muslim.uz
Ҳаж ва Умра доирасида булутли технологиялар орқали хизмат кўрсатилади
Саудия Арабистони Ҳаж ва Умра зиёратларини ташкил этиш бўйича икки келишувга эришди. Келишувларда зиёрат давомида қулайликлар яратиш масаласи кўриб чиқилган. Унга кўра, Ҳаж ва Умра билан боғлиқ хизматларни рақамли шаклга ўтказиш, зиёратчилар учун қулайликлар яратиш мақсад қилинган. Бу ҳақда arabnews.com нашри хабар берди.
Келишувларни имзолаш маросими Ар Риёдда ташкил этилган, Германияга тегишли булутли технологиялардан фойдаланиш маълумотлар алмашинувида муҳим омил экани таъкидланган.
Ҳар йили ошиб бораётган зиёратчилар ҳақидаги маълумотлар билан ишлаш тизимини йўлга қўйиш бўйича меморандум қабул қилинган.
Саудия Арабистони Ҳаж ва Умра вазири доктор Муҳаммад Солиҳ бит Тоҳир Бентен ҳамда EMEA Жануб лойиҳасининг САПдаги президенти Стив Цикакис ҳужжатларни имзолаган.
Лойиҳалар миллионлаб сайёҳлар ҳақидаги маълумотларни унификация қилишда кўмак беради. Одамлар гуруҳини бошқариш, транспорт ва логистика, уларнинг саломатлиги ва хавфсизлиги билан боғлиқ маълумотларни умумлаштириш лойиҳадан кўзланган ғоя ҳисобланади.
Ушбу дастурлар орқали давлат ҳаражатлари 25-50 фоизга қисқариши кутилмоқда.
ЎМИ Матбуот хизмати
Танамиз ҳақида биз билмаган маълумотлар
ЎМИ Матбуот хизмати
Диний қўмита Ҳаж ва Умра сафари бўйича брифинг ўтказади
Бугун, 25 октябрь куни соат 15:00да Ўзбекистон Миллий матбуот марказида Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита томонидан “Ҳаж ва Умра сафари тўғрисида” оммавий-ахборот воситалари учун брифинг ўтказилади.
Ушбу брифингни Muslim.uz портали ва унинг Facebook.com ижтимоий тармоғидаги саҳифасида онлайн кузатишингиз мумкин!
ЎМИ Матбуот хизмати
Россия марказий мусулмонлар диний идорасининг 230 йиллик юбилейи нишонланмоқда
Уфа шаҳрида Россия марказий мусулмонлар диний идорасининг 230 йиллик юбилейига бағишланган «XXI аср таълим соҳасида ислом қадриятлари» деб номланган XI Халқаро илмий-амалий конференция бўлиб ўтди. Анжуман Мифтаҳутдин Оқмулла номидаги Бошқирд давлат педагогика университети ва Россия марказий мусулмонлар диний идорасининг Россия ислом университети томонидан ташкил этди.
Илмий форум ислом тарихи ва маданиятини чуқур ўрганиш бўйича мутахассисларни тайёрлаш бўйича федерал лойиҳа доирасида ўтказилмоқда. Мунозара учун асосий мавзулар сирасига ислом таълимининг энг долзарб масалалари, ислом тарихи ва маданияти, маънавий қадриятларни тиклаш, ёшларни тарбиялаш ва экстремизмнинг олдини олиш масалалари киритилди. Форумда Россия ва яқин ва узоқ хориж мамлакатларидан: Қирғизистон, Ўзбекистон, Тожикистон, Қозоғистон, Миср, Иордания, Марокаш, Тунис, Туркия, Сурия ва Ҳиндистондан машҳур дин уламолари, маданиятшунослар, файласуфлар, социологлар, сиёсатшунослар, тарихчилар иштирок этишмоқда.
«Башинформ» ахборот агентлигининг хабар беришича, конференцияда Россия ҳудудлари ва хорижий давлатлардаги исломий жамоаларнинг вакилларини Бошқирдистон Республикасининг раҳбари Радий Хабиров қутлади. У Россия марказий мусулмонлар диний идорасининг яхши қўшничилик, ўзаро ҳурмат ва бағрикенглик анъаналарини сақлаб қолиш борасидаги ишларига катта баҳо берди.
ЎМИ Матбуот хизмати
Нишонга урилган гаплар: “Ғазаб аҳмоқлик билан бошланиб, надомат билан тугайди”
Қуйида келтириладиган фикрлар, ҳикматлар ижтимоий тармоқлардаги турли саҳифалардан олиб таржима қилинган. Бундан ташқари саҳобаи киромлар, улуғ олимлар, Яқин Шарқ, Осиё, Европа ва Америка мутафаккирларининг бир қатор фикрлари ҳам берилган.
*****
Ғазаб аҳмоқлик билан бошланиб, надомат билан тугайди.
“Тарих мухрлаган сўзлар”
*****
«Агар иймонинг заифлашиб, ибодатга дангасалик қилаётган бўлсанг, ушбу дуони кўп ўқигин:
اللهُمَّ لا تجعلْنِي شَقِيًّا ولا محْرُومًا
«Аллоҳумма лаа тажъалний шақийяв валаа маҳрумаа»
Маъноси: “Эй Аллоҳ! Мени бадбахт ва (ибодат лаззатидан) маҳрум қилмагин!”
Шайх Шинқитий раҳимаҳуллоҳ
*****
Энг афзал ҳолатда бўлганингда энг ёмон ҳолатдагиларга ёрдам беришга ҳаракат қил.
Уилл Смит
*****
Менинг нима демоқчилигимни билмаган пайтингда, уни ўзинг истаган маънода шарҳ қилма.
«Тарих мухрлаган сўзлар»
*****
Аёлларнинг таълим олишига кўнмайдилар. Лекин хотинлари касал бўлиб қолса, аёл шифокор қидирадилар.
Доктор Али Вирдий
*****
Интернет материалларидан тўплаб, таржима қилувчи
Нозимжон Иминжонов
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.