muslim.uz
Siz jasorat, mardlik, qahramonlik, matonatli yillarimiz haqida nimalarni bilasiz?
Din ishlari boʻyicha qoʻmita
Axborot xizmati
Хотира ва қадрлаш-инсоний ифтихор
9 май – Хотира ва қадрлаш куни умумхалқ байрами мустақил Ўзбекистонда асрлар давомида қаҳрамона, ватанимизни ҳимоя қилган, унинг эркинлиги, мустақиллиги ва халқининг тинчлиги учун курашган ватандошлар хотирасига бағишланган. Ўтганларнинг номларини ёд этиш, хотирасини ҳурмат билан эслаш, уларнинг руҳларини шод қилиш муқаддас одат сифатида қон-қонимизга сингиб кетган.
Ўтганлар руҳини ёд этиш, тирикларга меҳр-оқибат кўрсатиш қадрият, қолаверса, ҳар бир кишининг инсонийлик бурчи саналади. Мана шу эзгу фазилатлар «Хотира ва қадрлаш» куни муносабати билан янада ёрқин намоён бўлади.
Азиз ва мукаррам инсон зотининг ёши хам, кексаси хам, аёли хам, эркаги хам бирдек қадр-қимматга эгадир. Муқаддас Ислом дини инсон кадрини шу даражада юқори кўтарганки ҳатто, унинг тириги билан ўлигининг ҳурмати бирдек қадрланади. Дунёдан утиб кетган марҳум яқинларимизни доимо яхши сифатлар билан эслаш хам инсонийлик бурчимиздир. Бу хакида муборак ҳадиси шарифда Пайғамбаримиз Муҳаммад алайҳиссалом “Дунёдан утганларнинг яхши сифатларини эсланглар, уларнинг ёмон сифатларини айтишдан сақланинглар” деганлар. (Термизий ривояти)
Биз утганларни махсус бир кунда, айни 9 майда хотирлашимиз рамзий маънода бўлиб, аслида ҳар доим ҳар лаҳзада уларни эслаб дуолар қиламиз, уларнинг ҳаёт йўлларини ўрганиб улардан намуналар оламиз. Шунингдек, келажак авлод бўлмиш фарзандларимизга хам утган аждодларимизнинг ҳаёти биз учун улкан намуна эканини уқтириб келамиз. Уларнинг яхшиликларини ҳамиша хар доим ёдда тутамиз. Зеро,тарихий хотирасиз келажак йўқ, деб бежизга айтилмаган. Хотира ва қадрлаш деган гаплар бир кунлик анъанага боғланиб қолмаслиги керак. Ватан, миллат, дин йўлида жон фидо қилган аждодларимиз хотираси бизлар учун қанчалик ардоқли ва муқаддас бўлса, кексалик ёшига етган улуғларимизнинг кадрига етиш, ҳурматларини жойига куйиш хам шунчалик муҳимдир.
Айнан ўтганларни ёдлаш асносида яна бир муҳим иш – инсонни тириклигида, кўзи очиқлигида қадрлаш, эъзозлашдир.
Дўстлар, яхшиларни авайлаб сақланг,
Салом деган сўзнинг салмоғин оқланг.
Ўлганда юз соат йиғлаб тургандан,
Уни тиригида бир соат йўқланг.
деб бежиз айтилмаган.
Бу кунларда қилинадиган хайрли ишлардан бири ёши улуғ кишиларнинг х,олидан хабар олишимиз, уларнинг қалбларига хурсандлик киритишимиздир. Бу ҳақда Пайғамбаримиз Муҳаммад алайҳиссалом ҳадиси шарифда шундай деганлар: “Кичигимизга раҳм қилмаган ва катталаримизнинг кадрига етмаган кимса биздан эмасдир”. (Абу Довуд ва Термизий ривояти)
Давлатимиз доимо уруш қатнашчилари кекса ёшдаги отахонларимиз, онахонларимиз ва барча нафақахўрларга катта диққат эътибор билан ғамхўрлик қилиб келмоқда. Яратгандан барча марҳум аждодларимизни Узининг раҳматига олиб уларнинг ҳақларига қилаётган дуоларимизни қабул қилиб, орамизда ҳаёт қолганларига фаровон ҳаёт тинчлик ва офият беришини сўраб қоламиз. Ватанини ҳимоя қилишда жонини фидо қилган, халқ орзу қилган эркинлик учун курашган миллий қаҳрамонларимизни руҳлари шод охиратлари обод бўлсин.
Янгийўл тумани “Имом Султон” жоме масжиди
имом хатиби Одилжон Нарзуллаев
Ақидада танзиҳ (Аллоҳ таолони айбу нуқсонлардан пок деб билиш) боби
Аҳли сунна вал-жамоа ақидасига кўра, мутлақ комиллик Аллоҳ таолога хосдир, У Зотида ҳам, сифатларида ҳам, феълларида ҳам махлуқотларига ҳеч бир жиҳатдан ўхшамайди ва барча айбу нуқсонлардан покдир. Мана шундай эътиқод қилиш ҳар бир мукаллаф (оқил ва балоғатга етган кишига) фарзи айн ҳисобланади.
Аллома Абул Музаффар Тоҳир ибн Муҳаммад ал-Исфиройиний (ваф. 471-ҳижрий.) “Ат-Табсир фид-дин”номли асарида айтади:
“Яна билишингиз лозимки, ал-Қодим (мавжудлигининг бошланиши йўқ бўлган Зот Аллоҳ) субҳанаҳу ва таоло жисм ҳам эмас, жавҳар ҳам эмас. Чунки жисм энг кичик зарраларнинг бириктирилиши ила ҳосил бўлади, (бунда бириктирувчига муҳтожлик бор). Жавҳар эса (ўзи энг кичик зарра бўлиб), уни бир-бирига бириктириш ва ёпиштириш жоиз ҳисобланади. Ҳар бир ана шундай хусусиятга эга бўлган нарсанинг чегараси ва ниҳояси бўлади. Дарҳақиқат, (ҳар бир чегарали ва ниҳояли нарса уни ана шу махсус миқдор билан белгилаган ва хослаган зотга муҳтож бўлиши эътиборидан) Аллоҳ таоло учун чегара ва ниҳоя мумкин бўлмаган муҳол ишдир.
Аллоҳ таоло жисмнинг сифатини зикр қилган оятида у зиёдаликни қабул қилишини айтади:
“Ва (Аллоҳ таоло) уни (яъни Толутни) илмда ва жисмда кенглик жиҳатидан зиёда қилди” (Бақара, 247-оят). Ушбу оятдан нимайики жисм бўлса, унга зиёдалик ва нуқсон жоиз бўлиши аён бўлади. (Бу эса ҳар қандай жисм уни махсус миқдор билан белгиловчи ва хословчи зотга муҳтож бўлишини келтириб чиқаради). Аллоҳ таоло учун зиёдалик ва нуқсон жоиз эмас”. (159-б.) Зеро, Унинг Ўзи махлуқотларини зиёда ва нуқсонли қилувчидир. Акс ҳолда У ҳам махлуқотларга ўхшаш бўлиб қолар эди. Аллоҳ таоло бундан покдир.
Мир Араб олий мадрасаси ўқитувчиси
Асрорхон Маҳмудов.
QIYOMDA OYOQLAR QANDAY TURADI?
Bahodir Botirov,
Chust tumani "Oxunbobo" jome
masjidi imom-xatibi
Маҳаллабай тадбирлари халқимиз учун манфаатли бўлмоқда
Жорий йилнинг 6 май куни Самарқанд вилояти Жомбой ва Каттақўрғон туманларида маҳаллабай ишлаш тизими доирасида бир қатор хайрия тадбирлари ва турли учрашувлар ўтказилди.
Хусусан, Каттақўрғон шаҳрида фаолият олиб бораётган имом-хатиблар ва масжид ходимлари томонидан кун давомида аҳолининг ижтимоий ҳимояга муҳтож кишилар ҳолидан хабар олиб, уларга моддий ёрдам кўрсатдилар. Шунингдек, узоқ муддатга хорижга ишлаш учун кетган фуқароларнинг оила аъзолари ва бориб келган фуқаролар, низоли оилалар ва шу каби қатламлар билан учрашувлар ўтказдилар. Шунингдек, маҳалла ёшлари билан маърифий суҳбатлар ташкил қилинди.
Худди шундай Жомбой туманида ташкил этилган тадбирларда ҳам имом-хатиблар ҳам жонбозлик кўрсатиб, аҳолининг турли қатламлари билан маърифий суҳбат ўтказдилар, эҳтиёжмандларга хайриялар улашдилар. Низоли оилаларни яраштириш бўйича чора-тадбирлар кўрдилар.
Ўзбекистон мусулмонлари идораси Матбуот хизмати
Мақолалар
