларидан кенг ва самарали фойдаланиш масалалари муҳокама марказида бўлди. Бу ҳақда Ўзбекистон Республикаси Президентининг Матбуот хизмати хабар берди.
Президент Шавкат Мирзиёев икки мамлакат ўртасида савдо-иқтисодий алоқаларни ривожлантириш ва товар айирбошлаш ҳажмини ошириш бўйича катта имконият ва заҳиралар борлигини таъкидлади. Ўзаро савдо учун қулай шарт-шароитлар яратиш, товарлар ва хизматлар экспортини кенгайтириш бўйича истиқболли йўналишларни кўрсатиб ўтди.
Ўзбекистон Миср бозорида талаб юқори бўлган электротехника, машинасозлик, металлургия, кимё ва нефть-кимё, енгил саноат, озиқ-овқат, қишлоқ хўжалиги ва бошқа маҳсулотларни экспорт қилишга тайёрлигини билдирди.
Миср Ўзбекистонга дори-дармон, тиббиёт жиҳозлари, мебеллар, нефть-кимё маҳсулотлари, мармар, тери ва пластик маҳсулотлари етказиб бериш ҳамда хизмат кўрсатиш имкониятларини таклиф қилди.
Бу борадаги лойиҳалар ва уларни амалга ошириш механизмларини муҳокама қилиш учун Савдо-иқтисодий ҳамкорлик бўйича ҳукуматлараро қўшма комиссия ишини фаоллаштириш, Ўзбекистон – Миср ишбилармонлар кенгашини ташкил этишга келишиб олинди. Экспорт қилишда транспорт харажатларини камайтириш чораларини кўриш бўйича мутасаддиларга топшириқлар берилди.
Миср туризм соҳасида катта салоҳият ва тажрибага эга мамлакат. Бугунги кунда Ўзбекистонда ҳам ушбу тармоқ жадал ривожланмоқда. Музокараларда бу соҳадаги алоқаларни кенгайтириш, Ўзбекистондаги қадимий шаҳарлар ва муқаддас қадамжоларни зиёрат қилиш учун Мисрдан келадиган сайёҳларни кўпайтириш мумкинлиги қайд этилди. Тошкент, Қоҳира ва Хургада ўртасида авиақатновларни йўлга қўйиш масаласи муҳокама қилинди.
Маданий-гуманитар соҳадаги ҳамкорлик бўйича ҳам ижобий натижаларга эришилди. Мисрнинг Ал-Азҳар университети ва бошқа илмий-тадқиқот муассасалари билан Ўзбекистон халқаро Ислом академияси, Имом Бухорий халқаро илмий-тадқиқотлар маркази ва Ислом цивилизацияси маркази ўртасида фаол ҳамкорлик ўрнатишга келишиб олинди.
Музокараларда, шунингдек, қишлоқ хўжалиги, таълим, маданият, спорт ва бошқа соҳадардаги ҳамкорлик масалалари муҳокама қилинди.
ЎМИ Матбуот хизмати
Ўзбекистонда Интернетдаги сайтлардан фойдаланишни чеклаш тартиби белгиланди
Янги ҳижрий-қамарий тақвим чоп этилмоқда
Намоз вақтлари тақвимининг 1440 (милодий 2018-19) йил сони нашр этилмоқда.
“Мовароуннаҳр” нашриёти ижодий гуруҳи ушбу тақвимни тайёрлаш жараёнида вақтнинг аниқлигини таъминлаш мақсадида Ўзбекистон мусулмонлари идораси Фатво ҳайъати ва ЎзФА Астрономия институти олимлари ҳамда таниқли уламолар билан ҳамкорликда ишлади.
Тақвимдан Қуръони карим оятлари, ҳадиси шарифлар, буюк уламолар ҳикматлари, ўқувчининг зеҳнига таъсир қиладиган ибратли ҳикоялар ўрин олган.
Тақвимни мўминлар учун бир йиллик қўлланма деса ҳам бўлади. Унда тақвога иштиёқманд мўмин ва мўминалар йил давомида қандай амалларни бажариши, қайси кунларни байрам қилиши, қайси кунларда ибодатга янада ғайратли бўлиши кераклиги ва бошқа фойдали билимлар баён қилинган. Масалан, намоз вақтидаги аниқлик жуда ҳам муҳим. Шунинг учун Ўзбекистон мусулмонлари идораси Фатво ҳайъати тайёрлаган “Намоз вақтлари тақвими” сарлавҳали мақолада “Беш вақт намознинг ҳар бирини улар учун тайин қилинган вақтида ўқиш фарз. Ибн Аббос (розиялллоҳу анҳу) ривоят қилади. Пайғамбар (соллаллоҳу алайҳи ва саллам) бундай деганлар:
“Байтуллоҳнинг ёнида Жаброил фаришта менга икки маротаба имом бўлдилар. Биринчи куни пешин намозини соя оёқ кийимнинг боғичидек бўлганда, яъни жуда қисқарган ҳолатига етган вақтда ўқиб бердилар, аср намозини ҳар бир нарсанинг сояси ўз бўйига тенг бўлганда ўқиб бердилар, шом намозини Қуёш ботиши биланоқ, рўзадорнинг оғиз очиш пайтида ўқиб бердилар. Ундан кейин хуфтон намозини шафақ ғойиб бўлган пайтда ўқиб бердилар. Кейин бомдод намозини тонг ёриша бошлаши билан, рўза тутаётган одам еб-ичиши мумкин бўлмай қолган пайтда ўқиб бердилар. Иккинчи куни пешин намозини ҳар бир нарсанинг сояси ўз бўйига тенг бўлган, кечаги аср намозининг вақтида ўқиб бердилар. Кейин аср намозини ҳар бир нарсанинг сояси ўз бўйига икки баробар бўлганда ўқиб бердилар. Ундан кейин шом намозини кечаги ўқиган вақтида ўқиб бердилар. Ундан кейин хуфтон намозини туннинг учдан бири ўтган пайтда ўқиб бердилар. Кейин бомдод намозини ер ёришганда ўқидилар. Сўнг менга бурилиб: “Мана шу сиздан аввалги пайғамбарларнинг (намоз ўқиган) вақтлари, (сиз ва сизнинг умматларингиз ўқийдиган намозларининг) вақтлари, шу икки вақтнинг ўртасида деб айтдилар” (Имом Термизий ривояти)”, деб Пайғамбар соллаллоҳу алайҳи ва салламнинг намоз вақтларини жуда аниқ кўрсатиб берганларини баён қилинган. Тақвимда ана шунга ўхшаш фойдали билимлар кўп. Уни ўқиганлар албатта фойда олади, иншоаллоҳ.
Янги тақвим яқин кунларда сотувга чиқарилади.
ЎМИ матбуот хизмати
Дунёнинг сув билан ўралган мафтункор масжидлари (фотогалерея)
«Islam-today.ru» денгиз ва океанлар қирғоғида қурилган масжидлар суратлари билан бўлишди.
Ар-Раҳма масжиди (Жидда, Саудия Арабистони)
Фото: «Islam-today.ru»
Ортакой масжиди (Истанбул, Туркия)
Фото: «Islam-today.ru»
Путра масжиди (Путражая, Малайзия)
Фото: «Islam-today.ru»
Ҳасан II масжиди (Касабланка, Марокаш)
Фото: «Islam-today.ru»
Танжонг Бунга сузувчи масжиди (Пенанг, Малайзия)
Фото: «Islam-today.ru»
Султон Умар Али Сайфуддин масжиди (Бандар Сери Бегаван, Бруней Даруссалом)
Фото: «Islam-today.ru»
Малакка бўғози масжиди (Малакка, Малайзия)
Фото: «Islam-today.ru»
Шветзингер масжиди (Баден-Вюртемберг, Германия)
Фото: «Islam-today.ru»
Пучонг Пердана масжиди (Селангор, Малайзия)
Фото: «Islam-today.ru»
Биллур масжид (Куала Теренггану, Малайзия)
Фото: «Islam-today.ru»
Туанку Мизан Зайнул-Абидин (Путражая, Малайзия)
Фото: «Islam-today.ru»
Кота Кинабалу шаҳар масжиди (Сабаҳ, Малайзия)
Фото: «Islam-today.ru»
Тенгку Тенгах Захара масжиди (Теренггану, Малайзия)
Фото: «Islam-today.ru»
Манба: daryo.uz
Пекин ислом уюшмаси раиси ўринбосари Лью Кецзэ бошчилигидаги делегациянинг Диний идорага ташрифи тўғрисида маълумот
2018 йилнинг 5 сентябрь куни Пекин ислом уюшмаси раиси ўринбосари Лью Кецзэ бошчилигидаги делегация Ўзбекистон мусулмонлари идорасига ташриф буюрди. Меҳмонларни Диний идора раиси, муфтий У.Алимов бошчилигидаги бир гуруҳ мутасаддилар кутиб олиб, ўзаро ҳамкорлик қилиш борасида фикр-мулоҳазалар алмашдилар.
Муфтий Усмонхон Алимов ҳазратлари меҳмонларни ташриф билан қутлаб, муҳтарам Президентимиз ташаббуслари билан диний-маърифий соҳани ривожлантириш ва Ислом маърифатини кенг ёйиш борасида қилинаётган ишлар ҳақида гапириб берди. Шунингдек, Диний идора фаолияти, диний таълим муассасалари, Имом Бухорий ва Имом Термизий халқаро илмий-тадқиқот марказлари, жойлардаги калом, ҳадис, фиқҳ, ақида, тасаввуф илмий мактаблари фаолияти ҳақида сўзлаб берди.
Пекин ислом уюшмаси раиси ўринбосари Лью Кецзэ самимий қабул учун миннатдорлик билдириб, делегация таркиби билан таништирди.
- Лью Кецзэ – Пекин ислом уюшмаси раиси ўринбосари;
- Ван Чун Ген – Пекин ислом уюшмаси раиси ўринбосари;
- Ян Гуанцзюн – Пекин ислом уюшмаси раиси ўринбосари;
- Дан Цзифэн – Мусулмонларни дафн маросимларини ўтказиш бўйича Пекин бошқарув бўлими директори;
- Ма Ши Йоу – Дин ишлари бўйича канцелария мудири;
- Ван Цзин – Пекин ислом уюшмаси раиси ўринбосари;
- Лью Йин Ци – Пекин ислом уюшмасининг Бош котиби;
- Ша Ли – Пекин ислом уюшмаси раиси ўринбосари;
– Аввало барчангизга Пекин ислом уюшмаси делегациясини Ўзбекистонга таклиф қилиб, амалий ёрдам берганингиз учун миннатдорчилик билдирамиз.
Биз Сизлардан Давлат ва Дин муносабатларингиздаги тажрибангизни ўрганмоқчимиз. Пекинда 300 мингдан ортқ мусулмон яшайди. Бу мусулмонлар 10 хил майда миллатларга бўлинган.
Хитойда 156 хил миллат истиқомат қилади. Булардан 10 таси мусулмон бўлиб, 20 миллион инсон ислом динига эътиқод қилади.
Пекинда 70 та масжид ва 150 та имом бор.
Пекин ислом уюшмаси асоциациясининг жойларда 10 та филиали мавжуд. Ушбу уюшма мусулмонларга кўмаклашиб, давлатга диний масалаларда ёрдам бериб келади.
Пекин ислом уюшмасииниг бир неча бўлимлари мавжуд. Улар: Халқаро алоқалар бўлими, Маданий ишлар бўйича бўлим, Таълим ва хайрия бўлимлари.
Пекин ислом уюшмаси назорати остида Қуръони Карим тиловти мусобақалари ўтказилиб келинади.
Хитойдан йилига 14 минг нафар мусулмон ҳаж сафарига боради. Ҳаж ишларини ташкил қилишда Хитой ислом уюшмасининг алоҳида ўрни мавжуд.
Пекин ислом уюшмасининг хайрия бўлими мусулмон ва номусулмон инсонларга моддий ёрдам бериш билан шуғулланади.
Маълумки, Ўзбекистон ва Хитой халқлари азалдан ижтимоий-маданий, савдо-сотиқ масалаларида ҳамкорлик қилиб келишган. Буюк ипак йўли орқали икки мамлакат ўртасида амалга оширилган ижобий алоқалар асрлар оша бизни боғлаб келмоқда. Ҳозирда давлатларимиз ўртасидаги алоқаларни ривожланиб бораётгани – бизни янада яқинлаштирмоқда.
У ўз сўзида давом этиб, “Ўзбекистондаги Ислом билан боғлиқ вазиятларни ўрганиб, бу борадаги васатийлик (ўрта йўл)ни тарғиб қилишдаги ўзимизга тажриба олмоқчимиз. Ўзбекистонда бошқа дин вакиллари ҳам мавжуд. Бунда аҳил иноқ, диний бағрикенгликни қандай йўлга қўйгансизлар?”, деб савол берди.
Муфтий Усмонхон Алимов ҳазратлари: “Ўзбекистонда 16 та конфессия давлат рўйхатидан ўтган. Биз бошқа дин вакиллари билан ўзаро байрамларда бир-биримизни муборакбод этамиз. Бизни исломий байрамларимизда улар Диний идорага келиб бизларни табриклайди. Албатта Ислом дини бағрикенг дин” деди.
Биз бир мазҳаб вакилларимиз, дуч келишимиз мумкин бўлган муаммоларимиз ҳам ўхшаш, шунинг учун биз доим Ўзбекистон мусулмонлари идораси билан ҳамкорликка тайёр эканимизни билдирмоқчиман. Ўз навбатида Ўзбекистон мусулмонлари идораси уламоларидан иборат делегацияни Хитой давлатига таклиф этаман ва кенг қамровли алоқаларни бошлаш ҳар томонлама манфаатли бўлишини билдираман. Сўзимнинг якунида бугунги самимий қабул учун барчангизга ўз миннатдорлигимни изҳор қиламан.
Томонлар бир-бирларига эсталик совғалар улашди.
Учрашув дўстона ва самимий руҳда ўтди.
ЎМИ матбуот хизмати
Видеолавҳалар
