Аввал хабар берганимиздек, жорий йилнинг 20 июнидан Ўзбекистон мусулмонлари идораси тасарруфидаги олий ва ўрта махсус ислом таълим муассасаларига 2020-2021 ўқув йили учун абитуриентларнинг ҳужжатларини qabul.muslim.uz портали орқали онлайн қабул қилиш жараёнлари бошланган эди.

Ҳадис илми мактаби олий диний таълим муассасасига ўқиш учун абитуриентларнинг ҳужжатларини қабул қилиш 10 июль куни соат 20:00 га қадар давом этишини маълум қиламиз.

Ҳадис илми мактабининг ушбу ўқув йилдаги абитуриентлар учун қандай имкониятлар мавжуд?

Биринчидан, Ҳадис илми мактабига абитуриентларни ҳужжатларини қабул қилиш муддати бошқа олий диний таълим муассасалари (Тошкент ислом институти ва Мир Араб олий мадрасаси)дан фарқли ўлароқ, 10 кун олдин якунланишини инобатга олиб, Мактаб абитуриентлари жорий йилнинг  15 июлига қадар барча қабул имтиҳонларига иштирок этишади.

Иккинчидан, Қабул имтиҳонлари натижалари имтиҳондан сўнг тезда эълон қилинишини инобатга олиб, Мактаб абитуриентлари имтиҳон натижаларидан кўра кириш учун етарли балл тўплай олмаган тақдирда, 20 июлга қадар бошқа олий диний таълим муассасаси (Тошкент ислом институти ва Мир Араб олий мадрасаси)га ҳужжат топшириш ҳамда қабул имтиҳонларига қайта иштирок этиш имкониятига эга бўлишади.

Учинчидан, Ҳадис илми мактабига кириш учун етарли балл тўплаймаган абитуриентлар қабул имтиҳонларига қатнашиш орқали бошқа олий диний таълим муассасасига кириш учун қабул имтиҳонлари бўйича тажриба ҳосил қиладилар.

Демак, Ҳадис илми мактаби абитуриентлари бир йилда иккита олий диний таълим муассасасига ҳужжат топшириб, имтиҳон жараёнларига иштирок этиш имкониятига эга бўладилар. 

Ҳадис илми мактабига абитуриентлар қуйидаги ҳужжатларни тақдим этади:

1. Паспорт (электрон шакли);
2. Ўрта махсус ислом таълим муассасасини тамомлаганлик тўғрисидаги ҳужжат (диплом) электрон шаклда;
3. 1 дона рангли фотосурат (3х4 ҳажмдаги) электрон шаклда.

Абитуриентлар ҳужжатларни масофавий тарзда qabul.muslim.uz портали орқали топширишади.

Ҳужжатларни қабул қилишнинг охирги муддати: 2020 йил 10 июл соат 20:00 га қадар. 

Ҳадис илми мактабига қабул имтиҳон фанлари:

• “Ҳадис ва Мусталаҳул ҳадис” (ижодий имтиҳон) 93 балл;
• “Араб тили” (ижодий имтиҳон) 63 балл;
• “Ўзбекистон тарихи” (тест) 30 та савол, ҳар бир тўғри жавобга 1.1 балл берилади, жами 33 балл. 

Ҳадис илми мактаби колл марказ телефон рақами: (+99866) 240 20 51 

Шунингдек, Ҳадис илми мактаби қабул жараёнлари тўғриисдаги тўлиқ маълумотни hadith.uz сайти ва унинг ижтимоий тармоғларидаги манзиллари орқали олишингиз мумкин.

Сизни Исломшунослик фанлари бўйича фалсафа доктори (PhD) Миродил Ҳайдаров муаллифлигида Миср Араб Республикасида араб тилида нашр этилган “Ҳанафийлик мазҳаби ва Ўзбекистон Республикаси Оила кодексида никоҳ ва талоқ масалаларининг қиёсий таҳлили” номли китобининг онлайн тақдимотига таклиф этамиз. Тақдимотда китоб муаллифи Миродил Ҳайдаров иштирок этади.

Онлайн китоб тақдимоти Тошкент ислом институтида 2020 йил 10 июль куни соат 10.00 да ZOOM дастури орқали бўлиб ўтади.

Тақдимотга уланиш манзили: https://us02web.zoom.us/j/86161775388

Тақдимот идентификатори: 861 6177 5388

Тошкент ислом институти

Ҳурматли абитуриентлар Ўзбекистон мусулмонлари идораси тасарруфидаги ўрта махсус ислом таълим муассасалари ҳамда Ҳадис илми мактабига 2020-2021 ўқув йили учун абитуриентларнинг ҳужжатларини қабул қилиш 2020 йил 10 июль куни соат 20:00 га қадар qabul.muslim.uz портали орқали масофавий тарзда амалга оширилади.
Соат 20:00 дан кейин ҳужжатларини қабул қилиш тўхтатилади, фақатгина паспорт маълумотингиз бўйича ҳужжат қабул қилингани, кўриб чиқилаётгани ёки рад этилгани тўғрисида маълумот олишингиз мумкин.

Ўзбекистон мусулмонлари идораси
Таълим ва илмий-тадқиқот бўлими

  Замонамизнинг муҳаддис олимларидан Шайх Муҳаммад Аввома ҳазратлари

Кеча, 8 июль куни Ўзбекистон мусулмонлари идораси раиси, муфтий Усмонхон Алимов ҳазратлари ва Дин ишлари бўйича қўмита раиси Абдуғофур Аҳмедов бошчилигидаги уламолар ва мутассадди вакиллар пойтахтимизнинг Чилонзор туманидаги “Чоштепа” жоме масжидининг янги биносини кўздан кечирдилар.
Муфтий ҳазратлари мўъжаз масжиднинг янги биносини кўздан кечирар эканлар, унинг архитектураси ва дизайни пойтахтимиздаги масжидлардан ўзгача, чиройли ва шинам бўлганини алоҳида таъкидладилар, ушбу масжид қурилишига ҳисса қўшган барчанинг ҳақига дуои хайрлар қилдилар.
– Алҳамдулиллаҳ, “Чоштепа“ жоме масжиди барча замон талабларига мос ҳолда, миллий дизайн ва янги шаклда қад ростлади, – дейди масжид имом хатиби Абдулҳаким Хотамов. – Ушбу масжид биноси илк бор 1998 йилда 350 кишига мўлжаллаб қурилган. Сўнгги йилларда намозхонлар кўпайгани сабабли масжид ичи торлик қилаётганди. Шунингдек, иситиш ва совутиш тизимида муаммолар бўлгани учун қишда совуқ, ёзда эса иссиқ бўларди. Масжид биноси эскиргани туфайли томидан чакка ўтарди, деворлари эса ёрилиб кетганди. Бундан ташқари, масжид меҳроби қибладан 35 градусга фарқланарди.
Шу сабабли маҳалла аҳлининг мурожаатига асосан “Чоштепа“ жоме масжиди қайта қурилишига Тошкент шаҳар ҳокимлиги томонидан 2017 йил 29 июлда рухсат берилди. Масжидни қайта қуриш ишлари 2018 йил май ойида бошланиб 2020 йил май ойида тугалланди.
Янги масжид хонақоҳи, ер тўла ва айвонлари 2000 намозхонга мўлжалланган. Шунингдек, масжид биносини қиш ва ёз ойларида иситиш ва совутиш учун сунъий иқлим ҳосил қилувчи қурилмалар ўрнатилган, иссиқ поллар ётқизилган.
Масжид 22х22 метрли саккиз қиррали қилиб қурилди. 43 метрли битта минораси ва еттита гумбази бор. Хонақоҳ айланаси 10 метрли гумбаз билан қопланган. Хонақоҳ гумбазидан ергача 17 метрни ташкил этади. Шунингдек, бир вақтнинг ўзида 20 га яқин киши фойдаланиши мумкин бўлган таҳоратхонада барча шароитлар яратилган.

Ўзбекистон мусулмонлари идораси Матбуот хизмати