muslim.uz
“Эшиги йўқлар нима қилади?”
Бир қишлоқда камбағал аёл ўзининг янги туғилган фарзанди билан томи ёпилмаган, атрофи очиқ, деразалари ойнасиз уйда яшар эди. Уларнинг уйида деворга илиниб турган биттагина эшиги бор эди. Гўдак тўрт ёшга етгунича деярли қаттиқ ёмғир ёғмади. Бола тўрт ёшга етганида бир куни қаттиқ ёмғир ёғди. Бола онасининг бағрига ўзини урди, унинг ҳам либослари ҳўл эди. Шунда онаси уйдаги ягона эшикни жойидан кўчириб олдида, ўзи ва боласини устига соябон қилиб кўтариб турди. Шунда боланинг кўзи хурсандчиликдан ёниб, онасига: “Ойижон! Ёмғирли кунларда уйида эшиги йўқлар нима қиларкин?” деди.
Азизлар, ўзингиздаги бор бўлган неъматларнинг қадрини билайлик, унинг шукрини адо этишга ҳаракат қилайлик! Зеро, моддий жиҳатдан ўзимиздан қуйироқдаги кишиларга қарасак, ўзимиздаги неъматларнинг нақадар буюклигини ҳис қиламиз!
Фейсбук маълумотлари асосида
Нозимжон Иминжонов тайёрлади
Малайзия масжидларида муҳтожларга гуруч тарқатувчи машина ўрнатилади
Малайзия пойтахти Куала-Лумпур шаҳридаги масжидлардан бирида муҳтож бўлган инсонларга озиқ-овқат маҳсулотларини тақдим этувчи электрон автомат машина ўрнатилди. Бу ҳақда Free Malaysia Today нашри хабар берди.
Ал-Акрам масжидида худди шундай машина ўрнатилиши кўзда тутилган бўлиб, февраль ойининг охирига қадар Малайзия Ислом дини бошқармаси томонидан ўрнатилиши кўзда тутилган.
Мутахассисларнинг маълум қилишича, гуруч тарқатувчи мослама фақатгина маҳсулот тарқатмайди, унинг закот ва эҳсон маблағларини қабул қилиш имконияти ҳам мавжуд.
Бундай маҳсулотлар тарқатувчи аппаратлар Индонезияда оммалашган, бироқ Малайзияда эндиликда ўрнатилмоқда.
Ўзбекистон мусулмонлари идораси Матбуот хизмати
Свердлов вилояти мусулмонлари ҳокимликдан масжид қуриб беришларини сўрашмоқда
Свердлов вилояти Новоуральск шаҳрида яшайдиган татарлар ва бошқирдлар масжидга муҳтожлар. Бу ҳақда Татаристон бош вазири ўринбосари, «Миллий шўро» миллий кенгаши раиси Восил Шайхрозиев билан учрашувда Новоуральск шаҳар кенгаши депутати Марат Солиҳов маълум қилди.
«Биз татар ва бошқирдлар жамоа бўлиб яшаймиз. Аммо биз подвалларда учрашишни эмас, балки майли шаҳар четида бўлса ҳам, масжидда тўпланишни истардик. Мен депутат сифатида ушбу илтимос билан барча идораларни айланиб чиқдим, маъмурият бизга масжид учун жой ажратилишини ваъда қилган эди, аммо масала ҳамон кечиктириб келинмоқда. Биз исломга эътиқод қўйганимиздан қўрқиш керак эмас. Бизнинг имомларимиз Москва, Санкт-Петербургда таълим олиб қайтишган, жуда ҳам маърифатли инсонлар », — дейди Солиҳов.
Унинг айтишича, ёпиқ шаҳар бўлган 120 минглик Новоуральск аҳолисининг 10 фоизини татарлар ва бошқирдлар ташкил этишади.
«Энг яқин масжид бу ердан ўнлаб километр узоқликдаги Юқори Пишма қишлоғида жойлашган. Беш-олтита автобусларни ижарага олиб у ерга боришимизга тўғри келмоқда», - деб тушунтирди депутат.
«Миллий шўро» миллий кенгаши раиси Восил Шайхрозиев масжидга ер ажратилиши масаласи нима учун кечикаётганлиги сабабларини ўрганиб чиқишга ваъда берди.
Ўзбекистон мусулмонлари идораси матбуот хизмати
Чин дўстингиз кимлигини биласизми?
Чин дўстингиз кимлигини биласизми? Ҳа, бу – ота-онадир.
Дунёда ҳамма сендан ўтаман дер экан. Ҳатто энг яқин дўстинг ҳам сендан-да бой бўлиб, сенга ёрдам қўлини чўзишни хоҳлар экан. Нима қилса ҳам, сендан бир поғона юқори бўлишни орзу қилар экан.
Фақатгина, ҳа, фақатгина ота-онанг сени ўзларидан ҳам юқори мартабаларга эришишингни хоҳлашар экан. Ўзлари кўрмаган кунни сен кўришингни, ўзлари емаган таомни сен ейишингни, ўзлари киймаган либосни сен кийишингни исташар экан. Истаганда ҳам чин кўнгилдан, юрак-юракларидан исташар экан.
Агар фарзанд ноқобил чиқиб, ота-онасини куйдирса, халқдан ота-онасига раҳмат эмас, лаънат олиб берса, шунда ҳам она фарзандидан хафа бўлиб, уни қарғамас экан. “Туғилмай ўл”, деб унга ўлим тиламас экан. Борди-ю, фарзандининг хатолари жуда ҳам жонидан ўтиб кетса, “Сени туғмай мен ўлай” деб ўзини қарғар экан.
Ҳа, бу сўзни фақат ОНА айта олади. Бошқа ҳеч ким айта олмайди.
Аллоҳ таоло Қуръони Каримда шундай марҳамат қилган:
وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَاناً إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَا أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيماً وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيراً
“Роббинг фақат Унинг Ўзигагина ибодат қилишингни ва ота-онага яхшилик қилишнигни амр этди. Агар ҳузурингда уларнинг бирлари ёки икковлари ҳам кексаликка етсалар, бас, уларга “уфф” дема, уларга озор берма ва уларга яхши сўз айт!” (Бу жумланинг “уфф” сўзига боғлиқ икки хил маъноси бор. Бир маъноси — ота-онага ёмон сўз айтиб, беҳурмат қилма, дегани бўлса, иккинчи маъноси — ота-онанг олдида “уфф” дема, улар болам оғир ҳолга тушибди, деб озорланадилар, деганидир.)
“Икковларига меҳрибонлик ила хокисорлик қанотингни паслат ва “Роббим, алар мени кичикликда тарбия қилганларидек, уларга раҳм қилгин”, деб айт” (Исро сураси, 23-24-оятлар).
Аллоҳим, ота-оналаримизнинг ўтганларини Ўз раҳматингга ол. Борларини Ўз паноҳингда асра. Бизни қанчалар меҳрибонлик ила парваришлаб, тарбия қилган бўлсалар, Сен ҳам уларга раҳм қилгин, омин!!!
Нозимжон Иминжонов тайёрлади
Нишонга урилган гаплар: “Ҳаёт – велосипедга ўхшайди. Мувозанатни сақлаб туришинг учун ҳаракатдан тўхтамаслигинг керак”
Қуйида келтириладиган фикрлар, ҳикматлар ижтимоий тармоқлардаги турли саҳифалардан олиб таржима қилинган. Бундан ташқари саҳобаи киромлар, улуғ олимлар, Яқин Шарқ, Осиё, Европа ва Америка мутафаккирларининг бир қатор фикрлари ҳам берилган.
*****
Агар безовталикни енгиб, тинч ҳаётни бошламоқчи бўлсанг, машаққатларингни санаш ўрнига Аллоҳнинг сенга ато этган неъматларини санагин!
“Тарих муҳрлаган сўзлар”
*****
Бизни дафн этишга, кўмишга уриндилар. Аммо улар бизнинг уруғ эканимизни билмадилар.
“Тарих муҳрлаган сўзлар”
*****
Бурнингни китобга қўйишинг (яъни китоб ўқишинг) уни бошқаларнинг ишига тиқишингдан яхшидир.
“Тарих муҳрлаган сўзлар”
*****
Агар эртага тоғларни жойидан жилдирмоқчи бўлсангиз, тошларни ташишни бугундан бошлашингиз керак.
“Тарих муҳрлаган сўзлар”
*****
Албатта, куч-қувватнинг бошланиши ахлоқий юксалиш сабаблидир. Ҳар бир мағлубият ва енгилиш ахлоқий емирилиш сабаблидир.
Али Иззатбегович
*****
Ҳаёт – велосипедга ўхшайди. Мувозанатни сақлаб туришинг учун ҳаракатдан тўхтамаслигинг керак.
“Тарих муҳрлаган сўзлар”
*****
Интернет материалларидан тўплаб, таржима қилувчи
Нозимжон Иминжонов
Мақолалар
