muslim.uz

mardi, 14 mai 2019 00:00

Рўзадорга макруҳ бўлган амаллар

Танловга!

Макруҳ амал – шариатда ёмон кўрилган, номақбул ва хунук иш саналади. Рўзадорга макруҳ бўлган амаллар дейилганда, рўзани бузмайдиган, аммо савобини камайтирадиган, бузишга яқин бўлган ишлар тушунилади.

Рўзадор сақич ёки шунга ўхшаш нарсани чайнаши макруҳдир. Чунки, кўрган одам рўзадор эмас экан деган хулосага келади. Пайғамбаримиз салоллоҳу алайҳи васаллам “Ким Аллоҳга ва Охират кунига имон келтирган бўлса, ўзини шубҳали ўринга ташламасин”, деганлар
Рўзадор аёл ёш гўдагига ёки беморга овқатни чайнаб берса бўлади. Бунда фарзанд она сутига тўймайдиган бўлса ҳамда чайнаб бериладиган таом бўлса жоиз. Чайнамай ҳам едириладиган таом бўлса, оғизга олиб чайнаб бериш шарт эмас.
Аёл киши шўрвани татиб кўриши макруҳдир. Бу фарз рўзасида узрсиз бўлса. Агар узр сабабли татиб кўрадиган бўлса, макруҳ ҳисобланмайди. Эрнинг хулқи, феъли ёмон бўлса, узр саналади. Фарздан бошқа, масалан нафл рўзада хоҳ узр бўлсин, хоҳ узр бўлмасин, таомни татиб кўриш жоиздир. “Фатҳул қодир”да “ким бир нарсани татиб кўрса, оғзи очилмайди, аммо макруҳ бўлади”, дейилган. Хулоса қилинса, фарз рўза тутаётган аёл эрининг хулқи ёмон бўлмаса, таомнинг мазасини, тузини татиб кўриши яхши эмас.
Киши ёғ ёки асални сотиб олаётганда яхшисидан ёмонини ажратиб олиш олиш учун уни татиб кўриши макруҳдир.
Ўпиш, ушлаш ва қучоқлаш агар ғуслни вожиб қилувчи ишга сабаб бўлса макуруҳдир. Агар рўзани бузувчи иш содир бўлишидан қўрқмаса, жоиз деганлар.
Хоҳ кундузи, хоҳ кечки томон бўлсин, рўзадор хўл ёки қуруқ мисвокни ишлатса бўлади. Кўп уламолар кучли эҳтиёж ва зарурат бўлмаса, мисвок қилиш макруҳ, агар ҳалқумга мазаси келса, рўзани бузади деганлар. Биз айтамиз: мисвок хоҳ қурқуқ, хоҳ хўл бўлсин, хоҳ кундузи хоҳ оғиз очишга яқин бўлсин уни ишлатиш жоиздир. Чунки ҳадисда Пайғамбаримиз салоллоҳу алайҳи васаллам Оиша онамиздан қилинган ривоятда: “Умматимга машаққат бўлмаганида, уларни ҳар намозда мисвок қилишга буюрар эдим”, деб айтганлар. Саҳобалар ҳам Пайғамбаримизни рўзадорлик ҳолатларида кўп маротаба мисвок қилаётганларини ривоят қилганлар.

Ҳалқумга ютмай боши ва юзидан салқинланиш мақсадида сув қуйиш, хўл латтага ўраниб олиш жоиз. Таҳоратдан бошқа ўринда эса, оғизга сув олиб чайиш макруҳдир.
Таҳорат асносида оғиз ва бурунни муболаға қилиб чайиш ҳам макурҳдир.
Зулук ва шунга ўхшаш нарса воситасида кўп қон олдириб танани заифлаштириш.

10. Икки-уч кун ифторликсиз улаб рўза тутиш

Кўзга сурма қўйиш макуруҳ эмас. Яъни рўзага зиён бермайди.

“Фатава Сирожия” ва “Фатҳу баби иная” китоблари

асосида Н.Саидакбарова тайёрлади

Published in Рамазон-2019

mardi, 14 mai 2019 00:00

Шайх Муҳаммад Содиқ Муҳаммад Юсуф асарлари кўплаб тилларда таржима қилинган

Президент Шавкат Мирзиёев 10 май куни Тошкент шаҳридаги бунёдкорлик ишлари билан танишув чоғида ёшлар таълим-тарбияси, маънавият ва маърифат масалаларига алоҳида эътибор қаратди.

Хусусан, Шайх Муҳаммад Содиқ Муҳаммад Юсуфнинг илмий меросини ўрганиш, китобларни чоп этиш бўйича тавсиялар берилди.

Бу бежиз эмас. Шайх ҳазратлари нафақат диний, балки маърифий, тарихий, ахлоқий, ижтимоий мавзуларда 100 дан зиёд китоблар ёзган. Унинг ҳикматли асарлари, суҳбатлари, телевидение ва матбуотдаги чиқишлари юртимиздаги ҳар бир хонадонга кириб борган.

Шуни алоҳида таъкидлаш керакки, Шайх Муҳаммад Содиқ Муҳаммад Юсуф асарлари рус тилига ҳам таржима қилиниб, чоп этилган. “Тафсир Хилал” (Қуръон каримнинг шарҳи), “Хадисы и Жизнь”, “Ийман, Ислам, Куръан”, “Суннитские вероубеждения”, “Разногласия: причины и решения”, “Васатыя – путь жизни”, “Счастливая семья”, “Открытое послание”, “Истина о сути гадания”, “Заем и связанные с ним вопросы” каби китоблар шулар жумласидандир.

Шунингдек, олимнинг асарлари инглиз, қозоқ, қирғиз, қорақалпоқ ва бошқа тилларга таржима қилинган. Яқинда турк тилига ҳам таржима қилиниб, нашрга тайёрланди. Шайх Муҳаммад Содиқ Муҳаммад Юсуфнинг китоблари кенг илмий асосга эга бўлиб, қўшни мамлакатлар, Россия ва Европада ҳам ўрганилмоқда.

Аллома жуда қийин ва мураккаб даврда Ўрта Осиё ва Қозоғистон мусулмонлари диний идораси раиси, муфтий бўлиб, диний қадрият ва анъаналар қайта тикланишига катта ҳисса қўшган. Ислом оламида маълум ва машҳур бўлган “Адабул муфрад”, “Мухтасарул Виқоя”, “Мазҳаблар – бирлик рамзи”, “Мазҳабсизлик – ислом шариатига таҳдид солувчи энг хатарли бидъат” каби китобларни ўзбек тилида шарҳлаб, халқимизга динимизнинг асл арконларини етказган.

Муфтий вазифасида у киши халқаро миқёсда ҳам кенг фаолият юритиб, кўплаб ислом мамлакатлари билан маданий-маърифий алоқаларни йўлга қўйиш ва ривожлантиришга эришган.

Ўша даврда бутун собиқ Иттифоқ бўйича ҳар йили бор-йўғи 20-30 киши ҳажга борар эди. Шайх Муҳаммад Содиқ Муҳаммад Юсуфнинг саъй-ҳаракатлари натижасида шўро ҳукуматининг мусулмонларга нисбатан сиёсати ўзгариб, масжид ва мадрасалар очилган, ҳаж зиёратига борувчилар кўпайган. 1990 йилда Марказий Осиё мамлакатларидан 500 нафар мусулмон илк бор Тошкент шаҳри орқали ҳаж зиёратига боришга муваффақ бўлди.

У кишининг дунё мусулмонлари ўртасидаги обрў-эътибори жуда баланд эди. Бу улуғ ватандошимиз Бутундунё мутафаккир уламолари уюшмасининг Ижроия қўмитаси аъзоси, Бутунжаҳон мусулмон уламолари халқаро уюшмаси, Бутундунё Ислом уюшмаси каби нуфузли халқаро ташкилотларнинг, Иордания қироллик академиясининг ҳам аъзоси эди. У киши Миср Араб Республикасининг “Нил лаври” олтин нишони, шунингдек, Россия, Ливия ва бошқа давлатларнинг кўплаб юксак мукофотларига сазовор бўлганди.

Давлатимиз раҳбари ташаббуси билан ислом динининг асл моҳиятини тарғиб этиш, ёш авлодни миллий қадриятларимиз руҳида тарбиялашга қаратилган эзгу ишлар амалга оширилмоқда. Шайх Муҳаммад Содиқ Муҳаммад Юсуфнинг турли тилларда чоп қилинган асарлари ёш авлод учун улкан тарбия ва ибрат манбаи бўлиб хизмат қилади.

Темур Мамадаминов (сурат), ЎзА

МАнба: http://uza.uz

Published in Ўзбекистон янгиликлари

mardi, 14 mai 2019 00:00

Нишонга урилган гаплар: “Агар бўрилар билан юзма-юз келиш қўлингдан келмаса, ўрмонга кирма!”

Қуйида келтириладиган фикрлар, ҳикматлар сайтлардан ва ижтимоий тармоқлардаги турли саҳифалардан олиб таржима қилинган.

Рамазонда таҳорат асносида сувни ютиб юбормасликка уринди. Аммо у синглисининг меросдаги ҳиссасини, қўшнисининг икки метр ерини, одамлар юрадиган умумий йўлдан бир метрини ютиб юборган эди.

“Тарих муҳрлаган сўзлар”

*****

Халқни бошқаришнинг стратегик усулларидан бири – ахлоқсизликни ва паст санъатни “яхши нарса” деб билишга халқни руҳлантириш, қизиқтиришдир.

“Тарих муҳрлаган сўзлар”

*****

Ичимиздаги ижодий қобилиятни энг кўп ўлдирадиган нарса – бошқаларнинг масхара қилишидан қўрқишимиздир.

“Тарих муҳрлаган сўзлар”

*****

Нафслар яширган нарсаларни билиш қийин. Лекин вазиятлар инсонларнинг аслини фош этади.

Нажиб Маҳфуз

*****

Агар бўрилар билан юзма-юз келиш қўлингдан келмаса, ўрмонга кирма!

“Тарих муҳрлаган сўзлар”

*****

Тиш оғриғидан қийналаётган киши тишлари соғлом инсонларни бахтли деб ўйлайди.

“Тарих муҳрлаган сўзлар”

*****

Кўплаб инсонлар тушуниш мақсадида эмас, жавоб бериш мақсадида жим туриб тинглайдилар.

“Тарих муҳрлаган сўзлар”

*****

Барчамиз бизни танимайдиганлар кўзига оддий бўлиб, бизни ёмон кўрадиганлар кўзига мағрур бўлиб, бизни танийдиганлар кўзига яхши бўлиб, бизни яхши кўрадиганлар кўзига ажойиб бўлиб кўринамиз.

“Тарих муҳрлаган сўзлар”

*****

Мол-дунё бу оламдаги ҳамма нарса эмаслигини билишлари учун барча одамлар бой бўлиб, ўзлари хоҳлаган нарсаларга эга бўлишларини кўп истаганман.

“Тарих муҳрлаган сўзлар”

*****

Биз ғаройиб дунёда яшаяпмиз. Фақирлар таом топиш учун бир неча километрлаб йўл босадилар. Бойлар эса таомни ҳазм қилиш учун бир қанча масофа йўл босадилар.

“Тарих муҳрлаган сўзлар”

*****

Агар ўзинг эгилмасанг, бирор инсон устингга миниб ололмайди.

“Тарих муҳрлаган сўзлар”

*****

Интернет материалларидан тўплаб, таржима қилувчи

Нозимжон Иминжонов

Published in Мақолалар

mardi, 14 mai 2019 00:00

Фотожамланма: Тошкент шаҳридаги "Новза" масжидида таровеҳ файзи

ЎМИ Матбуот хизмати

Published in Фотолавҳалар

lundi, 13 mai 2019 00:00

Шайх Муҳаммад Содиқ Муҳаммад Юсуф номидаги янги жоме масжидидаги илк намоз (Видео)

Манба: islom.uz

Published in Видеолавҳалар

Page 642 sur 1862

ХОРИЖДАГИ ЮРТДОШИМ САҲИФАСИ

КОНЦЕПЦИЯ

Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.

Шунинг баробарида бизнинг юртдошларимизнинг ҳам хорижий давлатларга чиқиши ортмоқда.

Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.

Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.

Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.

Ушбу рукнда:

- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;

- йўлга чиқувчиларга тавсиялар, маслаҳатлар;

- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;

- Интернет сайтда эълон қилинган мақоланинг аудио формати ҳам тавсия қилинади.

Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.