muslim.uz
Китоб сайлига марҳамат!
Навбатдаги китоб сайллари 26 октябрь куни Тошкент вилояти ва Тошкент шаҳрининг қуйидаги масжидларида ташкил этилади.
1. Тошкент вилояти Паркент тумани "Беш каппа" жоме масжидида бўлиб ўтади (масъул шахс М.Мансуров. тел.: 93 189-90-76)
2. Тошкент шаҳри “Тўлқин акром ўғли” жоме масжиди (масъул шахс: С.Сатимов. тел:777-00-12).
Азиз ватандошлар мазкур сайллар сиз ва яқинларингизни илм ва маърифат нуридан баҳраманд этиш мақсадида ташкил этилмоқда. Шошилинг!
ЎМИ Матбуот хизмати
@muslimuzportal
Ҳар бир жон ўлим (аччиғи)ни тотувчидир
Хасан Басрий р.а. “Оли Имрон” сураси 185 — оятини ўқиди:
كل نفس ذاءقة الموت
Ҳар бир жон ўлим (аччиғи)ни тотувчидир.
Айтади, мен бу оятни узоқ ўқиб фикр қилиб туравердим ва қайта-қайта такрорлар эдим. Шунда бир овоз келдики, Бу оятни яна қанча такрорлайсан, ҳар ўқиганингда бу оят маъносини тафаккур қилиб осмонга юзланмаганлигинг учун мен тўрт минг жинни ҳалок этдим. Ҳаммод ибн Зайд р.а. ҳеч қачон ўтирмас ўтирадиган бўлса ҳам, ҳозир туриб кетадигандек ўтирар ва яна туриб кетар эди. Сабабини сўрашганида, Аллоҳни азобидан омонда бўлганлар ҳотиржам ўтириши мумкин, мен эса шу кеча ёки шу кундузда бало тушиб қолмасми? деб ўйланаман дер экан.
12) Яна уларнинг аҳлоқларидандир, ҳар бир ўтирган жойида пайғамбаримиз с.а.в. га саловот айтишликлари ва Аллоҳнинг зикридан ғафлатда қолмасликлари.
Иброҳим ибн Адҳам р.а. (айтади) ўзи билан ҳамсуҳбат бўлганларга бу суҳбатга кетган вақт Аллоҳни зикридан тўхталиш эвазига бўлмаслиги кераклигини шарт қилар эдилар. Довуд Тоий р.а. айтади: “Ҳар бир инсонни жони чиқишда ташналик бўлиб, бу дунёда сувсаб жон беради, лекин Аллоҳни зикрида бўлганларгина, бундан мустасно (яъни зикр қилишликни кўплаб фойдалари бор). Вуҳайб ибн Вирд р.а. айтади: “Йиғини Аллоҳни зикр этиш билан бошлайдиган инсонлар Аллоҳга энг аъло инсонлардир. Абул Малик р.а. Аллоҳни эслаганида (зикр қилганда) ҳаяжонланиш, завқланиш ҳосил бўлар ва бу завқланишлигим Аллоҳ мени эслаганидан деб айтар эди ва қуйидаги “Бақара” сурасининг 152-оятини ўқир эдилар:
فا ذكرونى اذكركم
Бас, Мени ёд этингиз, (Мен ҳам) сизларни ёд этурман
Бирор кўчада кетаётганида Аллоҳни ёдидан кўтариб унитиб қолса шу кўчадан бошқаттан зикр билан юриб қайтиб келар эди. Ва менга қиём куни шу кўча ва ундаги барча нарсалар шаҳодат борлигини яхши кўраман деб айтар эди. Довуд а.с. ўз дуоларида айтар экан. «Эй Парвардигорим мени зокир бандаларингдан қилгин. Агар билиб билмай зокирлар мажлисидан ғофиллар мажлисига юрсам оёғларимни синдиргил чунки бу сендан бўлган неъмат мени зараримга ишламасин.» Ваҳб ибн Мунаббаҳ р.а. айтар эди. Бир кишига ажабланаманки ўлган тана учун йиғлайди. Ўлган қалб учун йиғламайди Ҳолбуки қалб ўлиши танани ҳалокатидан кўра оғирроқ
13) Яна уларни ахлоқларидан ҳисобланади ҳар касал бўлганларида мен шу касаллик билан оламдан ўтиб кетадиган бўлсам зиммамдаги ҳақларни адо этолмай қоламан, тавба қилмай жон таслим этсам нима бўлади деб қалблари ларзага келишлиги. Бир куни Ҳисон ибн Синон р.а. бетоб бўлиб қолганида ҳолидан хабар олганлар кириб «кўнглингиз нима тусайди?» Деб сўрашганида у зот шундай жавоб берган экан: Ўлимимдан олдин узун кечани намоз ва изтиғфор билан ўтказсам эди.
Иброҳим Нахаъий р.а. вафоти яқинлашганида мени ҳозир дўзах кутиб туриптими ёки жаннат? Деб йиғлаган. Абу Ҳурайра р.а. ажал пайти келганда қаттиқ йиғлади. Сабабини сўраганида у зот «Сафаримни узоқлиги, тайёргарлигини камлиги, ишончу иймонимни заифлиги’ пулсиротдан дўзахга қулашлик хавфларидан йиғлаяпман” деб айтган экан.
Вилоят бош имом-хатиби ўринбосари М.Мўминов
АНДИЖОН ВИЛОЯТ ВАКИЛЛИГИ
ЎМИ матбуот хизмати
Черногорияликлар давлат гербига ҳилолни қўшишни талаб қилмоқда
Чернегория бош вазири ўринбосари ва ҳукмрон Бошноқ партияси етакчиси Рафет Хусович мамлакат гербига мусулмонларга хос бўлган ҳилолни қўшишни талаб қилди. Бу ҳақда “Новости” агентлиги хабар берди.
“Конституцияда ҳозирги гербимиздаги диний тимсоллар тилга олинмаган. Бизнингча, Исломнинг тимсоли – ҳилолни қўшиш орқали жамият сифатида етилганимизни ҳамда ҳозирги Черногория ўзида Европа қадриятларини мужассам этганини кўрсатамиз”, – деди Хусович.
Қайд этиш лозимки, Чернегориянинг айни пайтдаги гербида икки бошли бургут ва хоч тасвирланган.
Маълумот учун, мамлакат аҳолиси сони 620 мингдан ошиқ бўлиб, уларнинг қарийб 20 фоизини мусулмонлар ташкил этади. 80 фоизга яқин аҳоли насронийлардир.
ЎМИ Матбуот хизмати
Индонезияда 4D-Қуръон музейи ташкил этилади
Индонезиянинг Маланга шаҳрида 4D форматидаги Қуръон музейи ташкил этилиши ҳақида хабар берилди. Ушбу Қуръон музейи йирик Ислом марказининг ажралмас қисми бўлиши ҳақида айтиб ўтилди.
Malang Times порталининг хабар беришича, Индонезиядаги музейнинг дизайни Дубайдаги Этиҳад музейига ўхшаш шаклда қуриб битказилиши айтилган.
4D форматдаги Қуръони карим оятлари ва уларнинг маънолари тасвирланади. Ушбу музей ахборот технологияларининг энг сўнгги интерфаол воситалари билан жиҳозланиши маълум қилинган. Музей кўплаб сайёҳларни ўзига жалб этиши айтилган.
Маълумот учун, музейнинг қурилиши 2023 йилда Индонезия Республикасининг ҳалол туризмни ривожлантириш бўйича давлат дастури доирасида амалга оширилади.
ЎМИ Матбуот хизмати
40. Нуриддин ҳожи Холиқназаров: Тасаддуқ Ё Росулаллоҳ - Жувайрия (р.а) онамиз
ЎМИ Матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.