ЎМИ Матбуот хизмати

MAN автомобилига ўрнатилган мобиль кинотеатр барча мавсумга мослаштирилган. Бу ҳақда ЎзА нашри хабар берди.

Президентимиз жорий йилнинг 30 апрель – 1 май кунлари Сурхондарё вилоятига ташрифи чоғида “Cinema Servis" масъулияти чекланган жамиятининг “Киномобиль” – Ўзбекистондаги биринчи инновацион кинотеатр лойиҳаси тақдимоти билан танишиб, тегишли тавсияларни берган эди. Шунга мувофиқ Ташқи иқтисодий фаолият миллий банки билан ҳамкорликда амалга оширилган мазкур лойиҳа Термиз шаҳрида кино мухлисларига сифатли хизмат кўрсатишни бошлади.

MAN автомобилига ўрнатилган мобиль кинотеатр барча мавсумга мослаштирилиб, иситиш, вентиляция, совутиш тизими билан жиҳозлангани илк томошабинларда катта қизиқиш уйғотди.

Инновацион мобиль кинотеатрни ишга тушириш учун 30 дақиқа вақт сарфланади. Бу вақтда қурилма энига 6 метргача кенгаяди ва 80 кишига хизмат кўрсатиш қувватига эга бўлади.

– Ушбу лойиҳанинг афзаллиги томошабинларга ўзбек ва жаҳон кинематографиясининг дурдоналари ва янгиликлари билан рақамли 2D ҳамда 3D форматида танишиш имкониятини яратади, – дейди кинооператор А.Бердиев. – Келгусида воҳанинг олис ва чекка ҳудудларида яшовчи аҳоли, айниқса, болалар ва ўсмир-ёшларнинг бўш вақтини мазмунли ўтказиб, маданияти ва маънавиятини юксалтиришга кўмаклашмоқчимиз.

Мобиль кинотеатрда “Экрандаги китоб” (Экранлаштирилган бадиий асарлар) туркумида севимли фильмларни кўриш, жаҳон ва ўзбек адабиётининг мумтоз ва замонавий намояндалари ҳаёт йўли ҳамда асарлари билан танишиш, экранлаштирилган бадиий асарлар намойиши олдидан китоб ва фильм муаллифлари билан тўғридан-тўғри мулоқот қилиши мумкин.

Айни пайтда инновацион кинотеатрнинг илк мижози бўлган Термиз давлат университети талабалари учун “Скорпион”, “Элпарвар”, “Саид ва Саида” бадиий ҳамда “Абу Исо Муҳаммад ат-Термизий” ҳужжатли фильмлари намойиш этилмоқда.

Ўзбекистон мусулмонлари идораси Матбуот хизмати

Фарғона шаҳрида вилоят фаоллари, вазирлик ва идоралар раҳбарлари, нуронийлар, тадбиркорлар иштирокида йиғилиш бошланди.

Ўзбекистон Республикаси Президенти Шавкат Мирзиёев сўзининг аввалида йиғилганларни, бутун халқимизни Рамазон ойи ҳамда яқинлашиб келаётган Хотира ва қадрлаш куни билан табриклади. Бу ҳақда Ўзбекистон Республикаси Президентининг матбуот хизмати хабар беради.

Давлатимиз раҳбари мутасаддиларга дастурдаги ҳар бир лойиҳани амалга ошириш бўйича тармоқ жадвалларини тасдиқлаб, ижросини таъминлаш юзасидан топшириқлар берди.

Ўзбекистон мусулмонлари идораси Матбуот хизмати

ЎМИ Матбуот хизмати

Расмлар муаллифи Шаҳзод Шомансур

Аввал хабар берганимиздек, ўзбекистонлик қорилар  Россия Федерациясининг турли ўлкаларида бўлиб, муборак ой давомида таровиҳ намози ва хатми Қуръонларда иштирок этадилар. Бугун 7 май куни ўзбекистонлик яна беш нафар қори Москва шаҳрига етиб бордилар. Бугуннинг ўзида қориларимиз Москва шаҳрида Россия мусулмонлари жамияти раиси, муфтий Альберт ҳазрат Крганов қабулида бўлдилар. Муфтий ҳазрат ўзбекистонлик диний уламолар, қорилар кўп йиллардан буён Россия мусулмонларининг ихлоси, эътирофига сазовор бўлиб келаётгани, диний идоралар ўртасидаги ўзаро ҳамкорлик самарали натижалар бериб бораётганлиги ҳақида сўзлаб берди. Ўз навбатида қориларимиз ҳам ўзларига билдирилаётган ишончни оқлаб, Аллоҳ қодир қилганича бор билимларини бериб, мусулмонларга исломий маърифатни етказишда астойдил ҳаракат қилишларини  билдирдилар.

Шундан сўнг қориларимиз ўзлари тақсимот қилинган ҳудудларга йўл олдилар. Жумладан:

• Тошкент шаҳар “Саид Ваққос ота” жоме масжиди имом ноиби Фазлиддин Мамадалиев, “Абдуллоҳ ибн Ҳузофа” жоме масжиди имом-хатиби Абдуллатиф Рустамжонов, Тошкент вилояти “Абдужалилбоб” жоме масжиди имом-хатиби Илёс Шокировлар Чувашия Республикаси, Чебоксары шаҳрида;
• Тошкент шаҳар “Яҳё қори” жоме масжиди имом ноиби Абдулбосит Абдуллаев Москва вилоятига қарашли Звенигород шаҳрида;
• Тошкент шаҳар “Тинчлик” жоме масжиди имом-хатиби Иброҳим Нурмуҳаммедов Ханти-Мансийск округидаги Сургут шаҳридаги масжидларда таровиҳ намозларида хатми Қуръон ўтказиб берадиган бўлишди.

Хорижда фаолиятларини давом эттираётган қориларимиз ҳақида порталимиз орқали хабар бериб борамиз.

Ўзбекистон мусулмонлари идораси Масжидлар бўлими