Эртакмонанд Хива шаҳри қанчадан-қанча хорижлик меҳмонларни ўзига мафтун этгани бор гап. Ўзбекистон Республикаси Фанлар академияси матбуот хизмати маълумотларига кўра, Хоразм Маъмун академияси томонидан "Хива тарихидан лавҳалар" китоб-альбоми ўзбек ва рус тилларида нашр этилди.

Ушбу китоб-альбомда Хива шаҳрининг вужудга келиши, ижтимоий ҳаёти, аҳолининг этник таркиби, деҳқончилик, ҳунармандчилик, хиваликлар маданияти ва санъатига оид қимматли маълумотлар қўлёзма асарлар, архив маълумотлари, элчи ва сайёҳларнинг эсдалик ва хотиралари, нодир манбалар маълумотлари асосида ёритилган.

ЎзА хабарига кўра, китоб-альбом маҳаллий ва хорижий сайёҳлар, олий ўқув юртларининг талабалари, гид-бошловчилар ҳамда юртимиз тарихи билан қизиқувчи кенг ўқувчилар оммасига мўлжалланган.

Мазкур китоб-альбомнинг афзаллиги шундаки, Хива шаҳрининг вужудга келиши, ижтимоий ҳаёти ва аҳолининг этник таркиби, бошқа турли маълумотлар янги ва ноёб манба ҳамда адабиётлар асосида ёритилган.

Шунингдек, китобда мавзуга доир кўплаб суратларнинг мавжудлиги ҳар қандай китобхонни ўзига жалб эта олади.

Ўзбекистон мусулмонлари идораси матбуот хизмати

Шайх Абдулқодир Ҳусайн ҳафизаҳуллоҳ

Ўзбекистон мусулмонлари идораси жамоаси Тошкент вилояти Чиноз тумани бош имом-хатиби Азимжон домла Қодировнинг падари бузрукворлари Абдуҳаким ҳожи отанинг вафоти муносабати билан марҳумнинг оила аъзолари ва яқинларига чуқур таъзия изҳор этади.

Аллоҳ таоло марҳум отахонни Ўз мағфиратига олсин, имонларини саломат қилсин, жойларини Фирдавс жаннатларидан қилсин!

Ҳақ таоло марҳумнинг аҳли оиласи, фарзанду аржумандлари ва яқинларига чиройли сабр бериб, бу мусибатларини яхшиликлар ила тўлдирсин.

Ўзбекистон мусулмонлари идораси жамоаси, уламолари, имом-домлалари ва ўқитувчи-мударрислари номидан Азимжон домланинг оила аъзолари, фарзандлари, ёр-биродарлари, яқинларига ҳамдардлик билдирамиз.

Иннаа лиллааҳи ва иннаа илайҳи рожиъуун.

«Мусибат етганда «Албатта, биз Аллоҳникимиз ва албатта, биз Унга қайтувчимиз», деган сабрлиларга хушхабар беринг».

Ўзбекистон мусулмонлари идораси

Ўзбекистон мусулмонлари идораси раиси, муфтий

Нуриддин домла ҳазратлари

Бельгиянинг пойтахти Брюсселда мусулмон дунёсида кенг тарқалган эркак исми Муҳаммад бельгияликлар учун анъанавий Жан исмидан оммавийлик бўйича ўзиб кетди.

Statbel статистика агентлиги маълумотларига кўра, 2021 йилда Брюсселда 13 595 киши Муҳаммад исми билан рўйхатга олинган. Mk.ru билдиришича, Бельгия пойтахтида Жан исмли эркаклар, ўтган йилга кўра, фақат 6089 бўлган эди.

Қизиғи шундаки, Брюсселнинг 4,8 минг аҳолиси Муҳаммад исми билан аталиб учинчи ўринни эгаллади. Бироқ умуман Бельгияда, Жан исми ҳали ҳам 65,886 киши кўрсаткичи билан етакчилик қилмоқда. Марк ва Патрик улардан кейинги ўринларда турибди. Муҳаммад исми эса тўққизинчи ўринда (34 862 киши).

Islam-today.ru хабарига кўра, мусулмон исмлари Брюсселдаги энг машҳур аёл исмлари рўйхатида туртибди. Шундай қилиб, 6 155 да туғилган 2021 қизларга Фотима номи берилди. Бу исм учинчи энг кенг тарқалган исмдир. Биринчи ва иккинчи ўринда – Мария (10 486) ва Maри (7 550) исмлари турибди.

Ўзбекистон мусулмонлари идораси матбуот хизмати