Ватан тушунчаси жуда ҳам кенг тушунча бўлиб, уни бир сўз билан ифодалаб бўлмайди. Ватан бу бизни ўз бағрига олган макон. Ватан у шундай бир масканки, унда нафслар ором олади. У бир бепоён заминки, унда дунёга келамиз, унда яшаймиз, оила қурамиз, мақсад сари интиламиз ва унда вафот этамиз  ва унга дафн қилинамиз. Динимиз инсонларни ватанпарвар бўлиб, юртини севишга, уни ҳимоя қилиб, обод этишга чақиради. Юртини севган ўзини севибди. Мана шундай юртини севиб ардоқлаган, уни сарҳадларини ҳимоя қилиш-ла шараф туйган соҳа вакилларидан бири бу ҳарбийлардир.

Ҳакимлар айтадилар: «Кишининг вафодорлиги унинг ўз ватани учун қайғуришидан, биродарларини соғинишидан ва умрининг зое кетказган лаҳзаларига ўкиниб яшашидан билинади».

Алихон тўра Соғуний эса : «Она Ватанини севиш ҳар бир кишининг қалбида ғайрат ва шижоат уйғотади», деганлар. Биз мана шундай шижоатли ва юртини севган ҳар бир юртдошимизга кириб келаётган ватан “Ватан ҳимоячилари куни” муборак бўлсин, деймиз.

Ватанини севган инсон Ватан тушунчасини ҳам ҳимоя қилади. Динимиз таълимотига кўра, ватанни ҳимоя қилган инсонга ажр ва савоблар берлиши айтилган. Ибн Аббос розияллоҳу анҳудан ривоят қилинган ҳадисда Пайғамбаримиз алайҳиссалом; «Икки кўз эгасини дўзах оташи куйдирмас: бири бу – Аллоҳдан қўрқиб йиғлаган, иккинчиси – Аллоҳ йўлида пойлоқчилик қилиб ухламаган кишини», – деб айтганлар (Термизий ривояти).

Яна бир ҳадиси шарифда Расулуллоҳ саллолоҳу алайҳи васаллам шундай марҳамат қилганлар: «Аллоҳ таоло розилиги йўлида бир кун чегара ҳудудида посбонлик қилиш бир ой кечалари (нафл) ибодат қилиб, кундузлари нафл рўза тутишдан афзалдир». Дарҳақиқат ватанни ҳимоя қилмоқ уни сарҳадларини ёвлардан асрамоқ улуғ жасорат ва шараф бўлиш билан бирга, юксак ибодат ҳамдир.

Буюк аждодларимиздан бири, тасуввуфда Кубровия таълимотининг асосчиси Нажмиддин Кубро мўғуллар босқинидан хабар топгач, биринчилардан бўлиб Ватан ҳимоясига отланди. Мўғул ҳукмдорлари Нажмиддин Кубронинг шижоати, халқ орасидаги обрў-эътибори, ҳимоядаги ҳаракатларини кўриб, ўз яқинлари ва сафдошларидан истаганлари олиб ўзи ихтиёр қилган тарафга кетишни таклиф қилади.

Ватан озодлигини ўз ҳаётидан устун кўрган Нажмиддин Кубро босқинчиларга қарши туғ кўтариб жангга киради ва лашкарни олға бошлаб бораётган ҳолатда шаҳид бўлади. У зот туғни шунчалар жон-жаҳди билан ушлаган эдики, душман аскарлари туғни унинг қўлларини кесгачгина олишга муваффақ бўлади.

Азиз ватан посбонлари! Барчангизни яқинлашиб келаётган 14-Январь — “Ватан ҳимоячилари куни” билан яна бир бор муборакбод этамиз!

Аллоҳ таоло юртимиз сарҳадларини сергаклик билан қўриқлаётган, юртдошларимизнинг тинчлик ва хотиржалиги учун туну-кун хизмат қилаётган сиз азизларни ўз паноҳида асраб, азиз диёримиз осмонини мусаффо, ҳалқимиз ҳаётини бунда-да фаровон айласин.

«Яҳёхон Тўра»

жомеъ масжиди имом хатиби:

Нуруллохон Домла Жамалов

Андижон вилояти Балиқчи туманидаги Эски марказ маҳалласида жойлашган “Мирзақосим ҳожи” жомеъ масжидининг капитал таъмирланиб, кенгайтирилган янги биноси фойдаланишга топширилди.

Туман ҳокими, сектор раҳбарлари, диний идора вакиллари ҳамда кенг жамоатчилик вакиллари иштирокида жомеъ масжид очилишига бағишланган тадбирда сўз олганлар томонидан кейинги йилларда мамлакатимизда масжидлар, зиёратгоҳ ва қабристонларни таъмирлаш, ободонлаштириш борасида кенг кўламли ишлар олиб борилаётганлиги таъкидланди.

– Юртимизда фуқароларнинг эмин-эркин ибодат қилиши, мусулмонларнинг ўз зиммасидаги диний арконларни бекаму кўст адо этишлари учун зарур барча шароитлар яратилган, – дейди Ўзбекистон мусулмонлари идорасининг Андижон вилоятидаги вакили, вилоят бош имом-хатиби Мирзамақсуд Алимов. – Шу боис ҳам бугунги кунда ҳар бир юртдошимиз қалбида шукроналик туйғуси жўш урмоқда.

ЎзА хабарига кўра, туман ҳокимининг қарори билан бир ярим йил давомида масжидни замонавий тарзда таъмирлаш, ҳудудини кенгайтириш, намозхонларга қулай шарт-шароитлар яратиш борасида эътиборга молик ишлар олиб борилди. Натижада бир пайтнинг ўзида беш минг нафар намозхон намоз ўқиб, эмин эркин ибодат қилиши учун зарур барча шароитлар яратилди.

Ўзбекистон мусулмонлари идораси матбуот хизмати

Ўзбекистон мусулмонлари идораси раиси, муфтий

Нуриддин домла ҳазратлари

"Минор" жоме масжидидаги жума суҳбатидан лавҳа (07.01.2022 йил)

Ўзбекистон мусулмонлар идораси жамоаси пойтахтимиздаги “Имом Термизий” жоме масжиди имом-ноиби Абдураҳмон қори домланинг волидаи муҳтарамалари вафоти муносабати билан чуқур таъзия изҳор этади.

Аллоҳ таоло марҳума онахоннинг барча солиҳ амалларини ҳамроҳ айлаб, Ўз мағфиратига олсин.

Ҳақ таоло марҳума онахоннинг яқинлари, фарзанду аржумандларига чиройли сабр бериб, бу мусибатларига ажру мукофотлар ато этсин.

Ўзбекистон мусулмонлари идораси жамоаси, уламолари, имом-домлалари ва ўқитувчи-мударрислари номидан Абдураҳмон қори домланинг оила аъзолари, фарзандлари, ёр-биродарлари, яқинларига ҳамдардлик билдирамиз.

Иннаа лиллааҳи ва иннаа илайҳи рожиъун!

Жаноза бугун соат 14:00 да Сирдарё вилоятида ўқилади.

Фирқалар ва оқимларга номни доимо жумҳур уламолар, анъанавий мазҳабдагилар, аҳли суннат ва жамоатнинг ҳақиқий аъзолари қўядилар. Фирқа ва оқим аъзолари бу номларни ўзлари инкор қилишлари мумкин. Мўътазилийларга номни буюк тобеъин Ҳасан Басрий раҳимаҳуллоҳ қўйганлар. Хаворижларга номни Пайғамбаримиз соллаллоҳу алайҳи ва саллам қўйган, деган фикр мавжуд. Фирқа ва оқимларнинг номлари алоҳида кўринишларидан, раҳбарларининг номларидан, келиб чиққан жойлари номидан, яққол кўринадиган асосий ақидаларидан олинган бўлади. Буни ҳамиша эсда тутинг!
Жумладан:

و لا تكون كالذين تفرقوا و اختلفوا من بعد ما جاءهم البينات و أولئك لهم عذاب عظيم

“Ҳужжатлар келгандан кейин ҳам бўлиниб, ўзаро ихтилофга берилган кимсаларга ўхшамангиз! Ана ўшаларга улкан азоб бордир” (Оли Имрон, 105).

Ҳа, ёмонларнинг ёмонликларини, фитначиларнинг фитналарини, тинчликка, тотувликка рахна солувчилардан огоҳлантирганидан кейин, бирга намоз ўқиб, бирга рўза тутиб, қавму қариндошлари, ёру биродарлари, юртдош ва ватандошлари билан бирга умргузаронлик қилиб келаётгандан кейин, куфрони неъмат қилиб, имон-ишончини ўзгартириб, кофир фитначиларга қўшилганлар охират кунини, юзлар қораядиган кунни эсламоқлари даркор. У кунда оқ юзли, обрўли бўлганлар ютади, обрў-эътиборидан айрилган, дунёда шарманда бўлганлар, у кунда ҳам шарманда бўладилар:

يوم تبيضّ وجوهٌ و تسودّ وجوهٌ فأمّا الذين اسودّت وجوههم أكفرتم بعد إيمانكم فذوقوا العذاب بما كنتم تكفرون

و امّا الذين ابيضّت وجوههم ففى رحمة الله هم فيها خالدون

“Баъзи юзлар оқарадиган ва баъзи юзлар қораядиган кунни (қиёматни) эсланг: юзи қорайганларга (ҳужжат-исботи учун шундай дейилур): “Имон келтиргандан кейин яна куфрга қайтган эдингизми? Куфрингиз туфайли мана шу азобларни тотиб кўринг, энди!” (Оли Имрон, 106).

“Юзлари оқарган зотлар эса Аллоҳнинг раҳматида (жаннатида)дирлар. Улар у ерда абадий қолувчилардир” (Оли Имрон, 107).

Фирқа ва оқимлардагиларнинг айримларининг амалиёти ва ақидалари аҳли суннат ва жамоатга жуда яқин кўринишда бўлиши мумкин. Масалан, ҳақиқий ҳанафий уламоларнинг ақидаси тўғри ҳанафий шогирдлари шу хилда фирқа ва оқим вакиллари бўлиши мумкин. Ана шундай фирқа ва оқимларнинг раҳбарлари эса ўша фирқа ёки оқимни яхши ниятда ташкил қилган ҳаққоний олим, ҳақиқий аҳли суннат ва жамоат аъзоси бўлиши ҳам мумкин. Ҳақиқий аҳли суннат ва жамоатдан бўлгани боис у ҳатто раббоний олим, улуғ авлиё ҳам бўлиши мумкин. Бу нарса эса сизни алдаб қўймасин! Ўша фирқа ва оқим қандай ниятда ташкил қилинган бўлмасин, унинг раҳнамолари нақадар яхши инсонлар, нақадар буюк уламолар бўлмасин, лекин алоҳида кўринишлари, мусулмонлар ҳамжамиятидан ажралиб, озчилик билан алоҳида бўлиб олишларининг ўзи, кўпчилик мусулмонлар уларнинг алоҳида кўринишига қараб, алоҳида ном қўйиб қўйишининг ўзи уларни аҳли суннат ва жамоатдан чиқариб қўяди. Буни унутманг!

Мусулмон кимса раҳбарларига итоатли, юртидаги инсонлар билан муросаю мадора билан яшамоғи фарз. Шундай экан, фирқа ва оқимларга қўшилишни жамият ман қилиб қўйган экан, давлат қонуни жиноят деб баҳолар экан, ундай фирқа ва оқимлардан узоқ бўлаверинг. Шу сизнинг мусулмонлик бурчингиздир! Хуллас, фирқа ва оқимлардан доимо эҳтиёт бўлинг, қочинг, яқинлашманг!

"Ёрилган масжиди"
имом хатиби
Тожиддин Хўжаханов